أخبار_عالريق

#أخبار_عالريق 671 يوم
✅يكتبها / #سعيد_الطويل

■خلصنا من كبشة منخفضات ولسة مخذناش نفسنا ، أعلنوا انه جاي منخفض جديد آخر الأسبووع هذا حيخلينا نقحمش قحمشة .

■بس بشكل عام الجو من اليوم برضه حيقلب، والشمس حنضل مشتاقينلها من هان لأول الأسبوع الجاي.

■العميل لسة شارد والدائرة قاعدة بتيضق حواليه شوية شوية وحينمسك ان شاء الله

■بتحس انه نص البلد مكورنة وعيانة ومفلوزة وبطّل للموضوع هيبة أصلا.

■رجعنا للأعداد الكبيرة، ومبارح 11حالة وفاة وتقريبا 9 تلاف اصابة هذا بس إللي أعلنوه عنا وبالضفة .

■اليوم الوكالة بدها توزع مصاري تعويضات للأضرار تبعت الحرب الأخيرة.

■حبايبا بصور باهر بالقدس لموا أكثر من "مليون شيقل" هذا غير الذهب بس باليوم الأول من حملة اغاثة أهلنا السوريين.

■المباحث مسكت مبارح 10 طن أغراض أكل خربانة بشمال غزة.

■ست بالثلاثينات من عمرها اسمها حنين البايض من غزة أول مبارح مات ابنها محمد ومبارح لحقته من حرقة قلبها ..الله يرحمهم

■المهم إللي مشافش طوشة احمد مجدلاني ونقيب الأطباء بالضفة وهما بيمدوا ايديهم ع بعض بيكون راح نص عمره

■أبو مازن حالف يمين غير تنعمل جلسة المجلس المركزي بموعدها حتى لو محدش حضرها.

■الأسبوع هذا حتبلش تهل مواعيد صرف الرواتب وربنا يرزق الجميع.

■كيلو الخيار النظيف بخمسة شيكل والبندورة بأربع شواكل ،والكوسا زيها والبنتجان حواليه بنفس السعر.

■إذا بدك تعز أولادك جبلهم فرسمونة وموز صاروا أقل من مصروفهم ،عليا الضمان انبح صوته وهو بينادي العشرة بمية الفرسمونة.

■النسوان وأولهم #أم_فؤاد بيطالبن انها تضل المدارس طول الشتا عالساعة تمنية الدوام

ماعلينا بدناش نطول عليكم وندوشكم عالصبح ..إللي بتوصله النشرة الله يرضى عليكم بس #اضغطوا عالايك وخلينا نقول #الحمد_لله انه احنا بخير ..

اليوم آخر يوم بشهر 1
ويا #صباح_الرزق 🌹

يسعد صباحك
و الله يفرجها على الجميع
تحياتي

ربنا يكون في العون
تحياتي لك

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

يسلمو ع المتابعة
يعطيك العافية

متابعة جيدة أخي
ربي يسعدك

يعطيك الف عافيه امير