أخبار_عالريق

#أخبار_عالريق 1065 يوم
✅يكتبها/ #سعيد_الطويل

■دايما كل يوم سبت بتلاقي الدنيا رايقة ،والأخبار بايتة والمسؤولين نايمين والتصريحات عأبو خفيف .

■الجو حيضلوا دافي ومرتب من هان لآخر الأسبوع الجاي ان شاء الله بس تخففوش بالأواعي

■دراسة بتقلك انه بتخلصش جرة الغاز إلا لو كان عندك عزومة أو يوم الجمعة والبلد كلها مسكرة

■عروض البلد والمحلات باهتة وملهاش طعم وكله بيقلد بالتاني وفش حاجة تفش غلك

■أصلا حتى لو في عرض هامل بتلاقيش مصاري حتى انه تشتري الناس مفلسة

■شيكات الشؤون لليوم فش راجل يطلع من الحكومة يحكي عن موعدها ويريح الغلابا

■كيلو الجاج بالضفة ب18 شيكل وبغزة بعشر شواكل

■توفى مبارح جهاد أبو دقة إللي تصاوب بحادث سير الاسماعيلية الاسبوع اللي فات

■اليوم يا اما بتلاقي طبخة مبارح شو ضل منها تسخنت يا اما بخبطوك أكلة خبيزة وسلك حالك يا إما كبيرك حبة أفوكاتو

■ما بتدخل مكان ولا بتطلع إلا بيقلك (مطولة؟) (وكتيش الحرب؟) (آآه طمنا)
يا عمي الحرب مش لعبة مع انه كل التحليلات بتحكي انه جولة التصعيد جاية جاية ..

-في شب مريض سرطان ما عنده حد كبير بعيلته ووالده مسن بيناشدكم لمساعدته بمصاريف سفره وفترة علاجه بالقدس ،أجل سفره بسبب ضيق الحال
ومتوفرة تقاريره كلها

ربنا ما يكسر راجل قدام أهل بيته ويجعل كل البيوت مستورة وعمرانة بالخير والرضا والقناعة والرزق

#صباح_الخير 🍀
السبت 25-2-2023

يسسلموو الاميرر
+ ممتابعةة ممييزهه
وردهة

كل الشكر والتقدير

مشكور على المتابعة
الله المستعان

يسلمو ع المتابعة و النقل
تحياتي لك

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

كلّ الشكر.