رأيكم بهيك مشكلة بكل صدق وصراحة .!

السلام عليكم ورحمه الله
في موضوع حابب احكيه يمكن يريحني شوي

انا ارتبطت في بنت من خارج فلسطين ومن طريق النت وصار نصيب وسافرت بالبلد الي بتقيم فيها من فترة والتقينا في بلدها وصار بينا اعجاب وقبول حتى اني لما شوفتها شوفت فيها كل ما بتمناه من مواصفات احلامي وهي كانت تبادلني نفس الشعور واكتر من هيك
وبعد لما رجعت وصرنا نحكي بالنت وبالتلفون بكترة لدرجة انو تعلقنا ببعض وحبيتها وهي حبتني
وبعد وقت سافرت تاني والتقيت فيها وبوالدها وحكينا واتعرفت على اهلها وحبيتهم وحبوني
ولما قعدت انا وابوها حكتلو كل شئ بيتعلق فيه وبحياتي لدرجة اشياء كنت مخبيها عنها وهي اشياء شخصية يعني كلام او افعال طبيعيه بتطلع من اى انسان مش شئ كبير وصارحت ابوها واخوها بهاد الاشي وعادي
بس البنت اخدتو بفكرة سلبيه وانو شي كبير انا كنت مخبيه عنها وهو لا يعتبر هيك وامها واقفة بصفها وهاد الشي الي مدايقني اكتر لانه شي ما بيستاهل كل هاد .
طبعا بنحكي كل وقت ووقت وكل ما نحكي بحس فيها اكتر وبتوجع اكتر ونفسي تنحل المشكلة وهي بنظرها انو انا هيك كسرت ثقتها فيه وهالكلمة بتتردد كتير .
مع العلم اني بحبها وهي نفس الشي وزي ما بتمناها هي بتتمناني وهالشي واضح بس هي بتردد ثقتي انكسرت وهي بتقسى ع نفسها وبتقسى علي بالوقت الحالي وهالشي كمان متعبني اكتر واكتر .
مش هاينة عليه ابدا ولا عارف احل هالمشكلة بجد .


ما بعرف احط سؤال او اقول في حل لهيك شي ؟
ولا انا الي مستصعبها ولا هي الصعبه ؟
ولا هي معها حق اني صارحت حد قبل ما اصارحها بكل شي بيتعلق فيه ؟
رأيكم بهيك مشكلة بكل صدق وصراحة .!
سامحوني ع اللهجة الي بكتب فيها .
احترامي

نتآهه ككنتت صصآدقق و ككتتير ككمآإنن !
و مددخخلهآ بالثثقهه م ددامم نتاهه ققولتت
ههالششي لآههلهآإ ! ممو نآإسس غغريبينن !
بسسس ممكنن هيي أخدتتهآ ءءنو لآزمم
ههي تتعرفف بالآولل و ححققهآإ لححد ممآإ
بسس م ددامم فيي بينكمم ححبب !
ككلششي ح يككون تممامم !
بسس نتاهه لو ترد ععليي
م تححكيهآإ !
آططلبهآإ رسسسمي منن آههلههآ
ههيكك بتككونن ععملتت يل ععليكك !
ووردهه

يمكن معها حق تزعل شوي انك ما صارحتها
بس برضه انت صارحت اهلها
يعني ما ضليت مخبي للاخر
مع انه يمكن كان فيك تعمل هيك
واتضل مخبي وما حد هيعرف عنك هالاشي
حاول تقنعها باسلوب حلو
انه حرام تخسرو بعض عشان هالسبب
وكمان حاول تتواصل مع امها يمكن هي تفهمك وتقدر تأثر عليها

عليكم السلام و رحمة الله

كان المفروض انك تصراحها قبل تحكي لأبوها او اخوها
المفروض إن هالبنت اقرب لك من ابوها
لما شافتك حكيتلهم اشياء هي ما بتعرفهم
حست انها بعيدةة عنك
او ممكن انك ما بتشوفها متل ما هي بتشوفك
لهيك دخلت الثقة بالموضوع

ما بصير الحل بمواقع التواصل
لو في مجال ؛ روح لعندها و اقعد معها
انا حاسة بزعلها
لأن اي بنت مكانهاو عاشت هالشي رح تزعل
انت بنظرها احسن و اقرب شخص لإلها
و كانت متخيلت بتشوفها نفس الشي
و انت هيك فعلاً بس للأسف تصرفك
بين العكس

برر لها ان هالأمور اللي انت حكيتها الهم
امور بسيطة جداً و عادية
و انك مثلاً ما حبيت تضيع وقتك معها
بالحكي بهيك إشيا تافهة
و ان وقتك معها اثمن من كل هالحكي
لهيك انت بتستغلو بأشياء تانية

الموضوع مش بهاي الصعوبة يَ جرح
شغلة بسيطة تعملها عشانها و الله غير تنسى
و ترجع متل الأول و احسن

موفق .

مش ضروري تصراحها ولا تصارح اهلها باشي طالما ما بستاهل
ولا بضر باشي بالمستقبل وما خص الثقة في هالموضوع
انتي بتحكي شغلاات بماضيك ما الها علاقة فيها لحتى تنكسر ثقتها انك خبيت
واذا العلاقة راح تبني ع هيك وما انحلت مشكلتك ولا رضيت

ف ما ترتبط فيها ولا تحاكيها افضل ..

أنا اتصور في المستقبل كيف يكون اذا تم الارتباط فعلا
اشياء وقعت لم تكن فيها هي موجودة وفاتت وانتهت وزد على ذلك لم تخفيها اخترت الوقت المناسب واخبرتها ولم يعجبها ذلك
الخلاصة
ارى ان البنت حابة تسيطر من اولها وتعرف وكل ما رايح تقوم به في المستقبل حتى بعد اذنها .
أو لم يعجبها الحال ووجدت سبب لذلك.
نصيحة
فكر جيدا قبل ما تتخذ اي قرار تندم عليه .

من حقك إنك تحتفظ بأمور خاصة فيك وبتتعلق بحياتك هذا حقك
ومش من حق أي طرف آخر يلزمك إنك تحكيها
بعدين طالما هذه الأشياء مش غلط وأشياء عادية ، وين الغلط الي انت عملته والثقة الي ضيعتها ؟
انا مش شايف في اضاعة للثقة
بعدين الواضح من كلامك إنك ما تقدمت بشكل رسمي وطلبت إيد البنت
فليش البنت تزعل على انك ما حكيت هذه الأشياء الي انت اصلاً مش مجبور تحكيها
أنا شايف أن الأمر فيه أفورة من البنت ، او فاهمة معنى اضاعة الثقة غلط
وعلى حسب فهمي من الموضوع والكلام الي انت كتبته إنتَ مش غلطان
وأترك البنت شوية تراجع حالها ، ممكن تكون لسى مش واثقة من مشاعرها تجاهك او بدها تفكر بشكل أكثر
ووجدت هالأمر باب تدخل منه حتى تكسب شوية وقت

ما بعرف أنا هذا رأيي وهذا الي فهمته من كلامك
وما بدي اظلم البنت كمان بوجهة نظري لأني لا أملك تفاصيل
أمور مثل هيك لازم تسمع من الطرفين


يعطيك العافية

انت مش غلطان ابدا والموضوع ما اله علاقة بالثقه
وبعتقد حكيت الها او لاهلها هم التنين نفس الشي بنظري
واي شي كان بماضيك شي وراح وهي الها من الوقت يلي عرفتك فيه
انت عم تقول انها اشيا عاديه يعني مش هالاشيا يلي ممكن تخليها تزعل منك او انها تحكي انك كسرت الثقه بيناتكم
انا شايفه انك كنت صريح وصادق وقليل يلي بعملوا هيك
ما حبيت انك تخبي شي عن أهلها مع انه هالشي مش الزامي عليك بما انه شي صار بالماضي
ممكن هي مكبره الموضوع اكتر من اللازم ما بعرف الموضوع بكل تفاصيله وما فيني احكم عليها
اذا هي بتحبك وشاريتك رح تغض النظر عن هاي الأمور خاصة وانه لسا ما في شي رسمي بيناتكم
الكلام ع التلفون مش حل بنظري روح واقعد معها واحكي وجه لوجه وان شاء الله بتنحل هالامور بيناتكم
في نقطة ذكرها هل كان حبا وانه البنت ممكن تكون لسا مش واثقه واكيده من مشاعرها تجاهك ممكن يكون هالشي صح
بتمنالك التوفيق وان شاء الله بتلاقي حل لهالموضوع

هالشي واقف علي الكلام اللي حكيته لأهلها
يعني اذا يستحق أنها تزعل أو لا
يعني اذا كان الكلام اللي حكيته بيخص ماضيك وأنه عملت شي غلط بالماضي
فمن حقها تزعل لانك اتخطيتها والمفروض اصلا ما صارحت اهلها بهيك أمور
لأنه هالشي بتعلق فيك وبالنسبة الك ماضي وانت بدك تبني مستقبل
المفروض هيا قدرت الوضع واعتبرته شي عادي لأنه لو بتحبك فعلا ما رح تقف علي هيك تفاصيل صغيرة واذا هيي فعلا ناوية تكمل بقية حياتها معك فبعتقد من وجهة نظري هيك أمور بسيطة المفروض ما تقف عائق بينكم
ومع هيك انت اعطيها مهلة تفكر وما تضغط عليها وهي رح تفهم أنه هالشي اللي عملته غلط ولو مصممة علي زعلها اتركها لفترة لأنه مثل ما قلت لو بتحبك فعلا زي ما قلت رح تسامحك

يا الله تري الحب لو بامكننا ان نوقف القلب عن الحب حتي نعلم أنه يكون من نصيبنا لفعلنا ولكنه يتسرب الي قلوبنا كمثل النوم يسري ف أجسادنا ولا ندري الا عندما يغيب إلا انك وقعت ف حبها وانت لا تعلم
لاني تقريبا اعيش هذه الحاله متلك
ولكن الفرق ان حصل بينا سوء تفاهم
ولا أعلم أين هي الان
فإني ابتليت بحبها ولو قدر لي النصيب
ورجعت لا عمل ما في وسعي لاسعدها
واتمنى ان تقراء رسالتي هذه
واسأل الله التوفيق للجميع
وأسأله أن يسعد كل قلب بمن احبه ويجمعهم ع خير
والله الموفق
فلا تغلب حالك واترك الأمر لله
والقدر حتما وغالبا أتى
والله المستعان