حكيات ستي. /^^

#حكيات_ستي
1 - يلي مالو بنات ... ماحدا بيعرف إمتى مات
2 - يلي حظها قوي بتجيب البنت قبل الصبي
3 - البنت هدية ... والصبي بلية..
4 - الحياة بدون أخت متل الطريق بلا زفت
5- عشر أصهرة ع باب داري ولا كنة تكشف أسراري
6- خود المعجعجة وضمها وخلي السنكوحة لامها..
7 - يلي بدها يسعدها زمانها ... تجيب بناتها قبل صبيانها
8 - لو ما كان الطول مهيوب ... ما اخترعو للقصيرة كعوب
9 - دللي كنتك واكسبي ودها لانو إذا نوت عالشر ما حدا بيردها..
10- سودة والخدم حواليها وبيضا وكل الشغل عليها
11 - قصي من لسانك وزيدي ع التنورة ... منو بتدفي سيقانك ومنو بتضلي مستورة..
12 - سودا زرقا وقاعدة عالتخت ... وبيضا شقرا مالها بخت
13 - خود التخينة وأوعى تخاف ... منها مخدة ومنها لحاف
14 - ابن الأصل لو طعميتوا خبز حاف ... بيصون وقليل الأصل لو طعميتوا لحم الكتاف بيخون
15- فكرناهن رخصوا ... طلعو ببلاش
16 - بنت الأصل بتخلي كوخها قصر
17- دنيا ما عليها عتب ... فيها المصدي وفيها الذهب .

شو حلوين حكيات ستي

رأئعة أنتي سكون

⭐️⭐️⭐️⭐️⭐️

الله يبعتلك ايام حلوة

هههههه
حكيات ستي حكم
لا لحقت ستي ولا لحقت سيدي

مشكورة سكون وانين
تحياتي لك

ههههههههههههه
الله يرحمها عاد
ستي كانت بالنكهة المصرية
الناس كبيرة كلامهم جواهر ودُرر دايماً
مافي أحلى من قعدتهم
بتلاقي كل أسرار الحارة عندهم
شكرراً إلك عل الموضوع

حكايات بتجنن
ما في احلى من الست وحكاياتها وقعدتها
يسلمو سكون

هههه
ذكرتيني بتيتا الله يرحمها
كانت تحكي متل هالكلام
يسلمو سكون ع الطرح الجميل

جزاك الله الف خير وحسنه

الك الف تحيه للمجهود الرائع

حلوة هالامثلة ومعبرة بطريقة حلوة
يعطيك العافية لانتقائك
وادراجك ..