#أخبار_عالريق

#أخبار_عالريق
■حالتين كورونا جداد بغزة وصار عدد اللي اكتشفوهم هذا الأسبوع أربع حالات.
■المشايخ اللي اكتشفوا معهم كورونا أول ناس بغزة ،روحوا مبارح بالسلامة بموكب وزفة لباب الدار.
■صبية بالعشرينات من عمرها من دار أبو عمرة معها حالة نفسية طلعت من دار أهلها وما رجعت من كم يوم اسمها دينا ،اللي بيعرف عنها معلومات يبلغ الشرطة ؛والله يرجعها سالمة غانمة.
■فش أسواق شعبية برمضان بعد الساعة 2ونص هذه السنة واللي بده جرجير ومخللاات يجيبهم بدري شوية .
■ الأزمة اللي صارت بالنصيرات بين البلدية وأصحاب البسطات عشان بدهم يشيلوا كبشة بسطات من نص الشارع عشان الزحمة والكووونا والناس مش راضية عشان رزقتها.
■أي دولة حتشوف الهلال هذه السنة البقية حيلزموا معها ،هيك قال المفتي.
■حيقللوا عدد طلاب توجيهي بالصفوف هذه السنة ،يعني فش لا تنقيل ولا تغشيش.
■الرئاسة قاعدة بتحذر اليهود من سياسة الضم وانه والرد الفلسطيني حيكون قوي كثير وحاسم كمان.
■اسماعيل رضوان مبارح صرح مبارح وقال انهم اليهود بيقدروش انهم يضربوا غزة عشانه بيعرف انه قديش حيكون الرد قاسي ومزلزل وقتها .
■عدد الحالات بالقدس قاعد بيزيد وفش احصائية رسمية لانه الاحتلا.ل مضيق عالشغل هناك.
■الضغط ع شرية فوانيس رمضان والزواق تبع البيوت هذه السنة مش طبيعي .
■ام رمزي بتحكي لجارتها أم عماد اللي مروحة معها من العيادة بالسيارة مبارح انه الحمد لله تلت ترباع العرايس اللي تجوزوا عالسكت بأزمة كوورنا حملوا والأمور تمام،وتراجعوش ورا كلام أم رمزي.🙂
■الكابونات أكثر كلمة صرنا نسمعها بالشارع هذه الأيام.
■عدد كبير من العرايس اللي تجوزا بالأزمة قبل أقل من شهرين اقنوعهم جيزانهم انهم يبيعوا الدهب عشان سعره غللي يا عمي ناس فش عندها وقت تأجل مصالحها 🙂
■في موافقة انهم يصلوا التراويح بالحرمين الشريفين بشروط سلامة معينة.
■زلمة محجور بداره بلبنان دبح مرته وقتل كمان تسعة وشرد .
■رجعوا مصاري الحج هذه السنة لأصحابها ،والله صعبة ،بس أنا خايف في ناس تحولها لمهر وتاخذ التانية ،ديري بالك ي حجة أم منير من الموضوع هذا.
■النفط لسة قاعد بيرخص وهذا أقل سعره اله من سنة 2001.
■مصر بعتت كابونات ومساعدات لأمريكا.
■أكثر من اتنين مليون واحد صار معهم كورونا بالعالم وعدد اللي ماتوا فوق ال170ألف
■الجو اليوم بيقولوا شوب كثير،بس هواه بحري.
■الدولار نازل سعره شوية وصار 3.55.
■الخضرة غللي سعرها عن الأسبوع اللي فات.
■عزايم الخوات تتأجل الأسبوع الثاني من رمضان عشان ميصيرش مشاكل مع الحموات .
#صباح_الخير لبياع الكنافة السخنة اللي مش حنشوفه هذه قبل المغرب عشان نتشتري منه.
-صباح الخير لبياعة الجرير هي وابنها الجنجي اللي مش حيتأخروا هذه السنة وهما بيبيعوا بالسوق.
-صباح الخير لبياع الخروب اللي حيصير يقف ع قرنة شارع عشان يسترزق لأنه فش سوق مسائي .
-صباح الخير لبياعين القطايف والسمبوسك والمخللات اللي ريحتها بتشهي
-صباح الخير لتعون البرد والأسكمو اللي بتنباع بكلكل.
-صباح الخير للجميع وربنا يريح بالنا وبالكم ويجيي علينا وعليكم رمضان وانتم بأحسن حال .
#نهاركم_سعيد 🌹

الله المستعان
شكرا ع النقل والمتابعة

يسسسلموو الأممير ')
+ ممتابعهه مميزهه
وردهه

شكرًا للمتابعة

يسلمو ع المتابعه الأمير
وعوافي ع جهودك

شكرا لمتابعه سلمت اياديك

يعطيك العافية

كل الشكر و التقدير