سكنات الروح

اقتباس   المشاركة الأصلية كتبت بواسطة lonely heart يسعد مسا الجميع وكل عام وأنتم بألف خير ينعاد عليكم بالصحة والسعادة بتمنى الكل يكون بخير انبسطت انه الحرب انتهت وان شاء الله ما بترجع أبدا،،، اشتقتلكم كتير بتشكركم حبيباتي ننوش وقمر الماما ونور الروح وملاك الحب وقطر الندى وساره المصريه وريحان ونقاء وكل حدن سأل عني بغيابي سواء بتقييم أو رساله وما بعمري رح بنسى وقفتكم معي بمرضي وبتشكر أخي خالد ع سؤاله عني وما بنسى وقفته معي وقت كنت أكون تعبانه ومكتئبه وكان يبعتلي ويحاول يخفف عني ويرسم البسمه ع وجهي صارلي سنه ما فتت هون ، كانت سنه صعبه كتير علي بكل معنى الكلمة ،، عملت خلالها أكتر من عمليه بسبب خطأ طبي أثناء التخدير نتج عنه مضاعفات كنت رح أفقد حياتي بسببها قضيت وقت طويل تحت الاجهزه وغايبه عن الوعي ، ما كان حد متوقع انه ممكن أعيش ، الحمد لله ربنا كتبلي عمر جديد فتت اليوم لحتى أطمنكم علي وأعذروني لأنه ما رح أقدر أتواجد معكم بسبب وضعي الصحي حياتي حاليا سرير ومسكنات وجهاز الأوكسجين معظم أيامي بقضيها بالمستشفى ويوم أو يومين بقضيها نقاهه بالبيت … الحمد لله ع كل حال لأول مره بخسر معركة بحياتي ،قواي كلها انهارت والمرض انتصر علي حاولت كتير أتغلب عليه بس ما قدرت ، كان أقوى مني والوجع والألم كان أكبر من طاقة احتمالي الدكاتره وقفولي العلاج لأنه خلص المرض انتشر بكل جسمي وما في أي أي علاج زابط معي وجسمي أصلا مو متحمل ،، الحمد لله ع كل حال

حبيبتي يا لونلي
كنتي بتيجي في بالي كتير
الحمد لله اننا اطمنا عليكي وانك بخير
ربنا يتم شفاكِ على خير يا رب وتقومي بألف سلامة
وربنا يرحم والدك ويصبرك على فراقه ويعوضك على كل حاجة عديتي بيها يا رب

lonely heart معجب بهذا

@stella
@عبير الجوري
@قطر الندى
@ملاك الحب
@نور الروح
@مُبتسِم
@ريحآن

يسعد قلبكم يارب
كلامكم ودعواتكم غالية كتير علي
والله يرحمه لبابا ويجمعني فيه بالجنه
الحمد لله على كل حال ،،
كلامكم وصل لقلبي وما تتخيلوا أديه أثر فيني ورفع من معنوياتي
الحمد لله على محبتكم اللي هي نعمة كبيرة بحياتي ودعمكم كتير بهون علي التعب والألم
ربنا يسمع منكم ويشفي كل مريض وما يحرمني منكم ولا من دعمكم ووقفتكم معي
الله يجزيكم كل خير ويبعد عنكم كل مكروه
بحبكم كتير، ودعواتي لالكم مثل ما بتدعولي وأكثر
شكرا من كل قلبي لالكم وربي ما يحرمني منكم ولا من محبتكم
أحلى أخوات وأخوة وأحلى أسرة في هالمنتدى

لونلي
حمد الله ع سلامتك
م تتخيلي فرحتي لما شفت اسمك بالمتواجدين
الحمد لله ع السلامه
وان شاء الله بتكوني بخير وامورك كلها تمام ي رب
وربي يرحمه ابوك ويجعله من اهل الجنه ي رب

lonely heart معجب بهذا

اقتباس   المشاركة الأصلية كتبت بواسطة lonely heart @stella @عبير الجوري @قطر الندى @ملاك الحب @نور الروح @مُبتسِم @ريحآن يسعد قلبكم يارب كلامكم ودعواتكم غالية كتير علي والله يرحمه لبابا ويجمعني فيه بالجنه الحمد لله على كل حال ،، كلامكم وصل لقلبي وما تتخيلوا أديه أثر فيني ورفع من معنوياتي الحمد لله على محبتكم اللي هي نعمة كبيرة بحياتي ودعمكم كتير بهون علي التعب والألم ربنا يسمع منكم ويشفي كل مريض وما يحرمني منكم ولا من دعمكم ووقفتكم معي الله يجزيكم كل خير ويبعد عنكم كل مكروه بحبكم كتير، ودعواتي لالكم مثل ما بتدعولي وأكثر شكرا من كل قلبي لالكم وربي ما يحرمني منكم ولا من محبتكم أحلى أخوات وأخوة وأحلى أسرة في هالمنتدى

يسعد قلبك يا غالية، كلامك أثر فينا كلنا والله، وإحنا جنبك دايمًا بالدعاء والمساندة. ربنا يرحم والدك ويجمعك فيه بالفردوس الأعلى، ويصبر قلبك ويقويك. محبتنا إلك مش مجرد كلام، إنتي شخص غالية علينا ومحبتك محفورة بقلوبنا
الحمد لله اللي قدرنا نرفع من معنوياتك ولو بشي بسيط، وإحنا بنؤمن إنك قوية وقادرة تتجاوزي كل هالتعب بإذن الله
ربنا يشفيكِ ويعافيكِ ويكتبلك أيام مليانة راحة وسعادة، وما يحرمنا منك ولا من طيبة قلبك وتواجدك بينا
إحنا دايمًا معك، ودعواتنا مستمرة إلك، وربنا يجعل أيامك الجاية كلها فرح وسلام
بنحبك كتير وربنا يفرح قلبك مثل ما دايمًا بتفرحينا بتواجدك وروحك الحلوة

lonely heart معجب بهذا

رحم الله بابا نور قلبي وسندي في هذه الدنيا
أسأل الله أن يجعل قبره روضة من رياض الجنة وأن يغفر له ويرحمه برحمته الواسعة
اللهم ضاعف له الحسنات، وتجاوز عن السيئات، وأكرمه بمغفرتك ورضوانك
اللهم اجعل الجنة داره ومستقره، وارزقه نعيمها وراحة لا تزول
اللهم اجعل كل صدقة تصدق بها وكل خير فعله في ميزان حسناته، وصب عليه الخير والرحمة صبا إلى يوم الدين
اللهم آنس وحشته، ونوّر قبره، واغسله بالماء والثلج والبرد، ونقه من الذنوب كما ينقى الثوب الأبيض من الدنس

مش خايفه من الموت وبحمد ربنا انه ربنا ابتلاني بالمرض
هالشي خلاني أقرب منه أكتر وأعمل لآخرتي وأكون مستعده للقائه
نعم كتيرة ربنا أعطانا إياها وما كنت منتبهه عليها والمرض خلاني اعرف قيمتها وأشكره عليها
نعم بسيطه ما كنت أعرف قيمتها إلا لما فقدتها سواء لايام أو لأشهر أو حتى فقدتها كليا وما عاد ترجع مرة تانيه
الحمد لله ع كل النعم يلي ربنا أعطانا إياها

كيف ممكن أتخطى انه خلص بابا طلع لعند ربنا وما رح يرجع
بتهيألي دايما انه رح يفتح الباب ويفوت ع البيت
يا ريت قدرت شفته وودعته كان الوجع يلي جواتي ممكن يكون أخف

اقتباس   المشاركة الأصلية كتبت بواسطة lonely heart يسعد مسا الجميع وكل عام وأنتم بألف خير ينعاد عليكم بالصحة والسعادة بتمنى الكل يكون بخير انبسطت انه الحرب انتهت وان شاء الله ما بترجع أبدا،،، اشتقتلكم كتير بتشكركم حبيباتي ننوش وقمر الماما ونور الروح وملاك الحب وقطر الندى وساره المصريه وريحان ونقاء وكل حدن سأل عني بغيابي سواء بتقييم أو رساله وما بعمري رح بنسى وقفتكم معي بمرضي وبتشكر أخي خالد ع سؤاله عني وما بنسى وقفته معي وقت كنت أكون تعبانه ومكتئبه وكان يبعتلي ويحاول يخفف عني ويرسم البسمه ع وجهي صارلي سنه ما فتت هون ، كانت سنه صعبه كتير علي بكل معنى الكلمة ،، عملت خلالها أكتر من عمليه بسبب خطأ طبي أثناء التخدير نتج عنه مضاعفات كنت رح أفقد حياتي بسببها قضيت وقت طويل تحت الاجهزه وغايبه عن الوعي ، ما كان حد متوقع انه ممكن أعيش ، الحمد لله ربنا كتبلي عمر جديد فتت اليوم لحتى أطمنكم علي وأعذروني لأنه ما رح أقدر أتواجد معكم بسبب وضعي الصحي حياتي حاليا سرير ومسكنات وجهاز الأوكسجين معظم أيامي بقضيها بالمستشفى ويوم أو يومين بقضيها نقاهه بالبيت … الحمد لله ع كل حال لأول مره بخسر معركة بحياتي ،قواي كلها انهارت والمرض انتصر علي حاولت كتير أتغلب عليه بس ما قدرت ، كان أقوى مني والوجع والألم كان أكبر من طاقة احتمالي الدكاتره وقفولي العلاج لأنه خلص المرض انتشر بكل جسمي وما في أي أي علاج زابط معي وجسمي أصلا مو متحمل ،، الحمد لله ع كل حال

حبيبتي رانيا نورتي مكانك وحمدلله ع سلامتك
وكل عام وانتي بخير وصحة وسلامه
ليه الاستسلام والضعف بنعرفك قوية
لاتستسلمي ارجوكي حبيبتي كل شيئ ربنا كاتبة احنا راضين بيه بس قاومي لاتستسلمي ايام اصبحت صعبه بعد فقدانك لوالدك الله يرحمة بعرف بس هو لو موجود هايقولك اتمسكي بالحياة انتي لسه صغيرة
وف اشياء حلوة كتيرة منتظراكي تحقيقها عشان هو حاسس بيكي قاومي رانيا وان شاء الله ربنا يتم شفاكي ع خير ولاتحرمينا من انه نطمأن عليكي حبيبتي كوني بألف خير

lonely heart معجب بهذا

حبيبتي فرحت انك بخير وكلامك عن وضعك الصحي زعلني وخبر وفاة والدك زعلني اكتر الله يرحمه يارب ويغفرله
ويباركلك بصحتك وصحة الماما ويتم شفاكي ع خير بالله عليكي لاتستسلمي وقاومي
ربنايتم شفاكي ع خير انتي قوية وقدها
وطمنينا عنك دايما أحبك ف الله

lonely heart معجب بهذا

اقتباس   المشاركة الأصلية كتبت بواسطة lonely heart كيف ممكن أتخطى انه خلص بابا طلع لعند ربنا وما رح يرجع بتهيألي دايما انه رح يفتح الباب ويفوت ع البيت يا ريت قدرت شفته وودعته كان الوجع يلي جواتي ممكن يكون أخف

الله يرحمه و يجعل مثواه الجنة
الزعل بوضعك ما بيفيدك ولازم تكوني أقوى

lonely heart معجب بهذا