أخبار عالريق 99

#أخبار_عالريق 99
✅يكتبها /سعيد الطويل
■وزارة الصحة بتوصيكم انه محدش يسافر برة البلد الا للضرورة ،ع أساس انه جواز السفر خلصت صفحاته من الأختام الي عليه يعني.
■اليهود واقفوا يدخلوا 3000 عجل سيارة كوشوك على البلد.
■في فتوى أصدروها انه الي بيموت من الكورونا حيحتسبوه شهيد،يا بخت النسوان.
■مصر مضلش فيها ولا حالة كورونا ، والحالة الوحيدة الله شفاها.
■رفعوا كل السجاد الموجود بالسعودية بالحرم والجوامع عشان الكورونا متنتشرش.
■انقتل مجموعة كبيرة من الجنود التركيين بقصف للروسين ع سوريا ،كلهم بقاتلوا برة بلادهم (عالمقموط).
■كيلو الجاج الكبير اليوم بسبع شواكل بس.
■حملة الفجر العظيم لسة شغالة بالضفة والصور بتشرح القلب.
■اليهود حيسكروا معبر أبو سالم يوم الاثنين الجاي عشان انتخابتهم.
■غالبية البنات المتجوزات اليوم غداهم عند أهاليهم عشان آخر الشهر الوضع بيكون ضاوي والثلاجة فاضية.
■بدنا نبشركم انه هلت بشاير الاجازات الأولى حتكون ب8من الشهر الجاي عشان عيد المرأة الله يخليلنا اياها ،والثانية عشان الاسراء والمعراج ب22من نفس الشهر.
■اليابان تبرعت النا ب22ميلون دولار ،وبكرة بيقلك اقطع كابونة الي عنده تكتك عشان فش دعم.
■ست حرقت شقة جوزها الجديدة الي كان بجهزها لإبن بالضفة، عشان خايفة انه ناوي يتجوز عليها.
■‏بشكل رسمي اعلنوا انه يوم الاحد الي جاي لعبة يوفنتوس و الانتر بس بدون جمهور .
■بكرة آخر بشهر اتنين ،شهر بيطير طيارة زي المصاري بالزبط.
■ اليوم بالسوق الخيار أرخص من البنتجان وراس البصل صاير أغلى من البرتقان.

#صباح_الخير لأم عدنان اليي صحيت من الصبح تولع الحطبات عشان تعمل الخبز عالصاج.
-صباح الخير للعم ابو جمعة الي طلع من الصبح عالسوق عشان يشتري الجاجات ويعزم بناته ويمكن يجيبهم دين عشان يكرمهم.
-صباح الخير لعبود بياع القرشلة .
-صباح الخير للأستاذ حيدر الي خلص ماجستير و فتح بسطة منظفات عشان يعيش ولاده.
-صباح الخير لسهاد الصبية الجدعة الي صحيت تعطي امها الدوا الي قبل الأكل.
■صباح الخير للعم خيري سواق المرسيدس القديمة الي صف سيارته من الصبح عالدور عشان ياخدله نقلة عالمشروع.
■صباح الخير للناس الي بتحبنا وبنحبها ،للناس الي بتحكي عنا بالخير و للناس الي صوتولنا واعطونا ثقتهم بالمحتوى البسيط الي بنقدمه ومعجبش لجنة التحكيم.

#يسعد_صباحكم #جمعة_مباركة

يسسلممو ع ممتابعهه
وردهه

يسعد اوقاتك
سلمت مؤمن

كل الشكر و التقدير

اخبار حلوة برغم المها
غالبية البنات المتجوزات اليوم غداهم عند أهاليهم عشان آخر الشهر الوضع بيكون ضاوي والثلاجة فاضية.
هاي ما بتنطبق علي اليوم

شكرا مؤمن

شكرا لنقل الاخبار
يعطيك العافيه