بحب هاي الشغلات اللي بتفوت القلب 💙

بحب :

1- النجوم المضواية بنص سما سودا .

2-نسمة الهوا يلي بتداعب وجهي وقت كون مزعوجة و بتخليني غمض عيوني واخد نفس عميق يريحني .

3- أول مطرة .

4-القعدة لحالي ع أرض برندة بيتنا بليلة من ليالي الصيف و اصفن بالسما وفكر و فكر .

5- أول كاسة متة انا واهلي مع أول تشعيلة للصوبيا بأول الشتوية و الدنيا برا مطر و برد .

6-حدا يهديني غنية و اسمعا بكل تركيز بكل كلمة و بكل معنى حسو الي .

7-حلقة "رجعت الشتوية" من مسلسل أهل الغرام و دفا صوت نادين تحسين بك فيها.

8-حديث طويل مع رفيقة بحبا ونحكي ونحكي و بالآخر حس شو ارتحت .

9- الصورة بمشوار وقت شوفا بتحكي لحالا شو كنا مبسوطين فيه من عيوننا و ملامحنا و ابتسامتنا .

10-صوت الآدان وقت الفجر.

11- صوت ام كلثوم بالليل .

12-اغنية يا أميرة كل النجمات وكل الحب و الهدوء يلي فيها .

13-اللحظة يلي بوصل فيها ع البيت بعد يوم كلو تعب .

14- النومة بعد امتحان مادة قدمتا منيح و كنت خايفة منها .

15-الامل بصوت جوليا بطرس وهي عم تقول "رح نتلاقى يوماً ما ".

16-دندنة غنية بحبا وانا مبسوطة.

17-فيروز و أهواك بلا أمل وتحديداً : "يا بدر أنا السبب، أحببته بلا أمل ".

18-الورد الجوري الأحمر.

19-الدفا الموجود بمسلسل "أحلام كبيرة" . من المسلسلات الأسطورية بالنسبة إلي .

20-دعوات امي .💜

فعلا شغلات تفرح القلب
مميزه ياقلبي

عنجد شغلات بسيطه بتسعدنا كتير

الجميله البريئه ❤️

ل قلبك الجميل ، الحب ، السعاده ، الامان

الله يبعتلك ايام حلوه
حبيبتي

❤️

اقتباس   المشاركة الأصلية كتبت بواسطة شغف فعلا شغلات تفرح القلب مميزه ياقلبي

و حضورك مميز
يسعدكك ربي

اقتباس   المشاركة الأصلية كتبت بواسطة قمر الماما عنجد شغلات بسيطه بتسعدنا كتير الجميله البريئه ❤️ ل قلبك الجميل ، الحب ، السعاده ، الامان الله يبعتلك ايام حلوه حبيبتي ❤️

حبيبة قلبي
حضورك الجميل
يسعدكك و يحميكِ

شغلات حلوه بجد
شكرا لك

شغلات حلوه وبتسعدنا كثير
أحسنتِ الإنتقاء حبيبتي
ربي يسعدك

شغلات حلوه وبتسعدنا كثير
أحسنتِ الإنتقاء حبيبتي
ربي يسعدك

اقتباس   المشاركة الأصلية كتبت بواسطة عبير الجوري شغلات حلوه بجد شكرا لك

انتي الحلوة
منورة

اقتباس   المشاركة الأصلية كتبت بواسطة إبتسم دائما شغلات حلوه وبتسعدنا كثير أحسنتِ الإنتقاء حبيبتي ربي يسعدك

الله يسعدك دايماً
نورتِ