[FONT="Arial"]- كيف تنظرين إلي شريك حياتك ؟
زوج، أب، ورفيق الدرب.
- ما أسس الزواج الناجح في اعتقادك ؟
الإحترام والتفاهم والصدق، وبالاخر بيجي الحب.
- ما الأهداف التي تسعين لتحقيقها علي مستوى حياتك الزوجية مستقبلاً بشكل خاص؟
كون ست بيت ناجحه من مختلف النواحي، واقدر قوم بواجباتي ع اكمل وجه كزوجه وكإم، وكشريكة دهر لزوجي.
- هل يهمك مستوى زوجك التعليمي ؟ هل تمانعين في ارتباطك بزوج أُمِّي ( لا يجيد الكتابة والقراءة ) ؟
مش إنه بيهمني ولكن انا شخصيا نعم بفضل يكون متعلم، او عالاقل يكون معه شهاده ثانويه. لإنه غالبا اللي ما معن حتى شهادة ابتدائيه لمن يكبروا بتلاقيون جاهلين صعب التفاهم معون واحنا عايشين بحياة كتير متطوره، اللي مش متعلم فيها بتكون راحت عليه. عالاقل يكون بيعرف يقرا ويكتب بديش اكتر من هيك. لإنه اتخيل الوحده تتزوج واحد بعرفش يقرا ويكتب ويخلفوا ولد والام كيف بدا تواجه ابنها وتقله انه ابوك بيعرفش يقرا؟ او لمن يكونوا بمناسبات معينه بتطلب من الاهل يكونوا موجودين ويشتركوا بالفعاليات والاب بعرفش يقرا؟ مواقف محرجه.
- هل تودين العيش في سكن مستقل أو لا تمانعين في أن تسكني مع أهل زوجك؟
بسكن مستقل.
- هل تقبلين بزوج يعاني من مشاكل صحية ؟
اه بقبل، محدا صحته منيحه بالميه بالميه، كلنا بشي مرحله من المراحل منواجه امراض ولو بسيطه.
- كيف تتصرفين إن تدخل زوجك بعلاقتك مع صديقاتك ؟
من حقه يعطي رأيه ويتدخل، وانا لازم اسمعله بغض النظر إذا كنت معه او ضدو، مع إنه بحبذش كترة العلاقات للبنت المتزوجه، لإنه اساسا مش رح تفضى لهالشغلات.
- أي الأشخاص تلجأين إليه عندما تواجهك مشكلة كبيرة ؟ هل تؤيدين تدخل الزوج في حل مشكلاتك ام عائلتك ولماذا ؟
بتوجه لزوجي اكيد، بداش سؤال، مش طبيعي اني امرق بمشكله واروح اتوجه لشخص ثاني غير زوجي، ليش بقى؟
- هل تحبين الإكثار من الزيارات العائلية ؟
اكيد بحب كل ما يصرلي مجال ازورن بروح.
- هل أنت جادة في طبعك أو فيك ميل إلي الدعابة ؟
انا جديه اكتر، بس برضو بمزح وبضحك كتير، كل اشي الو وقته.
- ما رأيك بالزوج كثير الدعابة والسخرية وكيف تعالجين هذا الأمر أن كان زوجك كذلك ؟
انا شخصيا بشمئز من الشخص الاستهزائي، واذا زوجي كان هيك فأكيد رح يلاحظ قديش رح بتدايق من تصرفاته السلبيه. لا بد يتفهم الموضوع ويبطل هالتصرفات.
- هل تحبين السفر إلي الخارج ؟
نعم.
- إن كان زوجك كثير السفر والترحال هل يعجبكِ ذلك أم تعتبرين انها مشكلة وعقبة في حياتك ؟
بالعكس احلى اشي يكون عايش برات البلاد، ودايما بتمنى انه نصيبي يكون عايش برات البلاد لحتى استقر معه برا، فا بصير اجي لهون زيارات مش اكتر.
- هل تحبين الذهاب إلي السوق ؟ هل تفضلي ان يذهب زوجكِ معكِ ؟
الزلمي بطبعه بتحملش مشتريات النسوان وخصوصا يللي بتقعد تلف الدكانه خمسين مره،
انا شخصيا بحب يرافقني كل الوقت، بس كمان في اشي اسمه قناعه وانا بعتمد عليها كتير لمن اروح اتسوق،
فالافضل الزوجه تكون قنوعه فالمشتريات. وكل ما كانت هيك، كل ما زوجها بصير يحب يروح معاها عالسوق دايما.
- هل تجيدين الطبخ ؟
نعم الحمد لله.
- ما رأيك بالأزياء وماذا تختارين منها حالياً وماذا ستختارين بعد الزواج ؟
صعب احكيلك عن شركة وحده مفضله لإنه الموضه كل سنه بتتغير، بس انا بشكل عام بحب اشتري اكتر اشي منpull and bear الاواعي فيها عمليه ويوميه، اما بعد الجيزه ممكن الوضع يختلف واصير احب شركات ومحلات ثاني ما بعرف.
- إن اعترض زوجك على ملابسك كيف ستتصرفين ؟
من حقه يعترض، بصرش يشوفني طالعه بإشي قصير اكتر من اللازم ولحمي طالع ومبين، كل اشي ضمن حدود، لإنه مطرح ميتعدى الحدود بينقص.
- ما مفهومك للأمومة ؟
حياة جديده ومسؤوليه كبيري.
- هل تمانعين في عدم إنجاب طفلاً في السنة الأولى من الزواج إن عرض عليكِ زوجكِ ذلك ؟
انا اللي رح اطلب منه هالطلب من قبل ما يطلب مني، حقي اعيش لحظات حلوي مع زوجي، لإنه البنت بس تحبل بتصير يا دوب تقدر تكون مع زوجها لحالها، لإنه الطفل بيغلّب وبيتعّب، وبدهون تا يكبر الولد شوي لحتى ينبطوا مع بعض كيف لازم، فا انا شخصيا بحبذ اول اكم سنه انبساط وسعاده زوجيه بمعنى الكلمه ومن بعدا يفكروا بالحبل، كل اشي بوقته حلو.
- ما رأيك بوجود الخادمة والمربية في تدبير شؤون المنزل ؟
بيتي واسرارو الي انا مش للناس، الخدامه بعتبرها شخص غريب رح يفوت ع بيتي، فا مين هي لحتى تعرف كل صغيري وكبيري عن بيتي؟ هذا اخر اشي بفكر فيه، وممنوع الوحده تجيب خدامه اصلا. اذا بدكيش تقعدي قبال البيت لشو اتزوجتي وفتحتي بيت لكان؟
- هل تؤيدين تدخل أحد في شؤونكم الخاصة مهما تكن درجة العلاقة والقرابة ؟
لاء بحبذش، مشاكلنا بتخصني الي ولزوجي، ولكن إذا كان الموضوع بحاجه لمساعده، فا بستشير اي شخص من العيله، مش غلط وفيهاش اشي، يعني بيتعلق فالموضوع او فالمشكله.[/
FONT]
احمد شكرا ع استضافتك إلي فهالموضوع،
وان شاء الله تستفيدوا من اجوبتي.
حبيت الاسئله بس برضه مش هالقد هوينين.
مساك ورد 
آخر 10 مواضيع
العرض العادي
