لآ تَرْبِطُوآ فَرَسِي آلـهآئِجِ بِ‘ سَلآسِلِ آلـنَّهْبِ‏

[QUOTE=سمره;736120]

صمت مسا الخير،
مساء الخيرات
فوتت ع القسم قعدت ادور مين من الشباب فاتحين اسك،
ملقيتش غير حضرتك والمهندس خالد،
لهيك رح اسألك وأسأله هالخمس اسئله،
بما انكوا شباب، وبتهيألي مرقتوا بتجارب مع الاناث. بصرف النظر شو طبيعة هالتجارب.
ولا يهمك اتفضلي

شب معجب ببنت وحاسس بأمل بعلاقته معها،
بس بنفس الوقت برجع يحكي مع بنت تاني بعرفها من قبل، او بأي طريقه يرجع يتواصل معها، ويفتح بينها وبينه باب ولو فتحه صغيري من الباب،
شو اللي بيخليه يعمل هيك؟ الاعجاب شي والحب شي ثاني ممكن يكون معجب بالاولي لكن اللي بحاول يرجع يحكي مع الثانية بكون بحبها او العكس هاد تحليل
ممكن عنده مشاعر للاثنين ومش عارف يحدد نوع العلاقة بينه وبين الاثنين يعني محتار اي وحدة بيقدر يهديها قلبه
الاثنين عنده واحد بس مش عارف مين اكثر وحدة بتستحق

شو اللي بيخليه يزرع الامل جوات هالبنت يللي ع اساس معجب فيها؟
يعني لو انا هلقيت معجب ببنت هل معنات الكلام اني حبيتها ولازم احبها او لازم اتزوجها بالنهاية هاد اعجاب
وطبعا الامر بختلف اذا هالشب كذب عليها وقلها انه بحبها هين بختلف الامر هين بقدر اقولك انه شخص ملعوب لكن طالما هو ناحيته فيها مجرد اعجاب
شو ذنبه هو لتفهم البنت طبيعة هالاعجاب حب يعني طالما ما صارحها بحبه اله شو ذنبه هو لتقعد تحلل على كيفها وتنغمس بمشاعر واحلام وهمية

شو اللي بيخلي الشب يكون لعوب؟!
الشب ممكن يحب مرة واثنين وثلاثة ويعجب باكثر من بنت هالشي ما بخليه ملعوب يعني ممكن ما يكون شاف الحب الحقيقي مع الاولي
او ما كان فيه تفاهم بينه وبينها شو اللى بمنع انه يحب ويدور على بنت ثانية تفهمه
بس اذا كان هو بيطلع فقط لجمال البنت يعني اذا حلوة بكمل معها واذا شينة مو حلوة بسيبها وبدور على غيرها هين بقولك ملعوب شو السبب عدة عوامل ممكن يكون فراغ عاطفي بحاول يعبي هالفراغ باي طريقة دون مراعاة لمشاعر الغير المهم يرضي رغباته فقط لا غير
وعلى فكره هذا حال 99 بالميه من الشباب !
ترددت اقول ميه بالميه !
هذا سؤال.



والسؤال الثاني.
غالبا الشب بيقضي حياته يحكي مع بنات،
بس لمن يقرر يتزوج "بعقل" مثل ما بقولوا، وببلش يدور ع بنت حلال ليتزوجها،
شو بكون طالو من كل هالبنات يللي حكى معاهون بزمناتو؟ شو بكون جاب لنفسه من كل هالمعارف؟ وشو استفاد؟
يعني احنا ليش لنحمل الشب كل المسؤولية طيب ممكن هو فعلا حبها وهي حبته بس ما قدر يتزوجها لعدة اسباب
اهلها او اهله رفضوا او إمه ما حبتها يعني شافتها وقلتله هاي مو مناسبة الك شو يعمل يعصي والدته مثلا ليرضيها
سواء كان حبه حقيقي او لمجرد التسلية الامر ما بيكون بايده بالنهاية الامر بايد رب العالمين
وكل شي قسمة ونصيب يعني احنا ما بنتبأ بالمستقبل لاوعد البنت اللى بحبها اني فعلا رح اتزوجها وهي لازم تكون فاهمة هالشي
لانه في كل حياة بني ادم فيه معيقات ومشاكل ممكن تحول بينه وبين اى شخص اخر بحبه



والثالث،
برأيك في مبرر للخيانه؟ عمره ما كان فيه مبرر للخيانة ما بقدر ابرر للغلط والا بكون انسان منافق بيكذب على حاله وراضي بشكل فعلي ومطلق بالخيانة
الخيانه الزوجيه ع سبيل المثال يللي بعتبرها من اصعب انواع الخيانه لإنها غالبا بتنتهي بطلاق والضحيه بكونوا الاولاد طبعا إذا كانوا مخلفين ولاد.
يعني حتي لو ما كان فيه تفاهم بينها وبين زوجها او العكس ليش لتخونو او ليش هو ليخونها
فيه عدة طرق ليوصول لحل ليحلو هالمشاكل اللى بيناتهم ولو ما قدروا بعد محاولات عِدة فيه شي اسمه الطلاق وان ابغض الحلال عند الله الطلاق
طبعا انا ضد الطلاق لانه هالشي بيهدم الحياة الزوجية وبكون الضحية مثل ما قلتي الاولاد بس كمان لو ما كان فيه تفاهم بين الطرفين والاثنين دايما في مشاكل
ليش لابرر لواحد فيهم انه يروح يخون الثاني من منطلق انه ما بحب الثاني او مش قادر يكمل معه


اما الرابع،
انت كشب عزابي، قديش بتنصح الشباب العزابيه بالجيزه (بغض النظر عن الجيزه بإنها سنة الحياة)
وقديش بتنصحون بإنه يضلوا عزابيه وليه؟!

بنصحهم بالزواج في حالة كانو على قدر كبير من المسؤولية ويكون عنده امكانيات مادية ووظيفة يعني ما بقدر انصح انسان عاطل عن العمل وما معه الشيكل بالزواج
هين بكون حكمت على مرته بالاعدام لانه الزواج مسؤولية وهي عندها متطلبات والبيت بشكل عام عنده متطلبات
وبنصحهم بالزواج اذا خافوا على انفسهم من الفتنة لانه الزواج نص الدين وهو عفة للننفس والجسد
وبنصح العزابية ما يتزوجوا اذا كان الزواج بالنسبة اليهم مجرد شهوة جنسية يريدون اشباع رغباتهم من خلالها
او غير مقتدرين ماليا او غير موظف يعني مش هيقدر يلبي متطلبات زوجته ومرته
الخامس والاخير،
سؤال جرئ شوي ولكن حابه اعرف ردة فعلك واشوف جوابك كونك شب عربي "واعي مانك صغير بالعمر"، مع تشديدي ع كلمة "عربي"،
غالبا لمن يخترعوا نكت، بتحكي عن شغله معينه، بالنسبه للغرب (الاجانب) بتبقى بتحكي عن شي معين بالحياة ومنو منفع،
اما بالنسبه للعرب دغري بيخطر ع بالون "الجنس" !!!
ليه؟
لانه العرب همهم الوحيد الدنيا والدنيا تتفرع منها عدة امور منها المال والجنس كما انهم بخلاف الاجانب
يعني مثلا البنت الاجنبية اذا صار عمرها 18 وما اقامت علاقة مع صديقها بيكون عندها خلل ولازم تتعالج
باختصار هذا الشي عند الاجانب مو مهم لانه متاح الهم باي وقت بخلاف العرب اللى اغلبهم بكونو مكبوتين جنسياً ومتشددين في هذه الامور
كونه الزنا من الامر التي نهانا عنها الشرع
وبعدين احنا يهالعرب كل شي ممنوع مرغوب يعني بتلاقيه متزوج لكن ببصبص ع البنات بقولك الحرام اله طعم ثاني
الاجانب ما بفكروا بهالامور همهم الوحيد هو العلم والتقدم بالبلد بتلاقيه لو سمع نشيد بلده بيبكي احترامها وتقديرا لبلده


شكرا سلف ع الاجوبه ويعطيك العافي

وشكرا الك كثير على حضورك المستمر
وعلى اسئلتك الاكثر من رائعة
شكرا لكِ سمرة