تعلم اللهجة الحلبية

اللهجة الحلبية مع معناها بباقي لهجات
اندفس يعني اذهب الى النوم
سيوي يعني دغري

أنضرة يعني الكندرة
هلق يعني هسة
الضنضرما يعني بوظة
السداجة يعني السجادة
الديوانة يعني كنبايه
لاصطيكة يعني مطاطة
مصراط يعني مصاري فلوس
خوته يعني اهبل بستهبل
جدبة يعني مجنون على بركة
طاول طاول يعني أبداً أبداً
خَلْء يعني عالم
خيت وخَيْتو يعني أختي
خاي وخيو يعني أخي
نانا يعني جدة
يوم: معناها باللغة العربية وبكل اللهجات العالم هو الـ24 ساعة يوم كامل
بينما باللهجة الحلبية بتجي ل 2 معاني الاولى يوم كامل ومعنى ثاني ماما
يوب يعني بابا
حماية يعني حماتي او مرت عمي
سكرتون يعني خزانة
السلاتة يعني القشّاطة
السحّابةيعني درج
رفيقة او رفيق يعني صديق او صديقة صاحب او صاحبة
عميمي يعني العمة اخت الاب
خالة يعني الخالة اخت الام
خالو يعني الخال اخو الام
عمو يعني عم اخ الاب
مرت خال مرت خالو مرت عم مرت عمو وزوج خالة وعمة عمو
منشفة يعني البشكير
برطوشة يعني درجة ما جانب الباب
صقاطة يعني أداة لقرع الباب
أرمغان يعني هدية
وبتلاقي كاتبين عالمحلات يوجد لدينا (صمن) وبعد سؤال واستفسار ببين معكن أنو معناها خبز السمون
جمجاية يعني معلقة السكب
فرتيكة يعني الشوكة
هاون يعني مدقة الثوم
الدروبُس يعني البونبون إللي بتعرفوه
كما امتازت الهجة الحلبية بأدوات إشارة خاصة بالحلبية ..

كوهنه للمذكر القريب
كيهنه للمؤنث القريب
كوهاك للمذكر البعيد
كيهاك للمؤنث البعيد
كوهاكيي لجمع المذكر البعيد
كيهاكين المؤنث البعيد
كيهنن لجمع المؤنث القريب
وطبعا للسهولة في اختصارات كمان
اختصار المذكر القريب .. كو او كواهنه
اختصار المؤنث القريب .. كوهاك او كيهنه

ومن الاختصارت أيضاً
تاااا.... بدل من تعال
رووو.... بدل من روح بمعنى اذهب
ما راح آجي.... بدل من ماني جاية
بروك--------------اجلس
تشطّح:بدل من تسطّح (وما تسألوني ليش حنا نضخم احرف ؟)
أبوس روحك : للمدح

أبوس شنقات وشك : للمدح البليغ
(الشنقات طبعاً هي الخدود متل ما بتعرفوا)
يبلاك بقتلك : دعاء بالقتل والضرب
إشْ ضاءلَّك يعني شو بدي قلك
عجب للدهشة
كنّي للاستفهام
ديه بقا للتأفف
أَبَوْ للتفاجؤ

لك أبوس روح الحلبية وكل مدن سورية وكل بلاد العالم خيووووووووووووووووو

بقى مين لهجته غريبة حنا ولا انتو يا فلسطنين انا شفت مصطلحات فلسطنية وكل مصطلحات عادية وقريبة من باقي الدول ومفهومة لذلك قررت احط لهجة الحلبية لتعرفو ان اصعب لهجة واغرب لهجة حنا كلامنا مش كثير مفهوم

انا حر معجب بهذا

يا ساتر ههههه
كنت حاير كيف افهم لهجة الاعضاء هنا
وطلعت قلب سوريا بلهجة اول مرة اسمع بيها
هاذي اصعب من لهجتنا ههههه
شكرا قلب سوريا على الترجمة

قلب سوريا معجب بهذا

يسلموو كتير

حلوة هاللهجه
والسورية بشكل عام لهجتهم حلوة
حبيت الطرح
شكرا كثير الك
ينقل للمناسب

بححب اللهججهه السسوريهه
يسسلممو عسسولهه
وردهه

كلمات ولاا بيخطر ع البال معناها
بس في كم كلمة معناهم زي ما هي عناا
يعطيك العافية لادراجك الراقي

يعطيك العافيةة

شكرا لكم على هذا المرور الجميل
ننتظر منكم التعليقات الراقية
احترامي

بحب اللهجه السورية كثير

يعطيك العافيه ع الطرح الجميل والمُميز

لروحك سعادة لا تنتهي

السلام عليكم ورحمة الله وبركاته



كلمات عنجد بدها مترجم هههه يسلمووووا ع الطرح الجميل


يعطيك الف عافية


بانتظار جديدك دائما



تحيتي