فتحية او مش فتحية .شو رئيكم..😅

"انا شب متزوج وجايلي بنت بالطريق عقبالكم مشكلتي امي بدها اسمي البنت على اسمها (فتحية) وانا معها بهالقرار لانها امي وحقها تسمي البنت على اسمها بس زوجتي رافضة وكل يوم بتبكيلي زي التماسيح عاملة حالها اتيكيت
واليوم بتحكيلي مستحيل اسمي بنتي اسم قديم فأنا انزعجت وضربتها
وحكتلها بدي اسمي بنتي فتحية لو مهما صار حتى لو بدها توصل الطلاق"

ليش هالجبروت هدا
واذا كان اسم امك لازم تتقيد فيه
امك على عيني لكن الاسم مش حلو
لا ما تسميها
مش راح تصل للطلاق لكن تهديد وضغط مش اكتر
ووصلت للطلاق بالناقص منه ومن أمه هههه
يعنى بنات جيلها يكونو عالموضة
وهي فتحيه
بدها يومين لتعرف تكتب الاسم
بلاش نظلم اطفالنا عشان العادات والتقاليد
ما ننحرم غاليتي سكون

مش عارفة مين الّي اخترع ظاهرة تسمية الأحفاد على أسماء أجدادهم
يعني لو الاسم حلو ومقبول فـ عادي
بس لمّا يكون قديم فـ حرام ينظلم الطفل باسمه لما يكبر

يعطيكِ العافية.

والله عااال المرة تحمل وتتحمل اوجاع الحمل
ويجي المصون هو وامه يسمي
يا عمي مش ضد اسم امك
حلو لانه لامك مش لبنتك

يعطيك الف عافيه

هو في بنت صغيرة اسمها فتحية ،
عقلية امه غريبة انه مصرة انه تتسمى البنت ع اسمها وتنظلم فيه ،
من حقوق الابناء انه نختارلهم اسماء جميلة ،

الزوج والام مكبرين القصة ع اشي فاضي ،
هذه عادة مش فرض ع الجميع .. الاسم المش حلو بالناقص منه

يعطيك العافية ..

الله يكون بعون الزوجة على زوجها و امه ..
عقلية رجعية و الله

لا مش فتحية ههههه
تحياتي

يسعدكم جميعا ع المرور