دلال ، ضيفة موضوع كرسي الإعتراف لهذا الأسبوع .

السلاآم عليكم و رحمة الله كيف حآلكم .؟ اهلاً فيكم من جديد بموضوع كرسي الإعترآف اليوم اخترت انسآنة اثبتت حضورها بفترة قصيرة ’ قدرت تكسب مكان مُثبت بين الأعضآء برقي حضورهآ و نشاطها و تفاعلها الرآئع و الملحوظ انسآنة رائعة و تمتلك اسلوبها الخآص و شخصية مستقلة جريئة و صريحة و واقعية شخصياً بيسعدني اشوفها متواجدة معنا بكل وقت صدقاً كل الحكي و كلمآت المدح ما بتعبر عن اللي حابة احكيه ’ ضيفة اليوم الرآئعة @دلال عزيزتي دلال اهلاً فيكِ ضيفة هالموضوع لمدة اسبوع رح بلش معك بأسئلة روتينية بدايةً الإسم .؟ العمر .؟ مكان الإقآمة .؟ الحالة الإجتماعية .؟ مستوآكِ التعليمي .؟ رح اترك المجال للأعضآء بطرح الأسئلة طبعاً يحق لكِ رفض اي سؤآل مش حابة تجاوبي عليه و اكيد رح تكون لإلي عودة حتى آخد نصيبي بطرح الأسئلة تحيآتي لكِ

اهلين فيكي حبيبتي الراقية ..
بتشكرك كتير ع الدعوة وعلى الترحيب المبالغ فيه شويتين واللي أتمنى اكون بستاهله .. ، ومبسوطة إني قاعدة ع الكرسي رغم إني مش من مُحبي الكراسي والمناصب
في انتظار أسئلتكم وإن شاء الله اكون ضيفة خفيفة وانتو تكونوا خفاف بأسئلتكم كمان

الإسم .؟ دلال خانوم بنت ابو عصام وخالي العقيد ابو شهاب
إحم .. اسمي رغد
العمر .؟ 26 عاماً من العطاء
مكان الإقآمة .؟ فلسطين، غزة
الحالة الإجتماعية .؟ مرته لإبن عمي إبراهيم ابن ابو ابراهيم يللي الإدعشري سرقله دهباته
مستوآكِ التعليمي .. بكالوريوس 4 سنين بالتمام والكمال وعلى أعتاب الماستر قريبا بإذن الله
..

ننورتتي الككرسسي ككلهه
+ راججعلكك بكمشششةة اسسسئلةة
+ ممسسموحلي ممو ههههه

اقتباس   المشاركة الأصلية كتبت بواسطة s t e l l a ننورتتي الككرسسي ككلهه + راججعلكك بكمشششةة اسسسئلةة + ممسسموحلي ممو ههههه

مسموحلك طبعا بس جيبي معك كاسة مي لانه ريقي نشف

اقتباس   المشاركة الأصلية كتبت بواسطة دلال اهلين فيكي حبيبتي الراقية .. بتشكرك كتير ع الدعوة وعلى الترحيب المبالغ فيه شويتين واللي أتمنى اكون بستاهله .. ، ومبسوطة إني قاعدة ع الكرسي رغم إني مش من مُحبي الكراسي والمناصب في انتظار أسئلتكم وإن شاء الله اكون ضيفة خفيفة وانتو تكونوا خفاف بأسئلتكم كمان

عاد كنا ناويين نعطيكِ منصب مدير المنتدى

لا مش مبالغ ابداً هيك نظرتي لكِ الآولى ..

الله يسعدكك نورتِ

اقتباس   المشاركة الأصلية كتبت بواسطة دلال الإسم .؟ دلال خانوم بنت ابو عصام وخالي العقيد ابو شهاب إحم .. اسمي رغد العمر .؟ 26 عاماً من العطاء مكان الإقآمة .؟ فلسطين، غزة الحالة الإجتماعية .؟ مرته لإبن عمي إبراهيم ابن ابو ابراهيم يللي الإدعشري سرقله دهباته مستوآكِ التعليمي .. بكالوريوس 4 سنين بالتمام والكمال وعلى أعتاب الماستر قريبا بإذن الله ..

هههههههه اجوبتك ممتعة ♡♡

اقتباس   المشاركة الأصلية كتبت بواسطة s t e l l a ننورتتي الككرسسي ككلهه + راججعلكك بكمشششةة اسسسئلةة + ممسسموحلي ممو ههههه

نورتِ ♡

بسم الله نبدأ

* ايش سبب اختيارك للقب دلال و انتِ اسمك رغد .؟

* كيف وصلتي للمنتدى .؟

* كم منتدى اشتركتِ فيه قبل هاد .؟

* في حد حكالك انك خفيفة دم قبل هيك .؟


* شغلات حبيتيها بالمنتدى عنا .؟

* شغلات انزعجتي منها .؟


* قسم مش موجود عنا و برأيك لازم ينضاف للموقع .؟

* رأيك بالأعضاء بشكل عام + الطاقم الإداري .؟

* فهمت انك متزوجة ، كم طفل عندك .؟

* حالياً ايش بتعملي بحياتك و لا مكملة مسيرتك التعليمية فقط .؟


رح بكتفي بهدول ، اتسلي فيهم
هههههه

بسم الله نبدأ ..

* ايش سبب اختيارك للقب دلال و انتِ اسمك رغد .؟
لأني مدللة وبحب الدلال للبنات +بحب الاسم نفسه، يعني لو بنفع أسمي حالي دلال بدل رغد ما بتأخر هههههه واحكولي دلال مش رغد بلاش اندم إني جاوبت

* كيف وصلتي للمنتدى .؟
صدفة والله ، وكانت احلى صدفة
.
.
* كم منتدى اشتركتِ فيه قبل هاد .؟
منتدي خليجي واحد فقط وتركته قبل 9 سنين
.
.
* في حد حكالك انك خفيفة دم قبل هيك .؟
حضرتك انا اسمي الحقيقي فرفوشة هههههههه دايما بحكولي وبعمل حالي خجلانة ومتفاجئة وأول مرة اعرف ههههه
.
.

* شغلات حبيتيها بالمنتدى عنا .؟
المنتدى نشيط ومتنوع والأعضاء تقول بعرفهم من 20 سنة هههههه
.
.
* شغلات انزعجتي منها .؟
الكرسي تبعكو مش مريح في القعدة

.
.
* قسم مش موجود عنا و برأيك لازم ينضاف للموقع .؟
قسم الحوافز والجوائز .. عبارة عن قسم المدير بيعمله وبكون خاص بالاعضاء النشيطة او المميزة ، ويوزعوا علينا هدايا جوالات وسيارات او رحلة شهر ع ايطاليا .. هدايا بسيطة مش مكلفة بس رح يعمل فرق كبير بالمنتدى ويكسر الدنيا

.
.
* رأيك بالأعضاء بشكل عام + الطاقم الإداري .؟
والله احلى اعضاء طيبين وفرفوشين والطاقم الاداري ممتاز 5 نجوم
.
.
* فهمت انك متزوجة ، كم طفل عندك .؟
في المسلسل ولا بالحقيقة قصدك؟
..

* حالياً ايش بتعملي بحياتك و لا مكملة مسيرتك التعليمية فقط .؟
بشتغل كمان ..
.
.

رح بكتفي بهدول ، اتسلي فيهم ..
لا قلال بالله زوديهم شوي
ههههه