المواظبة علي سورة البقرة "

- "المواظبة علي سورة البقرة "
او ختمها يوميا
طب وايه السبب يعني واشمعنا البقرة ؟!

بسيطة اوي ..

مبدئياً كدا هتشوف العجب فـِ حياتك والله ومش كلام وعن تجربة 💙 ،

١ - لو دايمًا قلقان من أي حاجة تحصل أو هتحصل فـِ المستقبل ودا بيكون غصب عننا كلنا بيكون عندنا الشعور دا ..
بيتبدل شعور القلق ده باطمئنان فوق الخيال والله 💙 .

٢- لو قلبك متعلق بأي حاجة دنيوية غصب عننا برضو بمواظبتك عليها قلبك هيبقى متعلق بالله وحده لا غير 💙.

٣- بتدفع عنك الشيطان و وساوس الشيطان وبتكون مُحصّن من أي أذى سواء سحر او حسد او مرض حتي 💙.

٤- ربنا هينور بصيرتك ويخليك تشوف كل حاجة بإحساسك ف أي موضوع شاغل تفكيرك وإزاي تتعامل معاه بطريقة صحيحة 💙.

٥- لو مخنوق وفتحت المصحف عشان تقرأ فيها فجأة هتلاقي جبل هموم وانزاح من ع صدرك والله ومش كلام وخلاص دا بجد 💙.

٦- هتلاقي استجابة لدعائك بشكل سريع جدا جدا ويقينك بربنا هيزيد أوي 💙.

٧- بتخلي الرزق يكون اوسع بشكل رهيب جدا .. لدرجة إنك ممكن تكون في حاجة نفسك فيها من غير مَ تدعي بيها حتي وفجأة تلاقيها بين ايديك من حيث لا تدري كدا 💙.

٨- هتخلي عندك شوق اصلا في إنك تزود عباداتك وطاعتك لربنا بأي شكل من الاشكال سواء بقي صدقة- ذِكر - جبران خواطر وغيرهم ..

من الآخر كدا هتتحول من عبد *مسلم* لعبد *محسن* بإذن الله .. 💙

- طيب يعني اشمعنا سورة البقرة بالذات وايه السر فيها ؟!

حلو دا .. إجابة سؤالك اهي ي سيدي 💙

١- سورة البقرة فيها ٦ ايات بينتهوا بـ " انه على كُل شئٍ قَدير " ..
ممكن بعد كل آية من دول تدعي ربك فيهم بالشيء اللي نفسك فيه وانت بتِشهِد ربنا عز وجل علي قُدرته اللي ذكرها في كتابه وان شاء الله الدعاء مستجاب 💙.

٢- سورة البقرة فيها كمية آيات تجلي لله عز وجل كتيرة اوي وأعظمهم آية الكرسي طبعاً اللي هي أعظم آية في القرآن 💙.

٣- سورة البقرة فيها الآية ١٨٦
"وَإِذَا سَألكَ عِبادي عَنِي فإنِّي قرِيبٌ أُجِيبُ دعوَةَ الدَّاعِ إذَا دَعَانِ فَليستجِيبُوا لي وَليُؤمِنُوا بي لَعَلَّهُم يرشُدُونَ"
عايز اي انت حلاوة اكتر من كدا !! 💙

٤- مسابتش ركن من أركان الإسلام غير وكان مذكور فيه شوية تفاصيل عنهُ .. سواء كان عن التوحيد بالله ولا عن الصلوات طبعا والحفاظ عليها ، الله يهدينا إليه 💙.

٥- ده غير ان رسولنا الكريم وصانا و قال فى اخذها بركه 🌸

	السلام عليكم ورحمة الله وبركاته يسلمووووا يا عسل ع النصائح القيمة والافادة يعطيكِ الف عافية بانتظار جديدك دائما تحيتي

بارك الله فيكي حبيبتي
وجعله بموازين حسناتك

بارك الله فيك
تقديري

بارك الله فيك
بميزان حسناتك ان شاء الله

اقتباس   المشاركة الأصلية كتبت بواسطة ريمااس السلام عليكم ورحمة الله وبركاته يسلمووووا يا عسل ع النصائح القيمة والافادة يعطيكِ الف عافية بانتظار جديدك دائما تحيتي

نورتي ريماس
يسعدك

اقتباس   المشاركة الأصلية كتبت بواسطة استثنائية بارك الله فيكي حبيبتي وجعله بموازين حسناتك

شكرا لحضورك
نورتي
يسعدك

اقتباس   المشاركة الأصلية كتبت بواسطة m0m3n بارك الله فيك تقديري

شكرا لحضورك

اقتباس   المشاركة الأصلية كتبت بواسطة المَلاذ الأخِيرْ بارك الله فيك بميزان حسناتك ان شاء الله

تسلمي ي رب
نورتي
يسعدك،،

جزاك الله عنا كل خير
بوركتي