وجهة نظري

ضايل ع أفيخاي وايدي كوهين يطلعوا ع سياؤة اذاعة ويقولوا يا ايها الذين آمنوا استجيبوا لله وللرسول اذا دعاكم لما يحييكم ..
#وجهة_نظري
انا من الأشخاص الي عندها تحفظات كثيرة علي الطوفان وانا زي آلاف عانيت وبعاني ولساتني بخيمة حتى رفح ما قدؤت ارجعلها ..
لكن بشوف انه هالوقت وقت انه ألتزم الصمت خير من اني أتكلم وأعطى مبرر للعملاء واليهود انهم يستبيحو دم تنظيم ما في حد بينكر انه قدم قادتوا وجندو بين شهيد وأسير وجريح ومطارد ..
علشان خاطر تطلع انتا تقول برا برا .. وادبحوهم .. واقتلوهم ..
يا سيدي يا عاقل يا فاهم يا واعي يا مثقف ..
كيف ترضى لنفسك انه تطلع لحراك بيدعوك فيه افيخاي وايدي كوهين وشلة من الهاربين والساقطين الي تاريخهم أثبت انهم دُمى بيحركها ضباط الشاباك وأجهزة أمن لدول عربية مطبعة بس لهدف واحد تشويه صورة تنظيم 💚 والنيل منه .. والآن هدفهم واضح ..
ماوقدرو يكسروه بالحرب والدم والهدم ..
بدهم يشعلوا فتنة ويستغلوا حالة الهرج والمرج الي غزة فيها على أمل انه نكمل ما بدأو فيه ونخلص ع بعض بايدينا ..
انا لو ذُيحت من الوريد إلى الوريد ..
لو وصل بي الحال لآكل الرمل وأشري ماء البحر ..
لو ضاقت الدنيا بما رحبت علي ..
مش هطلع أرسم نجمة اسرائيل على بلوزتي وأقول بديش أموت ..
لأني تربيت في محاضن عز في بيتي وفي مسجدي تعلمت فيه انه الموت مش بيخوف .. بالعكس لو كان في سبيل الله يا محلاه ..

في النهاية برجع بقول ..
انا لاجئ بعيد بيتي مهجر من مخيمي وحارتي ..
أعيش نازح في منطقة صحراوية بالكاد تستطيع فيها توفير شربة ماء ..
أعاني .. ويضيق صدري .. وأصل كثيرا لنقطة اليأس والإحباط ..
أتذمر كثيرا من تصريحات فلان .. وأتحدث مع نفسى عن أين الحل ولماذا طال ؟؟

لكن أتيقن أن الله سيحدث بعد ذلك أمرا ..
وسيبدل سنوات وشهور الحرب العجاف ..
لسنوات وشهور قادمة سمان .. بإذن الله ..

#تحيتي_لكم

البريئة ! ,سكون وانين ,حنان ,شمس معجبون بهذا

وأنا هاد الكلام بمثّلني
وبحترم أي حدَا بيحمل هاد الرأي،
ماشي بدنا نعيش وبدنا حياة كريمة وهاد حقنا الطبيعي،
لكن إذا هالحياة هتيجي من إسرائيل والسلام معها،
فـ ما أحلى الشهادة في سبيل الله!

الله ينصرنا ويبعد عنا شر اليهود وأعوانهم،
ويفرجهاا علينا قريبًا..

البريئة ! معجب بهذا

كلامك عين العقل
وانا بحترم جدا هاد الحكي
الله يفرجها عليكم يارب وينصركم

البريئة ! معجب بهذا

انا بحترم هيك وجه نظر
و هاد الشي بدل على أصل الإنسان ..
كل الإحترام لأي حد بفكر نفس التفكير
ربنا يفرجها عليكم
تحياتي

سكون وانين معجب بهذا