مساحة اطمئنان ع الكل

اقتباس   المشاركة الأصلية كتبت بواسطة lonely heart يا رب يكونوا الكل بخير الله يحمي الجميع ويطمنا عليهم الوضع مش آمن ولا بأي مكان نحنا بالقدس عايشين معهم وكل تعاملنا معهم اي حد بستفردوا فيه بعتدوا عليه خاصة المستوطنه يلي قريبه من بيتنا كتير عنصريين بعتدوا ع اي عربي بشوفوه الله يكون بالعون ويحمي الكل

اه و الله الوضع بخوف بكل مكاان
متل عنا مستوطنة كريات اربع كتييير عنصريين
و كل ليلة بهجموا المستوططنين و بكسروا سيارات و بحرقوهم
ربنا الحامي بس ، المشكلة معهم جنود بحموهم
ربنا يحمي الجميع و يفرجها علينا كلنا

قمر الماما ,lonely heart معجبون بهذا

اقتباس   المشاركة الأصلية كتبت بواسطة عُمدة عارفة يا بريئة شو أسوأ من الحرب إنه غزة بلشت تشطب من المحروقات المحطات فاضية مية حلوة مافي عند الناس والمية البلدية كل يومين بتيجي كم ساعة وكهرب مافي إحنا افضل من ناس كتير عنا طاقة وفي بديل يوبي أس يعني بنستغني عن الكهرب لكن غيرنا ماعنده بطارية يضوي لدّات بيتو لإنه البطرية بدها كهرب لتنشحن عشان تشتري خبز بتصفي دور ع باب المخبز وأكتر من ربطة واحدة مش مسموح تشتري هدا ازا روحتي ورجعتي بالسلامة اليهود يا بريئة بحاولي يرجعونا لمئة سنة لورا ومخططهم واضح تنفيد صفقة القرن بدهم يجبرونا نرحل على سينا واقولك السيسي باني مدينة بسينا والشقق إللي فيها مش للبيع اعتقد انها لاهل غزة لا يغرك كلام السيسي هدا ابن حرام واليهود قالو عنه شريك مش عدو واحنا مش رح يكون قدام غير سينا رح نكون مجبرين عارفة ليش يابريئة لانه ما رح يضل حياة بغزة ما رح يكون مقومات للحياة ما رح يكون فيها شيئ يخلينا نتمسك فيها قاعدين بنترك مالنا وبيوتنا عشان ننفذ بأرواحنا واقسم بالله بنمشي تحت الصواريخ والقصف والشضايا بتنزل علينا الله اللي الحامي والله اللي بسلم بصير معنا قصص ومواقف أكتر خطورة من مشاهد أفلام الأكشن احنا مش خايفين على ارواحنا يابريئة بس عنا اللي انخاف عليه والله العظيم ما بعمل دارما ولا بحب شغل الدراما ولا ببالغ بكلامي انا بحاول اوصفلك اللي بصير عنا واللي بنعيشو حالياً وحرب هالمرة غير عن كل مرة وترى في الأسوأ من هيك وكل الدنيا ضدنا لكن ما يريح قلوبنا انه الله معنا

زماان قرأت كلامك و بس الله ماني عارفة ارد
شو احكي بهيك موقف
فشش حكي ينقال و فش تصرف او مساعدة بنقدر نعملها
يا ربييي شو ارد عليك و اقلك ؟
فش حكي مواساه بهيك وضع لأنو انتو بس اللي عايشينه
بس بندعي ربنا يفرجهاا

قمر الماما ,عُمدة معجبون بهذا

اقتباس   المشاركة الأصلية كتبت بواسطة ريحآن من اليوم اللي القصف بدأ فيه وأنا تقريبًا بدخل كل يوم زائر اطمن على اللي في المنتدى قلبي معاكم والله وبدعيلكم دايما ربنا يحفظكم اكيد الوضع صعب اوي اوي عليكم وياريت الواحد في ايده حاجة يعملها غير الدعاء ربنا ينجيكم ويحفظكم والحرب ديه تخلص قريب بقى على خير وإن شاء الله كل الأعضاء اللي من غزة تكون بخير يارب @نور الروح @ندى الورد @نبض @وتر @هل كان حباً @عاشقة بإحساس @أبكم ! @m0m3n مش ببطل تفكير فيكم والله، يا رب تكونوا انتوا وأهلكم بخير @البريئة ! @نقاء @lonely heart مش عارفة الأوضاع عندكم عاملة ازاي عشان اغلب الأخبار اللي بتنزل بتكون على غزة، بس إن شاء الله الدنيا عندكم تبقى كويسة وربنا يحفظكم يا رب

حبيبتي ريحان الحمد لله على كل شي
مهما احكيلك وضعنا صعب و خطير و سيء
بضل اهون مليون مرة من غزة
بكفي ما عنا صواريخ ، كبيرها يكسروا الشبابيك و يحرقوا السيارات و طخ الشباب اللي بالشوارع

ربنا يحميهم و ينصرهم و يكون بعونهم
و الله فكرتك من غزة نسيت انك من مصر

ريحآن ,قمر الماما معجبون بهذا

اقتباس   المشاركة الأصلية كتبت بواسطة عُمدة إمبارح الصبح شوفت صاحبي اجى سلم علي ويواسيني بكلمتين العصر استشهد هو ولاد اخوه التنين عمر الواحد ستنتين وتلاتة وكل شوية بيجي خبر فلان استشهد ولك شوفت مشاهد بتقطع القلب سيارة مخزقة بالشنط بالمصاري والجوالات وأكتر موقف وجعني انه في صديق اتصاوب من القصف باقي يزحف وداخل بمدخل دار اخوي يستنجد بأخوي لينقذه واخوي راحل عنا ومافي حد بالدار اتصفى دمه واستشهد تخيلي هالموقف يصير معك حاولي تعيشي هالشعور للحظة ولاد المدهون التنين اللي استشهدو بنساوينهم وولادهم بتعرفي انه بالحرب اللي فاتت كل عائلتهم استشهدو بالقصف هما الناجيين من القصف ، نيالهم عند الله هلأ كلهم بجتمعو وبلتمو

ياااا الله
قسما بالله الواحد نشف الدم اللي بعروقه من اللي بسمعه ويشوفه
انا بطلت قادره اتفرج ع الاخبار
خلص بطلنا قادرين نتحمل
كيف انتووو اللي بتشوفوه ع ارض الواقع
الكو الله بس
هو قادر يحقن دماءكم وينصركم ويكسر شوكة الاعداء
ربي يرحم اللي استشهدو عندكم
ويكون معين للجميع يا رب
الصراحه الاشي فوق قدرة التحمل
لكن الله المستعان

قمر الماما معجب بهذا

الله يحمي غزة وأهلها يارب
انا برة البلد من ٥ شهور تقريبا
انشالله تعدي هلايام وتنتهي على خير هالحرب
كان الله بعونك غزة والي فيها يارب

البريئة ! ,سكون وانين ,قمر الماما معجبون بهذا

اقتباس   المشاركة الأصلية كتبت بواسطة ريحآن من اليوم اللي القصف بدأ فيه وأنا تقريبًا بدخل كل يوم زائر اطمن على اللي في المنتدى قلبي معاكم والله وبدعيلكم دايما ربنا يحفظكم اكيد الوضع صعب اوي اوي عليكم وياريت الواحد في ايده حاجة يعملها غير الدعاء ربنا ينجيكم ويحفظكم والحرب ديه تخلص قريب بقى على خير وإن شاء الله كل الأعضاء اللي من غزة تكون بخير يارب @نور الروح @ندى الورد @نبض @وتر @هل كان حباً @عاشقة بإحساس @أبكم ! @m0m3n مش ببطل تفكير فيكم والله، يا رب تكونوا انتوا وأهلكم بخير @البريئة ! @نقاء @lonely heart مش عارفة الأوضاع عندكم عاملة ازاي عشان اغلب الأخبار اللي بتنزل بتكون على غزة، بس إن شاء الله الدنيا عندكم تبقى كويسة وربنا يحفظكم يا رب

حبيبتي ريحان
احنا الوضع عنا سيء
والم ستو طنين مستنفرين
وبضربو نار حتى ع الناس الماشيه بالشارع
وكل يوم عنا مواجهات ومس يرات
لكن طبعا اهون بكتير من اهلنا في غزه
وللأسف م بإيدنا الا الدعاء
ربي يكون معم ويحميهم بحق يوم هالجمعه ي رب

ريحآن ,قمر الماما معجبون بهذا

ناهه مموو ققادرهه اككتبب ححدا باججنحةة
الغغياب لانن مموو غغايبينن
لانه ففشش ععندهمم ننتت اوو ككهربا اوو . .
+ هلاا لوو ككانوو بخخيرر المهمم ففيماا ببعدد
ققلبي مموججوع و لسساني ارتبطط تمماماا
مماا ععليننا الا الددعاءء الهمم و يثثبتهمم
+ رح ضضلل تابعع ععنن بععد لاششوف
ككل اههلناا و اعضضاؤناا بغغزهه يفوتوو
و يفرححوناا انهمم بخخيرر ..
مماا ففي ككلامم و لا اصصلنن ح يففيدد
الككلامم بههيكك ووضضع ععليناا ننصبر
و تدععيي ونترققب :/
+ الله ييححمي الككل و يخخفف ععنهمم
لا حولل ولا ققوهه الا بالله
ححسسبي الله و نععمم الوكيل ..

حنان ,البريئة ! ,قمر الماما معجبون بهذا

ييرفعع المموضضوعع للتنبيهاتت
ع أممل دخخوللهمم و ييطمنوناا

قمر الماما معجب بهذا

اقتباس   المشاركة الأصلية كتبت بواسطة عُمدة انتبهي ع حالك يآ لونلي قالو إنهم سلحو المستوطنين يعني المرحلة الجاي رح يعملو هجوم ع العرب وينصبو كمين للعرب حاولي ما تطلعي غير للضرورة اللي جاي أعظم يآ لونلي واسرائيل معها الضوء الأخضر تعمل اللي بدها إياه ومافي إلها خطوط حمراء والعالم كله معها

الله الحامي
ما رح يصيبنا الا يلي ربنا كتبلنا الله
عنا المستوطين من قبل مسلحين مش عن جديد
بعين الله

سكون وانين ,قمر الماما ,عُمدة معجبون بهذا

اقتباس   المشاركة الأصلية كتبت بواسطة ريحآن من اليوم اللي القصف بدأ فيه وأنا تقريبًا بدخل كل يوم زائر اطمن على اللي في المنتدى قلبي معاكم والله وبدعيلكم دايما ربنا يحفظكم اكيد الوضع صعب اوي اوي عليكم وياريت الواحد في ايده حاجة يعملها غير الدعاء ربنا ينجيكم ويحفظكم والحرب ديه تخلص قريب بقى على خير وإن شاء الله كل الأعضاء اللي من غزة تكون بخير يارب @نور الروح @ندى الورد @نبض @وتر @هل كان حباً @عاشقة بإحساس @أبكم ! @m0m3n مش ببطل تفكير فيكم والله، يا رب تكونوا انتوا وأهلكم بخير @البريئة ! @نقاء @lonely heart مش عارفة الأوضاع عندكم عاملة ازاي عشان اغلب الأخبار اللي بتنزل بتكون على غزة، بس إن شاء الله الدنيا عندكم تبقى كويسة وربنا يحفظكم يا رب

منوره حبيبتي ريحان
وضعنا لا يقارن ابدا مع غزه الله يصبرهم ويثبتهم ويكون معهم ويحميهم
عنا بالقدس الشوارع فاضيه مسكرين كل الحواجز ما بخلوا حد يفوت عليها
والشرطه بتتحركش بالشباب وبضربوهم
الواحد بخاف يمشي لحاله لانه المستوطنين مستنفرين وكلهم مسلحين والجيش بحمبهم وواقف معهم

ريحآن ,قمر الماما ,سكون وانين معجبون بهذا