همسة حب

- لما حدا بعملك اشي منيح، قول شُكرًا.
- لما بدك تطلب شغله من حدا اطلبها بأدب وذوق مش كأنّه مجبور يعملها ويرد عليك.

- اضحكوا بوجه بعض، كُلنا عنا همومنا بس بنفعش نبرطم بوجه الاخر ونطلّع زعلنا ع غيرنا.

- ما تدخلوا بحياة غيركوا، اليوم كله ٢٤ ساعة سخروا بإشي مفيد بدل القال والقلنا.

- لما بتفوت ع محل في حارس طلب يفتشك، صبّح عليه احكيله مرحبا ما تتعامل بدفاشه وعربدة لانه هو بقوم بوظيفته.

- لما حدا بعمل اشي عشانك اشكره حتى لو كان الاشي صغير وما تحسسه " لي انت شو عملت عشاني ؟ ".
- لما حدا لابس اواعي حلوة قولوا يا جماعة، بلاش شغل الحقد هاد .
- لما حدا ينجح باركوا وهنّوه، ما تبلشوا تلاقوا اسباب لي نجح " اكيد واسطة ابوه " خلص هبل !

- اذا حدا قطعك بالسيارة ما في حاجة تشد ع قباله وتصير بدك تسابق وتعرض حياتك وحياته للخطر، هو والله ما بعرفك والله والله ما بعرفك !

- صفوا قلوبكوا، هالعالم راح ينتهي بشي مرحلة، واحنا عايشين بس مرّة وحدة زيحوا السواد عن عينيكوا، وانطلقوا بهاليوم.

حلو لما الإنسان يتعامل بروية وبساطة ومودة
عجبني الموضوع
تحياتي لك

ححلو الححكي ككلهه
يسسلمو ع المموضوعع اللطيفف
وردهه

عامل كمآ تحب ان تُعامل
دآيماً تخيل نفسك مكآن اللي بتعامله
رآئع

كلمات حللوه وهمسهه الهدف منها كثير منيح
يعطيكي العافيةة حب

يا ريت لو الناس تتعامل هيك
كان الدنيا لسا بخير
يسلمو خمر

همسه لطيفه جدا منكِ خمر
كوني بحب

أ. خمر ايلول

جميلة هذه الهمسات

وهذه ( - صفوا قلوبكوا، هالعالم راح ينتهي بشي مرحلة، واحنا عايشين بس مرّة وحدة زيحوا السواد عن عينيكوا، وانطلقوا بهاليوم. )

خلاصة الكلام

كل التحية لكِ

البسَاطة في الحياة
يجعل من كُل شيئٍ جَميلاً
شكرا لكلامك الاكثر من رائع

حلوو هالكلام جداً انو نتعامل ببساطة مع كل الامور بالحياة
وانه ما نحقد ولا نشيل من حد ولا نغار من حد
يعطيك العافية لادراجك القيم والذووق ..