رِسْآلَتْيْ إِلَيْهْ عَ أَلْوَجَعّْ ‏.

احنا بنضحك على حالنا بس نحكي بس يخلص هالكابوس رح ترجع حياتنا متل قبل
ما في شي رح يرجع متل قبل .. هالحر،ب غيرت كتيير اشياء و اخدت كتيير اشخاص
الشيء الوحيد اللي رح يعزينا انتصار المقا،ومة بإذن الله
ولا احنا قلوبنا تكسرت و ملامحنا كبرت عشرات السنوات ..
هالأيام مش بس راحت عن اعمارنا لا
هالأيام سرقت كامل اعمارنا ..
احنا صرنا متل الجسد بلا روح ، احنا بس بنتنفس
و حتى النفس بصعوبة كمان و ربنا يشهد
حلاوة الأيام فارقتنا و اللي مصاحبنا هالأيام الدموع و بس

لما تتعود على شخص و تمُر مدة ما تحكي معه
بتحس بكمية نقص كبيييرة متعبة جداً

كلششي بزعل كلششي بوجع
انا تعبت و الله ، اكتر من هيك صعب اتحمل
انا حاسة اني مخنوقة و عندي ديقة نفس
انا حاسة اني بأي لحظة برووح خلص ..

اصعب شي يكون الانسان بنتظر بشيء مجهول ..
مش عارف هو موجود او لأ
الإنتظار بهالحالة بكون متل الصدأ داخل جسم الإنسان
بتآكل كل شي جواته و بتحطم
و هيك انا بغيابك ..
كل شي فيي تحطم ..

يمكن لازم اعالج نفسي من هالشي
لأن اقتنعت انك مش راجع ..

بتعرف ..
كتير زمان كنت ادعي اقابلك بالجنة ،
و هلأ رح تكون هاي دعوتي للأيام الجاية كمان ..

اشتقتلكك قد السسما

ع طوول بحب هاد الشهر
و حاسة انه رح يكون شهر خير و فرج على الكل
و شهر نصر و هدوووء و حياة رايقة بعيدة عن الحزن و الوجع

مش رح احكي رح يكون متل ايام زمان
لأنو ولا شي رح يرجع متل ما كان ..

أُكرر ..

و في هذآ اليوم المرصع بإنتظار أملٍ جديد
نورٌ على نور

انتَ الصِيّبَ النافع لقلبي .. تماماَ كَ الشتاء ☆

7 فبراير .

رفح .. حرقتِ قلبي يَ رفح

ما عمري كنت ضعيفة بهالشكل
ولا مرة كنت مخنوقة متل هالأيام
و ولا مرة حسيت بشعور الوحدة الحقيقي متل هاي الفترة
الفراغ اللي جواتي بكل يوم عمالو بيكبر اكتر و اكتر
انا كتير تعبانة و ربي يشهد
و كتير موجوعة

و ازاا كانت هآي ليلة القدر
بدعي ربنا يطمني عليك ..