ياريت زمان يرجع تانى💔

‏💌✍️• أحببت أن أهديها لكم..[[ أمى بتسلم عليكم وبتقولكم عايزين بصلتين 🤝•• أمي بتسلم عليكم وبتقولكم دوقوا الملوخية بتاعتنا•• أبويا بيقولكو هيفوت دلوقتي على عم صلاح علشان يزورو عمي حسين علشان عيان•• ياأبا عم خالد جارنا ضربني••أكيد أنت عملت حاجة غلط علشان يضربك ••هاتي يابت الطرحة ألبسها علشان هنشر الغسيل. ••أومال فين محمود ...تلاقيه نام عند صالح جارنا علشان هم كانوا بيلعبوا مع بعض..
••مش هتاكل يا سيد ..لأ خالتي أم محمد حطتلي آكل مع أبنها مجدي وأنا بكتب الواجب أنا وهو.•• روحي يامديحة قولي لخالتك أم أحمد جارتنا عايزين ننشر بئيت الغسيل عندك علشان ‏بلكونتنا مش مكفية .
••. ماترزعش الباب ياابني واطلع براحة عالسلم إحنا بئينا العشا والناس نايمين متقلقهمش •• . يلا يا إبراهيم فوت على صلاح إبن الجيران وعدوا على سيد واأنزلوا الجامع علشان تفرشوا الحصير وتنضفوا الشارع مع عمك عطية علشان صلاة الجمعة
•• ياأمي ياأمي محمد جارنا ‏خربش أخويا وعوروا في دراعه ..معلش يابنتي هم بيتخانئوا وبيتصالحوا تاني روحي أندهيلوا علشان احطلو مكركروم ...ياااااااااا...❗
🪞دي حياتنا لما كنا عايشين من أمتى ومحدش خبط على باب حد وطلب طماطم أو بصل أو خبز أو حتى نعناع . من أمتى ومحدش زار جاره المريض‏أو حتى من غير مرض وشرب معاه الشاي وقرب منه طب كام مصيبة حصلت لما عيل أتخانئ مع جاره وممكن تطير فيها رقاب طب كام مرة وصينا ولأدنا ميزعجوش الناس ويحترموا وجود بشر عايشين معانا صحيح كانت البيوت قديمة والحياة بسيطة لكن كانت القلوب حية والإنسان غالي فقدنا ‏طعم الجيرة وفقدنا التواصل بالود والمعروف سبحان الله . كانت القلوب طاهرة وجملة (أمى بتسلم عليكم ) كانت عبارة جميلة بتعبر عن جمال المحبة .وجمال روح الجيران
. . وهي دي سنة الرسول الكريم اللي كان بيوصي زوجته ويقولها لما تطبخي زودي وأعطي جيراننا
. واليوم لم تعد 👇🏻‏الحياة لها طعم بعد الأستغناء عن الجار والسجن بين أربع حيطان
تعالوا نحيي سنة الرسول الكريم تعالوا نرجع نحب جيراننا ونتعرف عليهم
.تعالوا نعتبر ولاد جيراننا زي ولادنا ونصبر على بعض
👇🏻‏تعالوا نفوت على بعض في الأعياد والمناسبات ولو نسلم من عالباب ونقول كل سنة وأنتو طيبين
. . تعالوا لو جارنا مريض نزوره ونطمن عليه وندعيله
. . تعالوا نحترم بعض ونراعي مشاعر بعضنا ونحب للجار مانحب لأنفسنا تعالوا نبطل أذى لبعضنا بالازعاج والصوت العالي وإلقاء القمامة ورزع 👇🏻👇🏻‏الباب ولعب الاطفال في أوقات غير مناسبة
تعالوا نضحك في وش بعض مع مراعاة الأحترام والحشمة والعفة . يا ريت نرجع تاني يبقى لينا كبير نرجع ليه و يحكم بينا في المشاكل
. . تعالوا نعيش تاني زي زمان
ياريت زمان يرجع تانى💔