انا هيك غلطان..!؟ سؤال..

مرتي زعلانه

عشان حكيت بدي اوخذ امي معانا ع العقبه طشه يعني .

زعلت قومت تركتها

واخدت امي

انا هيك غلطان..!؟

.

لا مش غلطان
شو فيها لو راحت امه معهم
خليها بتستاهل

يسلمو سكون

في امور ما لازم نحكم عليها من قراءة القصة فقط

في خفايا بيناتهم هما وحدهم بيعلموها

لهيك ، دائما الامور البسيطة هاي نقطة خلاف عند النسوان ونقطة فقعان كمان

بس بالنسبة لالي في طلعات بتكون عامة مفيهاش مشكلة لو اخدت امي وفي احيانا طلعات لازم تكون لوحده الواحد

لهيك الحكم من مجرد قراءة القصة صعب كتير ، في خفايا ما بنعرفها بيناتهم ههه

يعطيكِ العافية سكون ،

ويعطيني العافية على الكلام الي كتبته ومش عارف شو صح او غلط لانه الواحد بطل يجمع بعد ما اخدت الحرب منه كتير ..

اقتباس   المشاركة الأصلية كتبت بواسطة بعثرة وجع في امور ما لازم نحكم عليها من قراءة القصة فقط في خفايا بيناتهم هما وحدهم بيعلموها لهيك ، دائما الامور البسيطة هاي نقطة خلاف عند النسوان ونقطة فقعان كمان بس بالنسبة لالي في طلعات بتكون عامة مفيهاش مشكلة لو اخدت امي وفي احيانا طلعات لازم تكون لوحده الواحد لهيك الحكم من مجرد قراءة القصة صعب كتير ، في خفايا ما بنعرفها بيناتهم ههه يعطيكِ العافية سكون ، ويعطيني العافية على الكلام الي كتبته ومش عارف شو صح او غلط لانه الواحد بطل يجمع بعد ما اخدت الحرب منه كتير ..

اول شي الحمد لله ع سلامتكم
دفع الله ما كان اعظم

تاني شي تفكيرك منطقي و واقعي و رائع جداً
و انا بتفق معك ، في امور ما بصير نحكم عليها من مجرد سؤال ..

ممكن الأم كتير بتروح ع العقبة و هاد اول مشوار للزوجة
برضو حلو تكون مع زوجها لحالهم

و ممكن كل مرة بياخد امه معهم و مرته حابة تطلع مشوار لحالها معه

و في كتير امثلة كمان ..

صدقني انا بلغي كتير طلعات لهالسبب
بس بكون هالشي بيني و بين حالي
يعني ما بقول السبب الرئيسي لكن بتحجج بشي شغلة

و المفروض الزوج يكون واعي و فاهم هالنقطة ..
انو مش بكل مشوار يكونوا !

احكيلك مثال بسيط مع اني حكيت كتير
مرة طلعت مع زوجي ع رام الله
كان اول مشوار النا على هالمدينة

راح جاب اخته و راحت معنا ..
مع انها كل شهر بتروح على رام الله لأنها قريبة منها
و كل اغراضها منها

فبقول ازا الزوج هيك تفكيره و هيك عقله
خلص الزوجة تختصر و تصير تلغي و تتحجج

انا اللي يعطيني العافية حكيت اكتر منك ههههه

تحياتي سكون ، سؤال رائع

@بعثرة وجع @البريئة !

هالسؤال الاجابه عليه من كل واحد حسب وضعه وظروفه
لهيك انا جاوبت بالاول وباختصار
انه مش غلط لو اخد امه معه مشوار
طبعا لاني ام
او بالاحرى حماه
وصدقا واقسم بالله
عمري م اطلعت مع دار ابني اي مشوار ولا حتى سألتهم وين رايحين
لكن ابني الله يرضى عليه بحب احيانا يحكيلي احنا طالعين ع المكان الفلاني تعالي معنا وبلزق فيي
وانا بكون عارفه شعور مرته
وبكون عارفه انها رح تكون حابه يطىعوا مع بعض لحالهم
ف بتحجج ب مليون حجه عشان م اروح معهم
لكن..بكفيني فعلا انه بجبر خاطري بس لو بالكلام وبحسسني انه بحق لي اطلع معهم هالمشوار

مش قصة صح او غلط
الصح كان انه ما يزعل اي حد فيهم
الاسلوب كان غلط كان بامكانه يرضي الطرفين
هو بتصرفه هادا ترك للحقد والكره مجال ليدخل بين زوجته وامه
كان بامكانه يرضي الطرفين بكلمه حلوه وما يزعل مرته يحكي معها ويحكيلها المرة هاي امي جاي معنا المرة الجاي بنروح لحالنا انا وانتي
وهي اذا فهمانه رح تتقبل هالشي
مزبوط انه الام الها حق عليه وكمان مرته الها حق خاصة لو كانت اول مرة بدها تروح هي واياه لحالهم وينبسطوا
مش غلط تطلع الام مع ابنها بس مو شرط كل مرة تروح معهم
من حق الزوجه تعيشلها يوم حلو بخصوصية ما يشاركهم فيه اي حد
وعن نفسي لو كنت ام وشايفه انه ابني اول مرة بطلع مع مرته هيك مشوار بحكيله روح انت ومرتك وانبسطوا ولمرة تانيه بروح معك

سؤال حلو وواقعي
يسلمو هالديات حبيبتي سكون

اقتباس   المشاركة الأصلية كتبت بواسطة نقاء @بعثرة وجع @البريئة ! هالسؤال الاجابه عليه من كل واحد حسب وضعه وظروفه لهيك انا جاوبت بالاول وباختصار انه مش غلط لو اخد امه معه مشوار طبعا لاني ام او بالاحرى حماه وصدقا واقسم بالله عمري م اطلعت مع دار ابني اي مشوار ولا حتى سألتهم وين رايحين لكن ابني الله يرضى عليه بحب احيانا يحكيلي احنا طالعين ع المكان الفلاني تعالي معنا وبلزق فيي وانا بكون عارفه شعور مرته وبكون عارفه انها رح تكون حابه يطىعوا مع بعض لحالهم ف بتحجج ب مليون حجه عشان م اروح معهم لكن..بكفيني فعلا انه بجبر خاطري بس لو بالكلام وبحسسني انه بحق لي اطلع معهم هالمشوار

الله يسعدك و يخليلك ياهم يا رب
و تضلي منورة حياتهم
حلوو انك شاعرة فيهاا
و اصلاً تصرفاتك و اصلك الطيب بخليهم اجباري يحبوا ياخدوكِ
و انا متأكدة مليون بالمية انو ابنك و مرته عارفين انك بتتحججي عشان
يطلعوا لحالهم و انك مش حابة تدايقيهم
و اصلاً هيك بتكبري بعيونهم الإتنين


فعلاً كل انسان بجاوب حسب ظروفه او المواقف اللي عاشها
و بالنهاية خبر الخواطر حلوو
اللي يخليلك ياه اللي بجبر بخاطرك و بحكيلك يلا معنا

انا عن رأىي
لا الزوج مش غلطان
ممكن حكى لامه من باب جبر خاطرها عشان ما تزعل وتحس فعلا كما
تشعر حماه انه الووجة لهت ابنها عنها
ولكن تصرف الزوجة مش صحيح
انا. راح احكيلكم موقف صار معي وانا خاطبة بس ب خمس او ست ايام
وهي انه زوجي حكى لامه بدي اطلع اتفسح انا وخطيبتي امه حكت لا
وانا سمعتها ، بهيك وقت صح حسيت انه فرحتي انكسرت بس ما بينت بالاخير امه بده يطيعها وانا دوري حكيتله انا ما خلق اطلع وبعدين الايام جاية كثيرة وبنطلع
ومن يومها حماتي تحترمني لتقديري ظروفهم بعيك وضع
ممكن تصرف بسيط من الزوجة يكسب حماتها ودرجة انه الحماية بتقف مع الزوجة ع ابنها
والله صارت معي وللان حمايتي بتقف بصفي عن ابنها
عشان هيك مش غلط ياخد امه المرة الاولى المرة التانية بطلع معك

هذا رائي وممكن الاغلب يحكى غلطانة
يسلمو

اقتباس   المشاركة الأصلية كتبت بواسطة البريئة ! اول شي الحمد لله ع سلامتكم دفع الله ما كان اعظم تاني شي تفكيرك منطقي و واقعي و رائع جداً و انا بتفق معك ، في امور ما بصير نحكم عليها من مجرد سؤال .. ممكن الأم كتير بتروح ع العقبة و هاد اول مشوار للزوجة برضو حلو تكون مع زوجها لحالهم و ممكن كل مرة بياخد امه معهم و مرته حابة تطلع مشوار لحالها معه و في كتير امثلة كمان .. صدقني انا بلغي كتير طلعات لهالسبب بس بكون هالشي بيني و بين حالي يعني ما بقول السبب الرئيسي لكن بتحجج بشي شغلة و المفروض الزوج يكون واعي و فاهم هالنقطة .. انو مش بكل مشوار يكونوا ! احكيلك مثال بسيط مع اني حكيت كتير مرة طلعت مع زوجي ع رام الله كان اول مشوار النا على هالمدينة راح جاب اخته و راحت معنا .. مع انها كل شهر بتروح على رام الله لأنها قريبة منها و كل اغراضها منها فبقول ازا الزوج هيك تفكيره و هيك عقله خلص الزوجة تختصر و تصير تلغي و تتحجج انا اللي يعطيني العافية حكيت اكتر منك ههههه تحياتي سكون ، سؤال رائع

يعافي قلبك يارب
وربنا يسلم الجميع من كل شر ..
وهو فعلاً لازم الزوج يوازن بالامور خاصة الحساسة
وفرض على الزوجة انها حتى لو ما عاجبها أي شي بيخص أهل الزوج تلزم الصمت ويضل الشي بينها وبين نفسها
يسعدك ام الامير على كلامك الرائع
تحياتي لالك

اقتباس   المشاركة الأصلية كتبت بواسطة نقاء @بعثرة وجع @البريئة ! هالسؤال الاجابه عليه من كل واحد حسب وضعه وظروفه لهيك انا جاوبت بالاول وباختصار انه مش غلط لو اخد امه معه مشوار طبعا لاني ام او بالاحرى حماه وصدقا واقسم بالله عمري م اطلعت مع دار ابني اي مشوار ولا حتى سألتهم وين رايحين لكن ابني الله يرضى عليه بحب احيانا يحكيلي احنا طالعين ع المكان الفلاني تعالي معنا وبلزق فيي وانا بكون عارفه شعور مرته وبكون عارفه انها رح تكون حابه يطىعوا مع بعض لحالهم ف بتحجج ب مليون حجه عشان م اروح معهم لكن..بكفيني فعلا انه بجبر خاطري بس لو بالكلام وبحسسني انه بحق لي اطلع معهم هالمشوار

انتي وقت تنوي تطلعي احكيلي وانا بأخدك وبطلعك أحلى طشاات
هههههــ
يسعد قلبك يارب ، ويخليلك أحبابك