[ لسسسةة ببدكك تععانني ، اهه بدديي ]

30 سبب كفيلة تخليك تكره الشتوية:

1- انك تاخد قرار تعمل حمام رح يكون قرار صعب جداً
2- كل ما حتفوت عالحمام كم البنطلون رح يتعبى مي
3- كل ما حتغسل ايدك كم الكنزة رح يتعبى مي
4- اذا كنت سمين فتياب الشتوية رح تخليك تبين اسمن
5- كاسة المتة على طول متلجة
6- رح تقرف حالك من البرد
7- الشوارع معباية طين
8- ما بتقدر توقف عالشباك او البرندا
9- ايديك ورجليك متلجين 24/24
10- الشتوية مليانة شوربة عدس
11- بتصير تفوت عالتواليت كتير
12- الجلي بيتحول لضغط نفسي و تحدي
13- انك تقوم من تحت البطانية رح تكون المهمة المستحيلة
14- تغير تيابك الدافية وتلبس الباردة كرمال تروح عالدوام
15- ما فيك تلبس البوط الابيض
16- الغسيل بيقعد اسبوع عالمنشر مشان ينشف وبتطلع ريحتو
17- صوت صفير الهوا الصبح مستفز
18- صوت الرعد والبرق
19- النزلة من البيت وش الصبح والجو مغيم ومسقع
20- الشتوية الوانها غامقة مقتة
21- الشتوية بتحسسك بالجوع فحتاكل كتير وتسمن
22- مناخيرك حتبرد
23- الاكتئاب يلي برافق للشتوية
24- الدنيا بتعتم على بكير
25- الشفايف والايدين بتنشف و تشقق و البشرة بتصير جافة
26- الشتوية فيها دوام من الصبح بكير جامعة مدرسة الخ..
27- فواكي الصيف اطيب من فواكي الشتوية بكتير
28- ما رح تقدر تتحرك ايمت ما بدك لازم تتأكد من الجو اول
29- كلنا منحب المطر بس انو تكون ماشي بردان والدنيا كمان تمطر عليك فهي شغلة ما مقبولة بالمرة
30- لو بدك تلبس جرابات وشحاطتك ام الاصبع انت متخيل قديش بدك تعاني؟

باايي

مع كل هذا بيجنن الشتا
بحبه كثير كثير
حلوو ادراجك حبيبتي ماننحرم

رغم هاده الاسباب ...لا اكره ولا امل الشتاء ولدت بين احضانه.

شكرا نونش رائع طرحك

شكرا ع جهودك
يعطيك الف عافيه

مع شوب هالصيف طلع الشتاا ارحم بكثير بكل ما فيه
يعطيك العافية لادراجك الحلوو ..

كل هالشغلات والله حلوة
ولا يوم من ايام الصيف
ومافى احلى من صوت البرق والبرعد وصوت الريح
وانت دفيان
عوافى ننوش

رغم كل شيء
بإنتظار الشتاء و جداً

تحياتي .

	السلام عليكم ورحمة الله وبركاته رغم عيوب الشتاء ولكن انا احبه جدا يسلموووا ع الطرح القيم والمفيد يعطيك الف عافية بانتظار جديدك دائما تحيتي