اخبار على الريق

#أخبار_عالريق 592 يوم
✅يكتبها/سعيد الطويل
■وضع الأسـ ـرى صعب عالآخر وممكن أي واحد من السبعة اامضربين تسمعه خبر استشهاده بأي لحظة لا سمح الله.
■10 حالات وفاة مبارح من الكور ونا سبعة منهم بغزة وتلاتة بالضفة .
■وزارة الاقتصاد عاملة حملة عالتجار اللي بيغلوا السعر وبيقولوا مش حيسمحوا بالاحتكار
■في عنا بغزة سبعين ألف سيارة مسجلة بالترخيص هذا غير المش مسجلات.
■اليوم حيبلشوا بحملة التخفيضات والخصومات للترخيص زي ما أعلنوا عنها مبارح.
■لحتى الآن نسبة صرف رواتب موظفين غزة زي مهيا فش زيادة ،لكن ممكن الأمور تتغير بدقيقة لو اتفقوا
■مسكت المكافحة مبارح 18 فرش حشيش برفح و4 في الوسطى .
■9 تلاف تصريح جديد للضفة للشغل جوا "اسرائيل"
■المنسق مش ملاحق مناشدات وكلام بيخزي بيسيء النا ع صفحته من الناس اللي بدها تصاريح
■الريال مدريد قدح برشلونة قونين مرتبات ع أرضه بالجولة العاشرة من الدروي الأسباني.
■توفت بنت صغيرة عمرها (8 شهور) بحريقة صارت بدارهم في قلقيلية
■قبل شوية توغلت سبع دبابات وكم جراف لليــ ـهود بخانيونس
■التربية والتعليم بدها تخلي بس الجزء النظري لحاله من مادة التكنولوجيا بامتحان التوجيهي ولغت العملي.
■محاولة انقلاب عسكري في السودان، وحطوا الزول رئيس الوزراء تبعهم تحت الاقامة الجبرية
■جامعة بيرزيت بدها تعمل انتخابات مجلس طلبة بشهر 3 الجاي بعد انقطاع لمدة سنتين عشان الكور ونا
■كيلو الخيار بشيكل ، وكرتونة البيض بعشرة شواكل ،والعنب بآخر أيامه بيشطب ومن اليوم وطالع حتزهقوا حمضيات وموسم الزتون ضرب وربنا يعوض الناس خير ..

#صباح_الخير متأخرة اليوم شوية للناس اللي رايحة شغلها بدون نفس ،وللناس اللي نفسها تروح شغلها بس فش عندها شغل
وللناس اللي شغالة بعشرة شيكل يومية وللناس اللي بتتطوع بمؤسسة وبيضحكوا عليهم وللكل واحد مفلس وصاحي يشرب قهوة ومتجلي وعنده راحة نفسية وللناس اللي أصلا عمرهاش صحيت بدري .برضه الله يمسيكم بالخير ..
للناس اللي بنتصبح وبنتمسى فيهم وما بنزهق منهم ..خص نص وتصبحية خاصة
الله لا يحرمنا ولا يحرمكم منها ..

#يسعد_صباحكم 🌹
الاثنين 25-10-2021

للعلم ما عندي ولا حساب فيس بوك كلهم انحظروا في صفحة عندي هيها بالتعليق الأول ..👇

كان الله بالعون
عوافي

الله يصلح الحال
متابعة جيدة
ربي يسعدك أخي

عوافي الامير

يسلمو الك

شكرا لالك ع الموجز
طاب يومك

كل الشكر والتقدير

متابعه جميله شكرا الك امير

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي

يعطيك الف عافية