صعبة حالتنا شو صعبة

صعبة 😉
بتعارض وبدك تحارب
وسايق فيها الموجة وراكب
كيف بتلعن انت اوسلواا
ومن اوسلوا عم تقبض راتب !!
..
صعبة 😉
عم تحكي لكل الجماهير
بدك اصلاح وتغيير
دخلك انت لسا ليش
برة منظمة التحرير !!
..
صعبة 😉
بين البدلة وبين الحطة
حيران وحاسس في ورطة
اما بتختار التنظيم
يا اما بتختار السلطة
..
صعبة😉
صعبة نرجع لفلسطين
واحنا هيك منقسمين
شعب محطم عايف حالو
وبعض القادة دجالييين
..
صعبة😉
صعبة يبقى دولة عنا
وحنا الف واحد بحكمنا
طب ليش نلوم العربان
واصل السوسة فينا ومنا
..
صعبة 😉
صعبة حالتنا شو صعبة
وحياة الله ورب الكعبة
اذا ما صحينا بدري وفقنا
رح ننتكب بأكبر نكبة
#قاسم_النجار

الانقسام هو نكبة اخرى انضافت ع شعبنا ووللاسف الطرفين عايشين
وتاركين الشعب يأكل هوا ، ومحدش فيهم متنازل ، يمكن صار الانقسام جزء من الثوابت الوطنية
اللي بنفعش نتنازل عنه ..

الله يحرق الطرفين لتنتهي هالمشكلة ويتغير هالوضع ..

والله فعلا حالتنا صعبة

الله بيفرجها ع العباد

يسسلمو للطرح

فعلا صعبة كثير
طول ما في حماس و فتح و احنا هنضل ضآيعين هيك
شكرا ع الأدراج الحلو
الف عافية

فعلا وضعنا صعب وبحزن

الله يصلح الحاال

مشكور مؤمن لنقلكك

تحيااتي لالك