برجك ووصف بسيط

برجك ووصف بسيط 👇❤️
#الحمل:
البرج صاحب الطاقة الإيجابية والشعبية الكبيرة بيقدر ينال محبة الناس يلي حواليه رغم انفعالو الواضح ولسانو السليط إلا إنو قلبو أبيض من الثلج💜
#الثور:
البرج يلي بيتعب على حالو كتير وبيحارب ليوصلو لأهدافو وبيعطي طاقة حلوة للناس يلي حواليه بالشكل ممكن يكون قاسي بس قلبو رقيق وبيحب الكل💜
#الجوزاء:
البرج صاحب المزاجات المتعددة بسبب كثرة التفكير بمشاكل غيرو قبل مشاكلو
حنيتو مخفية بسبب تقلب مزاجو محب كبير لرفقاتو وبيضحي كرمالهن💙
#السرطان:
رمز الحنية والعاطفة المتقلب رقم 2 بعد الجوزاء
البرج يلي ما بيعرف إذا يقسى أو يكون حنون عواطفو ظاهرة بعيونو ورغم هيك ممكن يكون لئيم كتير مع يلي بيئذيه❤
#الأسد:
البرج يلي بيعطينا ثقة عالية بحالنا قادر يثبت حالو بأي مكان بسبب إرادتو وحبو لأحلامو بتنطبق عليه مقولة "يلي ما بيعرفك بيجهلك" بيبين قاسي ولا مبالي رغم إنو بيوزع حنية عالكل 💜
#العذراء:
برج التفاصيل والدقة يلي بيعمل كلشي بإتقان وتميز بيخفي مشاعرو كلها وما بيحكي شو زاعجو وبيطلع هالشي بالقسوة والعصبية رغم حنيتو المفرطة
#الميزان:
البرج المتردد بالاختيار صاحب الوجه الطفولي يلي قادر يملك قلب كل يلي حواليه بلطفو ولباقتو عفوي كتير وممكن هاد الشي يسببلو مشاكل بس بيتسامح لأنو أغلاطو مو مقصود الأذى منها أبدا❤
#العقرب:
برج الذكاء والدهاء صاحب الكاريزما يلي قادر يلفت انتباه الكل بوجودو المميز بيطالع حالو من المشاكل متل الشعرة من العجين وبيخطط لكلشي بدقة وهدوء صعب ينكذب عليه وما يكشفك😉
#القوس:
برج العفوية والبساطة يلي بيضحك دائما حتى يخبي شغلات كتير عم توجعو وبيتعامل مع المواقف البشعة ببساطة ورغم كل الاتهامات بالسخرية من كلشي حواليه إلا إنو ما بيحب الأذى وما بيقصد الإساءة💜
#الجدي:
برج التناقض الكبير يلي دائما متهم بالجدية والقسوة وهوي أكتر حدا بيهتم وبيفكر بالناس حواليه
قوي كتير وقادر يتخطى أي مشكلة بحياتو وكأنها ما كانت❤
#الدلو:
برج التفكير الواعي والذكاء يلي بيسموه القطب المتجمد لأنو ما بيظهر مشاعرو وبيبعد عن المشاعر يلي ممكن توقف بطريق نجاحو
لطيف ومتعاون مع الكل ومحبوب كتير بين رفقاتو💙
#الحوت:
برج الحنية والعواطف الظاهرة يلي ما بتخلص حساس كتير والكلمة بتجرحو رغم الذكريات يلي دائما بترافقو بس قادر يطلع من الحزن ويكفي طريقو بدون ما يلتفت💜