أخبار_عالريق

#أخبار_عالريق 880 يوم
✅يكتبها/ #سعيد_الطويل

■بتساهيل ربنا اليوم فوق ال87 ألف طالب وطالبة من الضفة وغزة حيقدموا أول امتحان للتوجيهي .

■اليوم صارلنا خمسطعشر سنة منقسمين ومبهدلين ومفسخين ومشحطتين ومفلسين وماكلين هوا وإلنا حكومتين بس مش فاضين .

■الفصا.ئل اجتمعت مبارح بغزة وبتقول إلنا الحق في الدفاع عن شعبنا والتصدي لجرائم الاحـتـ لال ..شكرا يا بشوات عالتوضيح

■أبو مازن صحته زي البومب وأموره لوز وهيو في زيارة لقبرص وشكلنا حنموت كلنا وهو حيجوز أحفاده والله أعلم .

■الاتحاد الأوروبي رجع يدعم السلطة من أول وجديد ،وان شاء الله حترجع شيكات الشؤون عن قريب.

■التشريعي بغزة بيوجه سؤال برلماني لعصام الدعاليس عشان أحداث القرية البدوية.

■ وفـــد من الشعـــ بية راح ع مصر عشان يتناقشوا بشوية أمور مهمة ع كلامهم.

■الدولار مولع نار ووصل مبارح ل3.46.

■ ديروا بالكم من البحر اليوم موجه عالي عالآخر والبلديات بتحذركم

■ع فكرة كل المراوح بهيك جو بتطلع هوا سخن يعني مروحتكم مش خربانة

■اقبال كبير على براهم الصما.ط بعيادات الوكالة .

■ #أبو_فؤاد بيقول محدش يزورني بالبيت عشان ابني عدنان الوسطاني توجيهي هذه السنة وبدناش دوشة والمشكلة انه ابنه أصلا بيقعدش بالدار وطول نهاره بالكورة وبتقاتل مع أصحاب التكاتك

#صباح_الخير لشباب وبنات التوجيهي ،الله ينجحهم ويسهل أمورهم ويجييهم مراقبين دمهم خفيف ومش نكديين ولا متقاتلين مع نسوانهم ،وتيجي الأسئلة مش معقدة وتكون ورقة العربي فش فيها ولا سؤال لف ودوران ،ربنا يبرد ع قلوبهم ويخفف عنهم الشوب ..

إللي عنده حد توجيهي السنة يدعيله دعوة من قلبه عالصبح ويزبطه بقنية عصير ساقعة تبرد ع قلبه ..

#يسعد_صباحكم 🌹
الثلاثاء 14-6-2022

يعطيك العافية والصحة
ولاعدمنا مواضيعك اليومية
تحياتى وتقديري

يسلمو الامير ع المتابعه
وعوافي ع جهودك

سلمت الايادي ويعطيك العافية

على النقل والمتابعة

ييعططيكك الفف ععافيهةة
+ وردهةة

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي

مشكور للمتابعةة امير

شكراً لك للمتابعة الجيدة
يعطيك العافيه أخي
ربي يسعدك ويحفظك
طابت مساءاتك

تسلم لنقل والمتابعه امير