حسسني اني انت بس مره وحس انك انا !!

الناس حبتني وحنت لي وحست في شقاي
من كثر ما اقصد في غيابك وانت ماكنك هنا

غنيت عالمسحوب والمجرور ولا تسمع غناي
حتى على الدلعونه ودبكه ولحن الميجنا

الى متى وانت تمتع وتلذذ في عناي
والى متى وانا ف بعدك ما احس اني انا

والى متى وانا اجيك وتارك الدنيا وراي
والى متى يامهتني بقلبن بوصلك ما اهتنا

والى متى وانا متعني لبيتكم رايح وجاي
والى تنقض جروحي كل ما اجي المنحنى

والى متى قلبي معاك ولا اشعر ان قلبك معاي
والى متى وعيوننا من الناس خجلا وجبنا

والى متى وانا اشوفك حلم وابعد من سماي
والى متى وانت البعيد اللي وسط قلبي هنا


والى متى يشبع متاااك!! والى متى يصبر متاااي!!
اهديتك انواع الفرح واهديتني انواع العنا

مابين صدك واحتياجي لك وتفكيري وبكاي !!
كل عرق حته من خفوقي قيض فرقاك وفنا

ياخي حس بمن عشقك شوي لا تبحث خفاي
حسسني اني انت بس مره وحس انك انا