نقاش مفتوح

اقتباس   المشاركة الأصلية كتبت بواسطة خالد الفضول وعدم الثقة بزوجها بالاصل هو السبب اللي خلاها تفتحه واحساسها كان بمحله الامر صار وصار تفتح الموضوع بشكل غير مباشر بمعنى تاخدوا باللين هل انا مقصرة معك شو السلبيات اللي فيا اللي ممكن تخليك تفكر تكلم غيري فرضا لو حصل للاسف بعض اشباه الرجال يستطيع مدح و انهال جميع الكلمات الجميلة لاناث اخر مع انه عنده زوجه هي الاحق بهالكلمات معقول الرومانسية ما بتنزل غير في الاشياء المحرمة سلمتي

صحيح هي الأحق بالكلمات الجميلة وهي حلاله
والزواج ميثاق غليظ ، كل طرف يجب أن يحترم الطرف الآخر ويخلص له ويحفظه في السر والعلن

أشكرك على حضورك الراقي
وتفاعلك المميز

اساس العلاقة الثقة
هية من البداية شكت و كان عندها فضول
و كان شكها بمحله ،
طبعا مش لازم تسكت ميشان الموضوع ما يتطور
وتصل الأمور لعلاقات اكتر
تقعد مع زوجها تتحدث معو ليش انت عملت هيك
و بالنقاش الحلو الهادي هيوصلو لحل

ألف عافية ♡

اقتباس   المشاركة الأصلية كتبت بواسطة lonely heart بنظري ان سكتت رح يتمادى اكتر وممكن ما يكتفي بالمحادثات البسيطه من رأيي تحاول تشوف السبب يلي دفع زوجها يعمل هالامور هل هو تقصير منها ؟ او انه هادا طبع فيه او في سبب اخر ؟ اكيد هي ادرى فيه واكتر حد بعرفه لو كان تصرفه هادا ناتج عن تقصيرها المفروض تنتبه لهاي النقطة وتراجع حالها وتحاول تقرب اكتر من زوجها وتغير روتين حياتها وتهتم بنفسها اكتر لحتى ما تترك اله مجال يدور ع غيرها بسبب اهمالها اما لو كان السبب الثاني الافضل انها تواجهه بهادا الشي وتحكي معه بهدوء وتشوف رده ع تصرفه هادا لو كان هالانسان شخص منيح مجرد ما تصارحه هو نفسه رحل يخجل من تصرفه ويحس حاله صغير كتير ويعتذر وما رح يرجع لهيك امور اما لو ما همه كلامها وما عمل اي اعتبار لاله واستمر بافعاله من الافضل لالها انها تنفصل عنه وما تستمر بهيك العلاقه يعطيكي العافيه قطر الندىً

معاك حق السكوت مو حل نهائيا
وبعد المواجهة اذا أصر على فعله هذا ماعنده احترام لزوجته ولامعطيها قدر ولاقيمة
وهذا أسوء شيء قد يحصل

أشكرك على حضورك الراقي
وتفاعلك المميز

اقتباس   المشاركة الأصلية كتبت بواسطة بيسان اساس العلاقة الثقة هية من البداية شكت و كان عندها فضول و كان شكها بمحله ، طبعا مش لازم تسكت ميشان الموضوع ما يتطور وتصل الأمور لعلاقات اكتر تقعد مع زوجها تتحدث معو ليش انت عملت هيك و بالنقاش الحلو الهادي هيوصلو لحل ألف عافية ♡

ياسلام عليك
مافيه مثل الرواق والهدوء
وأغلب الأشياء تنحل مع الهدوء

أشكرك على حضورك الراقي
وتفاعلك المميز

نقاش مفتوح ٣

مع قلة فرص العمل للشباب والبنات لجأ معظم الشباب لبعض المهن البسيطة مثل العمل كسائق في التطبيقات العالمية كمرسول وأوبرا وكريم
أو كالعمل كحارس أمن أو جرسون أو كاشير
أو حتى بيع الشاي والقهوة على سكة الطريق


هل ممكن أن تعمل بمهنة بسيطة على الرغم من شهادتك الجامعية لكسب لقمة العيش ؟
هل تشعر بالخجل من ذكر نوع عملك لأي شخص يسألك عنه أم تفتخر بذالك ؟
هل عملت من قبل بمهنة بسيطة وكيف كانت تجربتك ؟
هل نظرة المجتمع من حولك لهذه الأعمال نظرة دونية أم تجد التشجيع ممن حولك ؟
هل تجد عملك بعمل بسيط في يوم من الأيام ومرتب منخفض عائق كبير أمام أحلامك أو تكوين أسرة والزواج
ماشعورك اذا ذهبت لخطبة فتاة وتم رفضك بسبب عملك وراتبك ؟
ماشعورك اذا تم طلب يدك من شاب وعندما علم بعملك فسخ الخطوبة ؟
هل ذهبت يوما لإجراء مقابلة عمل وتم اختيار أشخاص بالواسطة
هل تؤيد العمل الحكومي أو العمل الحر وليش ؟
من المسؤول عن قلة فرص العمل في العالم العربي ؟


تسعدني مشاركتكم وتفاعلكم



@البريئة !
@Aseel
@شغف
@سكون وانين
@jr7
@هل كان حباً
@ᒍᑌᗷᗩ
@Nermin ta
@ملاك الحب
@ندى الورد
@الصياد
@انس تينا
@بيسان
@علاء فلسطين
@قمر الماما
@البارون
@خالد
@lonely heart @Golden Eagle

هل ممكن أن تعمل بمهنة بسيطة على الرغم من شهادتك الجامعية لكسب لقمة العيش ؟
أكيد آه الشغل مش عيب

هل تشعر بالخجل من ذكر نوع عملك لأي شخص يسألك عنه أم تفتخر بذالك ؟
طبعا بفتخر

هل عملت من قبل بمهنة بسيطة وكيف كانت تجربتك ؟
لا والله محصلش

هل نظرة المجتمع من حولك لهذه الأعمال نظرة دونية أم تجد التشجيع ممن حولك ؟
دونية للأسف

هل تجد عملك بعمل بسيط في يوم من الأيام ومرتب منخفض عائق كبير أمام أحلامك أو تكوين أسرة والزواج
أكيد اه، الزواج بده مسؤولية وفلوس تكفيك وتكفي عيلتك

ماشعورك اذا ذهبت لخطبة فتاة وتم رفضك بسبب عملك وراتبك ؟
للشباب هالسؤال

ماشعورك اذا تم طلب يدك من شاب وعندما علم بعملك فسخ الخطوبة ؟
أكيد رح أحتقره، واللي مثل هاد ما بيلزمني

هل ذهبت يوما لإجراء مقابلة عمل وتم اختيار أشخاص بالواسطة
لا

هل تؤيد العمل الحكومي أو العمل الحر وليش ؟
الحكومي عشان الراتب شهري مضمون

من المسؤول عن قلة فرص العمل في العالم العربي ؟
الحكومات

لي عوده بآذن الله
❤

أنا برأيي انها تقعد معاه وتحكي معاه بهدوء وتكون متحكمة بأعصابها وحريصة انها ما تطلع منها كلمة تضايقه أو تعصبه
حتى ما يتطور الأمر لخناق ومشكلة أكبر ، وتحاول تنتقي كلماتها كويس حتى ما تعطيه مجال انه يغضب أو ينفعل وحتى تحسسه بالذنب
وتشعره انه أخطأ في حق زوجته وفي المقابل زوجته ما صدر منها اي شيء يجرحه أو يضايقه بردة فعلها
وأكيد لو هي كانت نزوة أو هفوة منه وهو كان انسان سوي وأخطأ وكلنا بنخطىء رح يراجع نفسه ويغلط نفسه ويرجع لصوابه وينتهي عن هذا الفعل

شكراً لك حلو نقاشك ومميز

نقاش مفتوح ٣

مع قلة فرص العمل للشباب والبنات لجأ معظم الشباب لبعض المهن البسيطة مثل العمل كسائق في التطبيقات العالمية كمرسول وأوبرا وكريم
أو كالعمل كحارس أمن أو جرسون أو كاشير
أو حتى بيع الشاي والقهوة على سكة الطريق


هل ممكن أن تعمل بمهنة بسيطة على الرغم من شهادتك الجامعية لكسب لقمة العيش ؟ممكن اه عادي ما عندي مشكلة ،
ما عدا اني اشتغل سواق ، جربتها قبل هيك وشغلانة مقرفة
هل تشعر بالخجل من ذكر نوع عملك لأي شخص يسألك عنه أم تفتخر بذالك ؟
لا ما بشعر بالخجل وبحب كل الناس تتقبلني على حقيقتي كيف ما اكون
هل عملت من قبل بمهنة بسيطة وكيف كانت تجربتك ؟
اه كانت ناجحة لفترة لكن النجاح لم يستمر بسبب ظروف الوضع الراهن في غزة
هل نظرة المجتمع من حولك لهذه الأعمال نظرة دونية أم تجد التشجيع ممن حولك ؟
تشجيع
هل تجد عملك بعمل بسيط في يوم من الأيام ومرتب منخفض عائق كبير أمام أحلامك أو تكوين أسرة والزواج
والله الي بيعيش في غزة ، مش هيفكر في احلام
ماشعورك اذا ذهبت لخطبة فتاة وتم رفضك بسبب عملك وراتبك ؟
مع السلامة في غيرها كثير
ماشعورك اذا تم طلب يدك من شاب وعندما علم بعملك فسخ الخطوبة ؟
هل ذهبت يوما لإجراء مقابلة عمل وتم اختيار أشخاص بالواسطة
لا
هل تؤيد العمل الحكومي أو العمل الحر وليش ؟
العمل الحر أفضل بكثير لأنك سيد نفسك ولكن فيه مخاطرة وربح وخسارة
أما العمل الحكومي لا توجد فيه مخاطرة

من المسؤول عن قلة فرص العمل في العالم العربي ؟
الفسدة ، المرتزقة ، أصحاب الكروش والمصالح ، حرامية البلد وتجار الوطن




حلوة كثير الاسئلة
استمري

ساحاول ان اجاوب على كل هذا -هل - باختصار

الحمد لله جيل اليوم وبحكم الظروف الاقتصادية والاجتماعية المفروضة عليه ونقص العمل الحكومي يلي صار بالمعارف كان لازم عليه يتاقلم مع الواقع الصعب ويعيش.
يشتغل اي شئ ولو خارج اختصاصه المهم يوفر لقمة عيش حلال ويكون نفسه لانه وببساطة لو انتظر ان الضروف تتحسن راح يلاقي عمره في 50 وماعنده شئ