صفات كل برج

#السرطان : بغير مواقفو حسب تصرفات الشخص اللي قبالو .. مزاجي لأبعد الحدود بالثانية بتتغير مشاعرو مليون مرة .. بتحسو بارد بس بالعكس دمو كتير قريب و حباب .. 💙

#الأسد : الاستسلام ما موجود بقاموسو .. عندو روح المحارب الشجاع .. ما بيستغنى عن اللي بحبن بسهولة .. ما بيحكي اذا كان زعلان او معصب .. ما بحب الناس اللي بتتودد للكل 💙

#العذراء: ما بيظهر مشاعرو لبرا بعيشا جوا قلبو .. ما حدا بيقدر يحب بنقاء متلو .. بحب النوم كتيرررررر .. ما بحب يفيق بكير أبدا .. بحب الأناقة و بيكره الشرشحة و الشرشوحين 💙

#الميزان : غيور .. ضحوك .. و صبور كتير .. حاسته السادسة قوية .. بيتعلق بسهولة .. مرح كتير .. بيوثق بالناس بسهولة .. و حالياً هو بحاجة للسياحة 💙

#العقرب: بسلي كتيرر قعداتو بتشيل الهم عن القلب .. ضحكتو بتجنن .. عصبي كتير .. ما بيتحمل الظلم .. و ما بيحكي غير الحق .. و بيكره يدمعو عيونو لو شو ما كان السبب💙

#القوس : صريح .. صادق بمعاملتو مع الكل ... عاطفي .. ما بحب يحكي كتير .. ما بيختلط مع كل حدا قلو مرحبا .. و ما حدا بيختارو هو اللي بيختار الكل 💙

#الحمل : حنون .. كريم .. بيتخانق اكتر شي مع اللي بحبو .. بتحسو دائماً قوي بواجه كل المصاعب بس من جوا هش عايف حالو .. ما حدا بقدر تضحياتو و تعبو و هي أكبر مشاكلو بالحياة .. غيوور كتيررو بغار على كل شي بخصو 💙

#الثور : قلبو رقيق كتير .. صادق المشاعر ما بيتصنع .. دائماً بتشوفو نشيط او العكس كسول كتير .. ما بحب الجبانين أبدا لأن هو جريئ .. اوقات عصبي أوقات دمو بارد .. بس عالأغلب بضل مبتسم 💙

#الجوزاء : ذكي كتير و غيور أكتر .. نيالك اذا بحبك حدا من برج الجوزاء لأن طريقة محبتو بتاخدك لدنيا تانية .. الكل بغار منو و من ذكائو وبينتقدوه لانهم مابيقدروا يكونوا متله .. كريم وقلبه طيب و اجتماعي 💙

#الجدي : ما متصنع .. بيكره الناس اللي بوجهين .. بيحكي بلا خوف صريح و واضح كتير .. لازم تخاطب عقلو و قلبو مع بعض حتى يقدر يحبك ..بقدس الشغل و بحب الاكل و النوم و المشاوير .. ومتعلق لامه كثيرا💙

#الدلو : ما بحب يفيق بكير ابداً .. بس ما بصرلو ينام لوقت متأخر كمان .. بحب أجواء الضحك و التسلاية .. اذا اتضايق من حدا بيخانقو ويمكن يسبوا ويقطع علاقتو معو😂 .. شخصيتو قوية و حلوة 💙

#الحوت: بيسندك بوقف جنبك بأصعب اوقاتك .. قلبو مليان رحمة و حنية .. حساس كتير ..النوم و الإنسان اللي بحبو اكتر شغلتين مستحيل يستغنى عنهم .. كتوم ما بيحكي عن تعبو و حزنو لحدا .. غامض🌸