روايتي " ذئاب الشات "

- أنا هنا، عذراً ياسمين، كنت أتصفح بالفيسبوك

- علااااااء، كبرياء ما قبل يعطيني رقم حسابه

- ماذا قال؟
- اول شي وافق، بس حكالي بدي الفين مش ألف

- أين المشكلة؟؟

- المشكلة أنه ما رضي عن طريق البنك، لما حكتلو اعطيني رقم حسابك البنكي صار يضحك حكالي عشان تبلغي عني الشرطه

- لئيم، لم أتوقع أنه بهذا الذكاء، ولكن ليست مشكلة سنكون أذكى، المهم ماذا قلتِ له ؟

- حكتلو شرطة شو، انا مجنونه يعني افضح حالي، وبعدها حكالي اسمعي بتجيبي المصاري وبتحطيهن في مجمع بلدية رام الله، المجمع تبع تكسيات المدن وبتحكي للمدير فيه شخص راح يجي يوخذهن وبعدها بتيجي تحكيلي.. حكتلو لا شو بدو يجيبني انا ما بطلع لحالي ،حكالي خلص انسي معناتو، حكتلو طيب خليني افكر كيف راح اروح على رام الله. حكتلو هيك مشان احكيلك شو ارد عليه

- ممتاز، الحمد لله انكِ قلتِ ذلك

- ليش، شو بدك تعمل هلء

- باقي عليكِ خطوة واحده وينتهي دورك ،ونحن سنتابع الموضوع، قولي له الآن، اسمع، خطرت في بالي فكره سأرسل المبلغ مع سائق التكسي يضعه في مجمع رام الله غداً الساعة العاشرة صباحاً، ولحتى يقتنع بحديثك قولي له سأرسل ألف والألف الثانية بعد يومين، لحين ابيع اسوارة ذهب

- ماشي بس اشوفه بحكيلو

- حسناً، أنا سأتصل على صديقي عبد واشرح له القصة ونرى ماذا نفعل

- ماشي ، شكرااا كتير عنجد غلبتك معي ما راح انسى مساعدتك هاي أبدا الله يوفقك

- لا ولو، هذا واجبي. لكن لا تكرري نفس الخطأ مرة أخرى. لا تثقي بأي شخص على الشات، حتى لو كانت فتاة حقيقية وأرسلت صورتها لكِ وتأكدتِ أنها فتاة. لا ترسلي خصوصياتك لأي كان.

- لا خلص ما راح أوثق بحدا بعد هاي التجربة

- أن شاء الله، أراكِ لاحقاً

- الله معك، مع السلامه

كانت كلماتي تحمل نصيحة صادقة وتحذيراً من الوقوع في نفس الفخ مرة أخرى. الأمان على الإنترنت أمر بالغ الأهمية، ويجب دائماً توخي الحذر.

حملت هاتفي وطلبت رقم صديقي عبد، الضابط في جهاز المخابرات. بعد ثوانٍ من نغمة رنين الهاتف التي كانت تتردد في أذني، فتح الخط قائلاً:-

- الو

- عبد، مساء الخير

- هلا علاء، الله يسعد مساك

- كيف حالك؟

- الحمدلله، بدي سلامتك شو اخبارك أنتا

- نشكر الله، الحمد لله مطمئن الروح

- الحمد لله دائماً

ـ عبد، أحتاجك في موضوع مهم

- طيب تعال، هيني في القهوة بنشرب فنجان قهوة وبنحكي

ـ من الأفضل، أن تأتي أنت ونشرب القهوة عندي

- ماشي ساعة زمان بكون عندك

بعد مرور ساعة بالضبط، رن هاتفي وظهر اسم عبد على الشاشة. عندما أجبت على المكالمة، قال بصوت واضح: "أنا على الباب." شعرت باندفاع من الحماس، فأجبته: "سأخرج حالاً."

بعدما أغلقت خط الهاتف، شعرت بالهدوء يعود إلى الغرفة. في تلك اللحظة، رن جرس المنزل، فتحت له الطريق إلى مكتبي، دخل صديقي عبد بخطوات واثقة وابتسامة على وجهه وكأنه يحمل الأمل معه. رحبت به وأشرت له للجلوس على الكرسي المقابل لمكتبي.

قدمت له فنجان القهوة، ووضعت كأس الماء أمامه، ثم جلست خلف مكتبي مقابله. ورائحة القهوة الطازجة ملأت المكان، مما جعل الأجواء أكثر دفئاً. بينما كان يأخذ رشفة من فنجانه، تناولت رشفة من فنجاني ووضعته بهدوء أمامي، ثم قلت:-