#أخبار_عالريق

#أخبار_عالريق 675 يوم
✅يكتبها / #سعيد_الطويل

■ريان ولد صغير مغربي عمره خمس سنين وقع في بير غميييق عالآخر، صارلهم يومين كاملات بيحاولوا ينقذوه ،صورته هزت العالم وكل الدنيا بتدعيله الله يحنن بطن الأرض عليه.

■بتحس إللي مش مكورن بالبلد أو في رواية تانية إللي مش لافحه الهوا ،بتحسه ماشي ورافع راسه كانه عامل انجاز وطني

■6 حالات ماتوا ، وأكثر من سبع تلاف حالة كورو رنا جديدة مبارح أعلنتها الصحة

■جاييكم بعد العصر على طول ان شاء الله منخفض جوي حيضبنا بالدور لتاني يوم لا طلعة ولا نزلة.

■رواتب غزة حتنصرف يوم الأحد بنسبة 60% وبحد أدنى 1800 شيكل.

■رواتب رام الله حتنصرف برضه يوم الأحد بس بنسبة 80% ، وبحد أدنى 1650 شيكل.

■اليوم الشؤون المدنية حتعلن عن 700 اسم جديد لأسماء لم الشمل

■توفت بنت صغيرة عمرها سبع سنين اسمها رقية نائل البريم من بني سهيلا بخانيونس ،بعد ما لفت ع رقبتها حبل بالغلط وهيا قاعدة بتعلب.

■معظم الفصائل بدهاش تشارك في اجتماعات المجلس المركزي برام الله .

■أكثر من نص الأسـ ـرى بالسجون عند
اليــ ـهود معاهم كور ونا

■في 500 أسيـ ـر إداري بالسجون مقاطعين محاكم الاحـتـ لال الهم 36 يوم ،هيك عرفت إذا ما كنت بتعرف.

■حرقوا صور سلـيـ ماني و نصـ ـر الله بمسيرة دعم للاجئين السورين برفح.

■حركة (ح) بتقول انه حرق الصور منافي لشعبنا،والسلفية مولعة معاهم.

■المهم انولد بغزة 4349 مولود جديد و397 حالة وفاة بشهر واحد إللي فات.

■الخضرة غالية عالآخر.. البتنجان بتمنية شيكل الكيلو والفليفلة بستة والخيار بخمسة والبندورة بأربعة والكوسا زيها ،يعني الأمور ملبشة خالص بالأسعار.

■البرتقان والموز والفرسمون والكلمنتينا أرخص حاجة بالسوق بقد ما بدك بتشيل

■إللي بيعزم حدا على مفتول اليوم بيكون عنجد بحبه وداير باله عليه

■الجاج اليوم بتسعة شيكل ونص الكيلو.

#صباح_الخير لريان الطفل المغربي إللي قصته هزت العالم ولأمه المسكينة إللي صورتها بتطقع القلب ..الله يطمنها ويطلعوه الها سالم غانم ..
#السلامة_لريان

الله يجعل يومكم مباركة وكل سعادة ورزق و #جمعة_مباركة
واكسبوا الصلاة على حبيبنا النبي محمد صلى الله عليه وسلم 🌹

تانككيوهه امميرر ☆
وردهةة

شكراً لك
تحياتي

متابعة جيدة أخي

ربي يسعدك

والتفاح بكم

متابعه حلوة
عوافي

شكرا امير
يعطيك العافية

ربنا يهدي البال ويصلح الحال
يسلمو امير ع المتابعة
عوافي

مشكور ع المتابعة

،

اشكرك
عوافي

كل الشكر و التقدير