جنسية غير جنسية وطنك الاصل

اذا جاءتك/ي فرصة انك تنال/ي
جنسية غير جنسية وطنك الاصل
اي بمعني اصح تتنازل عن الجنسية الاصلية
مقابل غيرها مثل الامريكية والبريطانية وغيرها
هل تقبل/ي ؟؟
ولماذا تقبل/ي؟؟
وما هو مردودك/ي النفسي لهذا الامر ؟؟
وماذا تعني لك/ي كلمة الوطن ؟؟
هل هو الشعب ؟؟ام الارض ؟؟ ام الحكومة ؟؟

لوو م ككنت فلسسطنيةة لتمنيتت ككونن فلسسطنيةة

سؤال حلو والله

وحاب اتفلسف واشبع فلسفة في الرد

لكن هلأ مش رايق اتفلسف

رح ارجع ارد

ابدا ومستحيل ان ابدل جنسيتي ولو ل ثانية
فأنا فلسطينة وافتخر بذلك

سؤال حلو كتير
عوافي

لا جنسية لي الا فلسطينية
وغير هذا لا يكفي

يسلمو الايادي

اقتباس   المشاركة الأصلية كتبت بواسطة الامير اذا جاءتك/ي فرصة انك تنال/ي جنسية غير جنسية وطنك الاصل اي بمعني اصح تتنازل عن الجنسية الاصلية مقابل غيرها مثل الامريكية والبريطانية وغيرها هل تقبل/ي ؟؟لا ولماذا تقبل/ي؟؟ لأني ولدت وعشت هنا وما هو مردودك/ي النفسي لهذا الامر ؟؟ لاأتقبله وماذا تعني لك/ي كلمة الوطن ؟؟ هل هو الشعب ؟؟ام الارض ؟؟ ام الحكومة ؟؟

الوطن هو الشعور بالأمان والألفة والأهل والجيران والأصدقاء والشعب

أشكرك على الأسئلة الجميلة 🌹

اقتباس   المشاركة الأصلية كتبت بواسطة أحمد سلمان سؤال حلو والله وحاب اتفلسف واشبع فلسفة في الرد لكن هلأ مش رايق اتفلسف رح ارجع ارد

قلت اذكرك ترجع تتفلسف
و احنا بنقرأ هههههه صار عندي فضول و الله ههه

امير بنفع تعطوني ياها بدون ما اتخلى عن الفلسطينية .؟
هههه


صعب و الله مستحيل اوافق اغير جنسيتي
تحياتي

اقتباس   المشاركة الأصلية كتبت بواسطة البريئة ! قلت اذكرك ترجع تتفلسف و احنا بنقرأ هههههه صار عندي فضول و الله ههه

ههههه
والله دخلت وكتبت امبارح ورجعت مسجت

لكن اوك
هرجع اكتب بما انه عندك فضول

المشكلة ليست في جنسيتي ، عمرها جنسيتي ما كانت مشكلة
بالعكس طول عمرها فخر وعزة ، بيكفي اني فلسطيني ، وبناضل من اكثر من 75 سنة

لكن المشكلة في نظرة الدول الأخرى لجنسيتي وخصوصاً الدول العربية
أخواني وأشقائي وأبناء ديانتي وعروبتي

انا فلسطيني يعني ممنوع أدخل معظم الدول العربية

لماذا ؟

ليش الكافر الملحد الي معاه جنسية أمريكية مثلاً أو أي جنسية أجنبية
بيدخل وبيضربوا له تعظيم سلام وكل إحترام وكل تقدير وكل إجلال

لكن انا بنطرد وبترحل وبتبهدل وممكن انحبس كمان
فقط لأني فلسطيني ومن غزة ، ممكن اهل الضفة ما بيعانوا بنفس معاناة اهل غزة في هذه المسألة

فقط لأني فلسطيني ومن غزة ، ممنوع ادخل دول الخليج ، ممنوع ادخل الأردن ، ممنوع ادخل مصر إلا بسبب وبتنسيق وبصعوبة

الأردن ومصر الي المفروض أقرب ناس إلنا لأنهم دول حدود ، الأردن الغزي ممنوع يدخلها منعا ً باتاً ، ومصر بندخلها لكن بصعوبة وبنتعذب في الطريق ، وكأنها رسالة النا انه مترجعوش تسافروا أو تدخلوا أراضينا

لكن في المقابل واحد امريكي او اوروبي الكلب أطهر منه ،بيدخل وبينضرب له تعظيم سلام وكل احترام

عمر المشكلة ما كانت في جنسيتي ، المشكلة في النظام ، المشكلة في الحكومات ، المشكلة في الخونة واذناب الإستعمار ونوابه

يمكن خرجت عن الموضوع الأصلي ، ولكن هذا أهم من الموضوع الأصلي