قواعد البنات الأربعون .

قواعد البنات الأربعون :

خليهن ببالك منيح

1 _ اضحكي , ضحكتك حلوة
2 _ ما تقلبي بـ رسايلك القديمة
3 _ لبسي فساتين
4 _ خلي بـ شنطتك كتاب
5 _ اسمعي اغاني
6 _ اهدي نفسك لوح شوكولا
7 _ ما تشتكي غير لربّك
8 _ اتصوري كتير
9 _ قفلي باب اوضتك وارقصي
10 _ اقرأي رواية قبل ما تنامي
11 _ طلعي مشاوير مع رفقاتك
12 _ سهري
13 _ ما تعيطي قدام حدا
14 _ ما تعيطي اصلاً
15 _ صلّي ( اهم قاعدة)
16 _ كُلي كل الأكل الي بدك ياه , واشربي بيبسي دايت
17 _ ما تكتبي ع الفيس مقصودة
18 _ ما تعملي لايك لحالك
19 _ ما تفتحي الـ other
20_ كل ما تملّي قصي شعرك
21 _ اشتري تياب
22 _ اقعدي ع البحر
23 _ انزلي ع الشغل
24 _ خليكي طموحة
25 _ كوني واثقه بـ نفسك
26 _ ما تروحي عـ أعراس فيها عالم من نوع ( ايمت رح نفرح فيكي بقا ؟! )
27 _ ماتروحي ع اعراس اصلاً
28 _ حبي نفسك
29 _ حبي شخص بيستاهل
30 _ اتجوزي الشخص المناسب
31 _ دلعي نفسك
32 _ حبي كل شغلة فيكي وكل شغلة بتعمليا
33 _ طنشي كلام الناس
34 _ روحي ع مطارح بتحبيا
35 _ يلي بلطشك ندّميه ع حكيو
36 _ ما تتنازلي عن حقوقك
37 _ ما تتنارلي عن إنوثتك
38 _ ماتفكري بـ مبارح
39 _ ما تفكري بـ بكرة
40 _ عيشي حياتك بمزاجك .. هي حياتك انتي

رقم 19 مآ فهمتهآ
اللي فهمها يوضح لي

_ كل ما تملّي قصي شعرك


كان انا هلا ع الصفر,هههه
حلوين كتير
فعلا ي ريت نطبقهم
بتكون حياتنا بتجنن

يسلمو عسوله

نصائح بسيطة لكن حلوة كثير وبتغير الحياة وروتينها
يعطيك العافية لادراجك الحلوو ..

19 _ ما تفتحي الـ other

هذا الرسائل يلي توصلك من غير اصدقائك بالفيسبوك
يعني بتوصلك علي طلبات المراسله

حبيت هالقواعد البناتيه
نزلي قواعد للشباب
الف شكر الك

نصائح بسيطة
وسهل أي بنت تعملها
واكيد مفعولها على النفسية كبير
موضوع جميل
احسنتِ البريئة
تحياتي لك

كتير شغلات مين الي ذكرتهن بعملهن
كتير حبيت
يسلمو حبيبتي
❤️��
الله يبعتلك ايام حلوة
و
سنين احلى

اقتباس   المشاركة الأصلية كتبت بواسطة نقاء _ كل ما تملّي قصي شعرك كان انا هلا ع الصفر,هههه حلوين كتير فعلا ي ريت نطبقهم بتكون حياتنا بتجنن يسلمو عسوله

القص الشعر بغير كتير بالمزآج
هههه قصي شوي
نورتِ

اقتباس   المشاركة الأصلية كتبت بواسطة الصياد نصائح بسيطة لكن حلوة كثير وبتغير الحياة وروتينها يعطيك العافية لادراجك الحلوو ..

معك حق ’ الله يعافيك
نوورت .

اقتباس   المشاركة الأصلية كتبت بواسطة قلب فلسطيني 19 _ ما تفتحي الـ other هذا الرسائل يلي توصلك من غير اصدقائك بالفيسبوك يعني بتوصلك علي طلبات المراسله حبيت هالقواعد البناتيه نزلي قواعد للشباب الف شكر الك

ان شآء الله رح نزل بالوقت الجآي
شكراً عَ التوضيح ’ نورت .

اقتباس   المشاركة الأصلية كتبت بواسطة هل كان حباً نصائح بسيطة وسهل أي بنت تعملها واكيد مفعولها على النفسية كبير موضوع جميل احسنتِ البريئة تحياتي لك

هالشغلات كفيلة تغير النفسية كلياً
يا اهلاً فيك ’ نورت .