اخر اخبار اليوم

#أخبار_عالريق 655 يوم
✅يكتبها/ #سعيد_الطويل

■ اشتيه بيقول انه السلطة مفلسة والوضع صعب وأبصر نقدر ندبر الرواتب كاملة

■جيبات اليــ ـهود خشوا مبارح بنص جامعة بيرزيت واعتقلوا الطلاب المعتصمين عشان حقوقهم .

■المباحث مسكت حرامية سارقين مناهل مجاري "الله" يعزكم بدير البلح والمشكلة .

■بيقلك جماعة النصيرات بعتوا جاهة بالليل عالدير عشان ياخذوا وجه ،ملقيوش حدا صاحي 🙂

■حتى الآن كل الواسطات خربت والأمور لسة مكركبة بين الدير والنصيرات و ع قولة صاحبنا أبو زكريا انه العملية مصورة

■أم البطل ناصر أبو حميد دخلت المستشفى وتعبت عالآخر بعد ما شافت منظر ابنها وهو مكلبش وداخل بغيبوبة.

■الأمور لسة مستنفرة بجنين والنفوس مشحونة ،فتح بتحاول تتدخل لتحل الأمور.

■محافظ جنين بيقول لما شفتهم معتقلين ابن زكريا الزبيدي ،قلتلهم روحوه شو بدنا فيه.

■الفترة الجاية حتبلش العمرة من أول وجديد بغزة ،بس الأسعار حتكون أغلى من قبل.

■المباحث مسكت بغزة احدعشر فزبة مسروقة حقهم تقريبا عشرين ألف دولار.

■جيالكم كبشة منخفضات ورا بعض عشان تشبعوا فيهم ،أول واحد يوم الجمعة.

■التعليم بغزة بيقول وظفنا 500 مدرس جديد وفوق ال1600 واحد شغلناه بطالة وبنينا عشر مدارس جداد.

■125 مدرسة وكالة زبطتهم الامارات وعملت الهم محطات مية حلوة عشان الأولاد يشربوا منها

■الكور ونا شادة حيلها عالآخر بالبلد بس محدش حاسس فيها

■بكرة تصدير العلماء ومخترعين الذرة عالمدارس من الصبح خلص الفدوس

■بكسة البرتقان البلنسيا تبع العصير بتسعة شيكل

■السمك حبطرش بالبلد هاليومين ،والغزلان صار بسبعطش شيكل الكيلو .

■اللي عنده بطارية خربانة قديمة للبيع يخبيها ،بعد كم يوم حتلاقوا ناس بتلف تشتريهم بخمسين شيكل ،مطلوبات للتصدير.

■آخر حاجة في ست غلبانة بعتت كذا مرة عالصفحة وتأكدنا منها ،محتاجة ابر هبارين للحمل زوجها مريض جدا وبيتعالج وفش حدا قادر يوفرهم وهيا حامل بالرابع وما خلفوا من كذا سنة ،لو حدا حابب يوفرهم يبلغنا..

ويا #صباح_الرزق للناس اللي بتحفر الصخر وبتحبش الكسل وبتصحى من النجمة عشان تلقط لقمة عيشها ،للناس إللي مليانة خير بقولها وفعلها رغم انه وضعها صعب

#صباح_الخير لكل واحد صاحي نفسه تتحقق أمانيه ويتغير حاله للأحسن ،فش ع ربنا كبير ،ان شاء الله بتسمعوا الأخبار الحلوة وبيرتاح بالكم .

#صباح_الخير لصيادين السمك الجدعان إللي ع قد عالحال ،إللي بيرمي الشبك وبيقول يارب الرزق وبيصبر لينال الرزق والخير ..#صباح_الخير لحمادة ابو عرب الشب الجدع اللي بتلاقيش أحسن منه ببيع السمك ..

ربنا يحقق النا والكم كل حاجة نفسنا فيها قولوا آمين 🙏

الثلاثاء 11-1-2022

يسسلموو الاممييرر
+ وردهةة

مشكور للمتابعة

يسلموو ع المتابعة الجيدة
ربي يسعدك أخي

كل الشكر

يعطيك العافية للمتابعة الاخبارية

متابعه مميزه امير

يعطيك العافيه

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما