أخبار_عالريق

#أخبار_عالريق 1024 يوم
✅يكتبها / #سعيد_الطويل

▪︎الحمد لله كانت سنة مليانة بكرم الله
كنا نعصيه ويسترنا
وما كنا نعبده حق عبادته وكان يرزقنا
ولا كنا نشكره شكر يليق بنعمه الكثيرة وبرضه يزيدنا ...

▪︎بنودع آخر ساعات بالسنة بخيرها وبشرها وبطولها وبعرضها وبقصصها ومنافعها وأضرارها وأحداثها إللي مرت ثقيلة وصارت من الذاكرة وفي منها بنتمنى يتوقف عندها الوقت ..وفي منها بنقول يارب تنذكر ما تنعاد

▪︎سنة وقع فيها الطفل المغربي ريان في البير واستــ ـشهدت فيها شيرين ابو عاقلة وصار فيها حرب سريعة على غزة اغتالوا فيها منصو.ر والجعبر.ي

▪︎سنة شرفونا فيها أبطال العر.ين وفرسان وجنين كانت مليانة دم وشهــ داء وطخ واقتحامات واغتيالات

▪︎سنة فيها جدعنة وعمليات.. والنا.بلسي أبو فتحي وعدي ورعد وضياء ومحمد وأحمد وجأش وأبو الرعد وأم ناصر أيقونات صمود وعزة وكرامة وكبشة من أبطال بنكتب أسماءهم بالذهب

▪︎راحت سنة تعّبنا فيها كثير واشتغلنا ع حالنا أكثر .. مرات كنا ننجح ومرات كنا نتعثر وكله بفضل الله

▪︎سنة مرت فيه جرائم وأحداث وقتل وحوادث وختامها كان حريق دار أبو ريا الكبير بجباليا

▪︎سنة مرت علينا بدون الكورونا والحظر والحجر والموت وفقدان أحبابنا وتسكير الصالات ومنع العزيات ومنع التجول

▪︎سنة خلصت واحنا بكامل صحتنا وعافيتنا ولو أصابنا ابتلاء بنقول الحمد لله في السراء والضراء..

▪︎سنة انبسطنا فيها بكأس العالم وأول مرة نحس حالنا عرب موحدين شجعنا فيها كل حاجة بتحكي عربي وحسينا حالنا المنتخب رقم 33

▪︎سنة عرفنا فيها ناس بينحطوا عالجرح يطيب وكسبنا خسارة ناس كانت قلوبهم سودا معبية حسد وحقد

#يارب السنة الجاي تكون سنة خير وسعادة وراحة بال للجميع
يارب لا ترفع عنا سترك
ولا تحرمنا رزقك
وعاملنا بما أنت أهله
لا بما نحن أهله !
31-12-2022
لو وصلت النشرة حط الايك وصبح علينا🙏

شو #أمنياتكم للسنة الجديدة 2023 ؟🌹

اشكرك على النقل

يسسلموو الاممير
+ ججهودكك ممتواصصلةة
وردهة

مشكور الامير على النقل
تحياتي

يعطيك العافية لادراجك..

يعطيك العافية ع المتابعة
كل الشكر..

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي

عوافي لإلكك على المتابعة