يوميآتي .. ، فتآة عَرجت نَحو الهَآويةة ..، /

وتين،
انا بعتقد انه مشكلتك بالحياة كانت بإنه محدا كان متقبل شخصيتك مثل مهي،وبقصد فيها سلبياتك كمان، بعتقد هذا كان سبب مشاكلك مع كتير اشخاص بحياتك وحتى من المنتديات وعالم النت، ما كانوا متقبلين بعد شخصية وتين،
ويمكن هالشي خلاكي تكوني مرات بهالقسوه والبرود والنشافه حتى مع اقرب الناس الك وهذا نتيجه اشياء كانت تصير معك،
قريت انك بعد مانك جاهزه لتكوني اسره ورغم هيك قبل فتره شفت رد الك حكيتي فيو انك نفسك بطفل يكون منك، انتي مش ضد الزواج بس بعدك مش شايفه بإنه الزواج ممكن يكون هدف وغايه بشكل عام، ويمكن لإنه من مواقفك ومن تجاربك اكتشفتي بإنه قوة الحب ممكن ما تدوم وهذا اللي صار معك انك تأثرتي بعلاقه كنتي فيها او مش بالضروره تكوني مرقتي بتجربة حب، بس بعد مانك مقتنعه بإنه الحب بإنه يكون شي مهم بحياتك،
شعرتك وكإنك عم تضلك اتدوري على اشياء اللي تكون بالفعل مبررات لكل شي، لشخصيتك لحياتك ولعقليتك لوجودك.
اللي بيقرا كل هذا يمكن يحكي عنك انتي مجنونه او شو مالها هاي مش عارفي حالا ايش بدا من الحياة، بس انا من بعد تجاربي بالحياة بقلك حتى لو حكوا عنك مجنونه، المجنون بالنسبه إلي بهالايام فاهم الحياة اكتر من الانسان العاقل !
انا من زمان بعرف انك انتي بتكتبي، بس ولا مره قريت موضوع الك مع انو صرلي زمان معكوا وهاي اول مره بقرا فيها موضوع لالك انتي بتكتبيه،
بتشجعي كل شخص يحكي عن حالو بدون ما يخجل حتى من سلبياتو مثل ما انتي عملتي، ذكرتي شغلات ممكن تخلي الواحد ينفر منك ويبعد عنك بس بعتبرها خطوه جريئه،
وحبيت اكتر آخر فقره وبآخر سطر لمن حكيتي "حصرت علاقاتي ببعض الاشخاص" وهاي حقيقه اللي كتير مننا بجهلوها وما منكتشفها إلا متأخر، وخطوتك هاي بعتبرا من ضمن افضل الخطوات اللي عملتيها او اللي عم تعمليها بحياتك الحاليه،
لإنه انا متأكده اللي كتبتيه مش مجرد كتابه، حكيتي عن وتين نفسها، وكل جمله وكل حرف بالفعل بيعبر عنك وبيعكس شخصيتك وحياتك الواقعيه وحتى قراراتك.
بهنيكي !

حبيبة القلب أثار

كلامك بحبه جدا وواقعي اكثر الإنسان ما بتعلم الا من كيسه زي ما بحكوا
وفعلا كل تجربة مريت فيها خلقت فيا نضج ووعي

لدرجة صرت اختار كل شي بقناعة من عقلي وقلبي تركته ع جنب

نورتي الموضوع ي غالية