أنواع الكناين بموسم الزيتون

أنواع الكناين بموسم الزيتون

الكنة المغلوب ع أمرها .
كل الشغل عليها تلقيط وفراط ومد المدات ،
وآخر شي لا حمداً ولا شكورا وبتاخذ مثلها مثل غيرها وبتكون بالعادة قاعدة عند حماتها.

الكنة الموظفة
هاي ما بتنزل الا بأيام العطل وحجتها معها أنو عندها وظفية وموقفين الأجازات ، وبتنزل متكحلة وكل شوي بتاخذ سيلفي وبتنزل عالفيس وبتكتب كان يوماً مرهقاً وجميلاً .

الكنه ام لسان حلو
هاي بتنزل آخر النهار حاملة و محملة وبتبلش تملق بالحكي😜
حقك عليه يا خالتي والله الصغير أخذ وقتي والله لو علي أحب ع قلبي أجي معكم من الصبح بس هالصغير مش ساكت .

العروس الجديده👱♀️
أو المخلفه جديد👩👧 أو الحامل🤰 هاي بخلوها في البيت مع الصغار 🤼 ع اساس هذا يعني دلال و راحه إلها
وهاي المسكينه بتتحمل ألف جميله انها ما بتنزل مع العلم والله الزيتون و تعبه ارحم الف مره من شغل البيت و الطبخ و دوشة الصغار😭

الكنة المخطوبة
بتقضيها مع خطيبها ضحك وحكي وكل شوي بيروحوا بيعبوا مي .

الكنه المغتربه
مرت الحبيب الغالي😏 اللي بيوصلها كل شي ع الجاهز المستريح وطول نهارها الحماه بتتحسر عليها و ع زوجها يا ويلي شو بحبو الزيتون
الأسود .

فرزاهم فرز والله ، فيه منو هالحكي كثير هههه
يسعدكك لادراجك ..

هههههه شكل جمع الزيتون ممتع حتى ولو كان متعب
للأسف ماعندنا زيتون
عندنا قمح وحب الذرة والسمسم كنت أروح مع أبوي وأساعده
نحرث الأرض وأجلس على الجرافة و تمشي وأنا أحط البذور
ياسلام كانت أيام من العمر😁

هههههههههههه وصف دقيق

يعطيك العافية

هههههههه معقول في هيك !
و لا عشان ما عنا زيتون ما بشوف ههههههه

المهم مكرر ي قلبي ’ انتِ كل سنة بدك تنزليه و تذكرينا هههه

https://www.heartps.com/vb/showthread.php?t=41287