مساحة متجدده لكل انواع الشعر العراقي

صباحو ورد

كوني من محبين الاشعار العراقيه
فحبيت افتح هالموضوع
@الليث شاركنا

رمش برمش شديت
مانامت العين
تسهر والك تشتاگـ
مطلوبة الك دين

الولد لو فطموه
يبچيله يومين
بس انته من اتغيب
أبچيلك اسنين

صح انته عني ابعيد
من تحسب امتار
لاچن وسط هالروح
مبنيه الك دار

بالگلب بالشريان
بنص روحي اخليك
حزب الله لو يرضون
نصر الله اسميك

مو معقوله ذاك انته الأمس وياي
ولا معقوله ذاك الچنت أريدنك
تغير كلشي بيك من الجدم للراس
اجذب عيوني صاير من اشوفك
لانزوه واكول تخلص وانساك
ولاصدفه طريق وبيها اعذرنك
راح أنثر سوالف غاصات بروح
حتئ ارجع نفس وجروحي ينسنك

شجاني #وصدگت
#موگلبي ملچـوم
#عيني تشوف بس رؤحي #الغشيمه
الطعن #بالوجه صاير هالايام
#الطعن بالظهر صارت #قديمه

من تمشي أشوفك ملك
بآلليل وجهك گمر
والصبح وجهك شمس
يلـ بيك كلشي حلـو
مرات من تبتسم
أتمنه من ضحكتك
أترس جفوفي ترس

أبوذيه

حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية

أبوذيه

سكر كأس الخمر من ضاك نفسك
واكو غيرك حلو بس ماكو نفسك
اريدك يا حبيبي اتبوس نفسك
بس ابداخلك تنويها اليه