أخبار_عالريق 815 يوم ✅يكتبها/ #سعيد_الطويل

#أخبار_عالريق 815 يوم
✅يكتبها/ #سعيد_الطويل

■عشان محدش يلخبط بالوقت وتقلب راسه ،لسة الساعة 7:30 وفي جوالات ذكية قلبت الساعة لحالها وصارت 8:30 مع اليــ ـهود بوقت نشر هذا المنشور ،من الآخر من بكرة حيتيغر للوقت وتزود ساعة ولو غيرها اليوم مشي حالك لبكرة ومتغيرش حاجة.

■بكرة دوام المدارس بالتوقيت الجديد يعني أولادكم حينشفوا ريقكم وهما بيصحوا.

■الأسـ ـرى انتصروا عالسجان الاضراب إللي مفروض يبلش اليوم توقف ،لانه تحققت معظم مطالبهم الحياتية بالسجن.

■العمادي جدّد المنحة القطرية لغزة ب360 مليون دولار جداد .

■المطرة مش راضية تسكت من مبارح ،ويمكن من سنين لا شفنا شتوية ولا مطرة ومنخفضات زي هذه السنة ،صارت تقيل دم القصة.

■المهم قبل ما ننسى بكسة البندورة ب60 شيكل

■أربعة كيلو فروالة بعشر شواكل والبرتقان بنفس السعر وزي العسل.

■توفت صبية من خانيونس اسمها فاطمة أبو موسى بالعشرينات من عمرها بشكل مفاجئ.

■حينشروا نتائج التوظيف تبعت الحكومة قبل رمضان ان شاء الله

■ممكن الأمور تتدحرج وتتصاعد مع اليــ ـهود قبل رمضان خاصة بالضفة

■ع كلام الروس ،بيقولوا انهم دمروا 90% من منظومة الدفاع الجوي لأوكرانيا

■بالنسبة لمعبر رفح ممنوع أي مسافر ياخذ معاه شغلات للتجارة وهوا رايح ،وبس يرجع مسموحله بس كروز دخان وكيلو معسل.

■ايطاليا طلعت برة تصفيات كاس العالم تبع قطر 2022

■بعد اعتزاله للغناء.. أدهم النابلسي ختم القرآن وإجازته برواية حفص عن عاصم

■عالعموم هبوش طلعت كليب راب جديد عن التنمر

#صباح_الخير للناس المتعبة المنهكة إللي التفكير دبحها دبح ،للناس إللي نفسها ترتاح من الهم والغم والكرركبة الموجودة بحياتهم ،يارب تفرج عليكم ويريح بالكم واحنا بتستنى بحلول رمضان الكريم

و #الله_لا_يصبحهم_بخير المشعوذين والناس إللي بتعمل السحورة والأعمال الخبيثة وبتأذي غيرها بسبب وبدون سبب
الله ينتقم منهم أشد انتقام ،لانه كل يوم بنسمع مصيبة جديدة من وراهم.

#جمعة_مباركة🌹
واكسبوا عالصبح الصلاة عالنبي حمد
صلى الله عليه وسلم

25-3-2022

يسسلموو الامميرر
+ وردهةة

يسلمو الأمير ع المتابعة
عوافي

يسلمو الامير ع المتابعه
عوافي ع جهودكً

السلام عليكم ورحمة الله وبركاته



يسلمووووا ع النشرة الاخبارية والمنوعة



يعطيك الف عافية



بانتظار جديدك دائما







تحيتي

يسلموو ع المتابعة أخي
ربي يسعدك ويحفظك
طابت مساءاتك

كل الشكر و التقدير