انا مليت لـ اميرة البيلي

تعبت في قمت كلمته مانا بنته هيفهمني ..
ويفهم اني محتاجة يكلمني ويسمعني
ويفهم اني مخنوقة وحضنه بس هيساعني
في كلمته
الو ؟
هو انت ليه ساكت ؟ ألو فيا حجات ماتت !
الو تعبانة في أسمعني ..
يرد يقول وايه يعني ؟
ما كل الخلق تعبانة ..
وايه يعني ملامحك لسة بهتانة
ما عادي كلنا مرضي ..
جرحني بعجزي عن اني ارد القسوة ليه لكن ..
انا قلبي مهوش داكن عشان يقسي ويكره حد..
مهواش حد فـ ليه جرح .؟
وزعلني ياريته ما رد ،
وليه اتغير بقا بارد وليه شارد بعيد عني
ما كان بيقول زمان اني مراته وام لعياله
وقالي اني هبقاله انا باقية لكن هو الي بيعافر ليخسرني كسرني
لكني حبيته.. ياريتني ما كُنت حبيته
'(( وهبته القلب واديته حنين عمره ما كان يحلم بحد يحبه يوم قدي ..
خلاص عدي ودوس علي كام مرة 💔
وعيد من تاني في الكرة
وعلقني بحبال بايشة
مانا عايشة وهبلة وساكتة وبطنش
كأن دموعي شئ عادي
كأن فراقنا شئ عادي
وهذا الوضع مش عادي
فـ اسمعني انا ماشية ..
انا كُنت فـ هواک طايشه
ضعيفه وروحها كات بايشه
وحالک لسه ميسُرش وحالي معاک مهوش ولابد
يرد يقولي مش غلطان ومانتيش قادرة تتعاملي مع تعبي
انا مليت انا الهبلةةة اللي شوفتک بيت..
وقولت ابويا وحبيبي
يا سيدي كفاية والله دانا اتخميت
وفكرتك هتبقالي السند والاهل
مهواش سهل بأن البنت يوم تعشق
ولو تعشق بتوهب روحها وحياتها وتتحمل وتتجمل
عشان تحلوا في عيونه فـ ميبصش فيوم برا
خلاص برا
انا استحملت ميت مره
وسيادته غاوي يتعبني
يا سيدي ما تمشي وتسيبني بـ تتعب قلبي ليه وياک !
بتكدب ليه وتتمارض وتتعصب وبتعارض
وتخلق مُشكله تافهه..
دة قلب البنت لو شافها
بتتكسر عشان واحد بيقفل وقتها بابه ومبيفتحش
فـ متجرحش
عشان قلبي شال ياما..
وبرجع تاني من الأول واعدي كلامه فيطول
ويخلق فيا مليون شق
وقلبي حقيقي مل الدق
ألفت الموت وعايش زق
ولسة سيادته بيحدف عليا الجرح..
ايجازاً فـ الكلام والشرح
خبطني وموجه كان عالي
يهاجم بس افعالي
كاني عدو بيحاربه كإن القسوة كاس شاربه
كان حقيقي حيلي اتهد وروحي اتنسلت من الشد
ولية الشعر فعلا جد
بيفتح في الجروح لينا وليه الحزن مالينا
فـ حد يقولي ايه العلة ؟
كإن القلب فيک كافر مالوش ولا دين ولا مله..
وهبتك ضلع احلامي عوجت الضلع فـ كسرته ..
خسرت الكل علشانه
واديني كسبت وخسرته ..
كتبت الشعر من تعبي
قراه لكنه مهتمش
وكالعادة بيتغاضي ويتغابي وبيطنش .
مسكت الفون ، كتبت رسالة من تعبي بقوله فيها اخبارك ومبتسألش
مفيش داعي لأعذارك ،
انا عارفة اني مش فارقة..
مجرد بس بطمن عليک يعني
لـ وهله قلبي يوجعني واحس بإنه مش مُهتم
كإن دموعي صارت دم
نزيف متتالي مبيهداش..
انا مادة فـ دستور باش وبضحك بس من برا ..
وروحي لسة مضطرة تبين عكس مافيها
وفرحة روحي مش ليها ..
ختاما للي من تعبه خلاص ناوي يغيب ويسيب..
ان يوم قررت تروح لطبيب متجبش علاج..
علشان والله ما هيفيدك
هيزيدك من وجعك اكتر.
وكأنك بتحاول تمنع في كياك ان الدنيا تمطر..
ملخص كل ادويتك متتعشمش فـ اسمعني
ملخص كل ادويتك متتعشمش

بلاش عشمك يزيد يعني
دة لما تعبت كلمته وقولت بأن انا بنته هيفهمني
وابسط رد كان منه بأنه باعني ووجعني

أميرة البيلي

اسمعتها بلقاء ع التلفزيون
رهيبة بالقائها كانت
بحب هادا النوع من الشعر
يسلمو الصياد للاختيار

كثير حلوة

يسلموو ايدك

القائها كثير جميل
ابدعت في الاختيار
ككل الشكر الك
تقديري

كتير بحبها هالقصيدة
بحسها قريبة من القلب
اسلوب سلس و بسيط
القائها مميز جداً
تحياتي لك

اقتباس   المشاركة الأصلية كتبت بواسطة خَمْر أيلول اسمعتها بلقاء ع التلفزيون رهيبة بالقائها كانت بحب هادا النوع من الشعر يسلمو الصياد للاختيار

فعلاا الها فيديوهات القائها اجمل فيه ومؤثرة اكثر ..
يعطيك العافية لحضورك الحلو وردك الراقي ..

اقتباس   المشاركة الأصلية كتبت بواسطة غلا روحي كثير حلوة يسلموو ايدك

يسلموو لحضورك وردك ..

اقتباس   المشاركة الأصلية كتبت بواسطة قلب فلسطيني القائها كثير جميل ابدعت في الاختيار ككل الشكر الك تقديري

يسعدكك على حضورك الجميل
وردك الحلوو ..

اقتباس   المشاركة الأصلية كتبت بواسطة البريئة ! كتير بحبها هالقصيدة بحسها قريبة من القلب اسلوب سلس و بسيط القائها مميز جداً تحياتي لك

قصيدتها جميلة وهالاسلوب من رائع كثير بالكتابة
وباللقاء بيكون اجمل
يعطيك العافية لحضورك الحلو وردك الراقي ..

شكراااا لطرح الجميل