نقاش بشأن تحديد سن الزواج في فلسطين

بعد تاريخ 2020/1/1 لن تستطيع تسجيل عقد زواج ابنتك أو ابنك في المحاكم الشرعية في فلسطين الا بعد بلوغهم سن 18 عام فما فوق

رأيكم في هيك قرار ؟؟

بالنسبة لرأي فأنا ضد
هاد القرار مخالف و معاند للشرع و الإسلام
شروط الزواج ، البلوغ و الرشد .. ما انذكر العمر
حسب نظرتي و رأيي الخاص اعتقد هالشي لتخفيف النسل فقط لا غير
ممكن لأسباب سياسية ! و ممكن لأسباب تانية

لو كان مضار الزواج قبل سن 18 قوية و كبيرة
لكن ربنا ذكر هالشي او منع الزواج قبل هالعمر


بإنتظار ارائكم .


هاد نص البيان ..

انا مع بصراحة
شفت مرة اخوي العروس منزلة القرار بالستوري
وبتحكي لحقنا حالنا ههههه
انا لو مكان اهلها م بجوز بنتي قبل التوجيهي
حتى لو كانت البنت ناضجة وعاقلة
بنظري احسن القرار
لانه جيل هالايام طايش وم بتحمل مسؤولية
خليهم يدرسو التوجيهي عالاقل
و م يفكره بالجيزة

صدقا ما بعرف ايش الصح
لكن للاسف نسب الطلاق اللي بتحصل سببه الزواج المبكر
البنت والشب وقتها ما عندهم الرشد اللازم لمعرفة شو الزواج وايش اللي مترتب عليه
بس اللي في بالهم حب واولاد ...ومش عارفين شو العيشة وشو الكنف الزوجية

ما دام قرروا هالاشي
اكيد اخدوا عن سبق فهم ودراسة


شكرا ميناس

اقتباس   المشاركة الأصلية كتبت بواسطة ملاك الحب انا مع بصراحة شفت مرة اخوي العروس منزلة القرار بالستوري وبتحكي لحقنا حالنا ههههه انا لو مكان اهلها م بجوز بنتي قبل التوجيهي حتى لو كانت البنت ناضجة وعاقلة بنظري احسن القرار لانه جيل هالايام طايش وم بتحمل مسؤولية خليهم يدرسو التوجيهي عالاقل و م يفكره بالجيزة

كلامك فيه وجهة نظر
و انا جربت الزواج المبكر و صراحة واجهت بعض الصعوبات
لكن الشيء المستفز قرار اجباري متل هاد
المفروض كبار المدن يوقفوا وقفة احتجاجية
بغض النظر عن كل الإيجابيات هيك قرار معاند لما ذُكر بالقرآن !

نورتِ

انا مع هالقرار
تحت هالسن بكونوا لسا أطفال ومش واعيين كفايه
ولا قد مسؤولية الزواج ولا فاهمين شو هو الزواج وتبعاته

عوافي ام امير

اقتباس   المشاركة الأصلية كتبت بواسطة خالد صدقا ما بعرف ايش الصح لكن للاسف نسب الطلاق اللي بتحصل سببه الزواج المبكر البنت والشب وقتها ما عندهم الرشد اللازم لمعرفة شو الزواج وايش اللي مترتب عليه بس اللي في بالهم حب واولاد ...ومش عارفين شو العيشة وشو الكنف الزوجية ما دام قرروا هالاشي اكيد اخدوا عن سبق فهم ودراسة شكرا ميناس

ما فكروا ان هالشي رح يسبب كوارث بين الشباب و البنات
بوقت كلنا عارفين الإنفتاح الملحوظ بالتفكير و التصرفات !
ممكن هالقرار يكون سلبي اكثر من الإيجابي

نورت

اقتباس   المشاركة الأصلية كتبت بواسطة lonely heart انا مع هالقرار تحت هالسن بكونوا لسا أطفال ومش واعيين كفايه ولا قد مسؤولية الزواج ولا فاهمين شو هو الزواج وتبعاته عوافي ام امير

هاد التفكير لازم يكون من الأهل و مش قرار اجباري
انا ازا مع عشان شغلة وحدة و هو البنت تكمل توجيهي على الأقل
و تضمن مستقبلها

نورتِ

اقتباس   المشاركة الأصلية كتبت بواسطة lonely heart انا مع هالقرار تحت هالسن بكونوا لسا أطفال ومش واعيين كفايه ولا قد مسؤولية الزواج ولا فاهمين شو هو الزواج وتبعاته عوافي ام امير

وانا معك
مرة اخوي طالبة توجيهي
طايشة عالاخر
مش فاهمة شو يعني جيزة الا لبس ونت
حتى للبيت مش واعية لشغله
وكل شوي بتحكي بدي ابطل من المدرسة
حست بمسؤولية البيت
مع انه لسة المسؤولية م بلشت من هلأ

قبل ما يحدد سن الزواج
يساعدو الشباب اللي وصل عمرها فوق 30 سنه ولسه مش قادرة تزوج
بنسبه لقانون سن الزواج انا مع
لان في الأوقات السابقه هناك من يزوج ابنه/ت ع 14سنه
وبصير حالات طلاق كثيرة بسبب عدم تفاهم الزوجين
شكراً لك ع طرحك المميز
تحياتي لك

ما دام هناك حالات استثنائية فهناك زواج
كل عائلة تجد مبرر ويقوم العرس
في رايي الزواج يكون عند البلوغ ولا دخل للسن هنا.
اشكرك البريئة .