[ ججريدهةة الممنتدى | اخخبار اليوممم ] 😂❤❤

#أخبار_عالريق 549 يوم
✅يكتبها/سعيد الطويل
■الجندي القناص تبعهم فطس ومات مبارح ، أكيد من دواعي الشباب إللي طخطخهم ومن نية الشب الجدع إللي هبده هبد بنص راسه.
■أم القتيل بارئيل ،لما دفنوه مبارح ، صارت تجعر وتقول انه بينيت عار علينا اذا ضل رئيس وزراء.
■نتنياهو وكوخافي والجماعة تبعينهم طابين عياط وعويل عالجندي وشبابنا مش فارقة بيوزعوا حلويات عالدوار.
■المهم لليوم الثالث شغالين الشباب ارباك ليلي وبلاللين عالحدود بعد المغرب .
■بيقولوا انه العمادي بده يجي ع غزة الخميس الجاي .
■ ع كلام حسين الشيخ انه المنحة القطرية خلصت أمورها والمصاري تحولت كمان للأمم المتحدة.
■في خمس تلاف لم شمل جديد أعلنوا عنهم مبارح ،انهم اتفقوا عليهم.
■ما علينا المهم كل الدنيا مش عاجبها لقاء أبو مازن وغانتس إلا السحيج أشرف بيقلك انه انتوا ايش فهمكم بالموضوع.
■في نص مليار شيكل بدهم يعطوهم
اليهو د للسلطة الشهر الجاي قرض بشروط طبعا.
■خش مبارح من كرم أبو سالم ،اسمنت وحصمة وجبص وشايش للمطابخ وشغلات كثيرة للبناء مدخلتش من يوم الحرب .
■الاقبال عالتطعيم رهيب ،فوق الربع مليون واحد صار متطعم لهلحين.
■صحيح حملة الجوائز للناس الكبار بالعمر لسة شغالة ،يعني لو أبوك وأمك متطعموش طعمهم يمكن تزبط معاهم وتكسب وقايتهم وال200 دولار كمان.
■احنا بطل يفرق معانا العدد ،يعني مبارح كان عنا فوق ال1350 حالة جديدة بغزة والأمور لوز .
■تصدقوش أم تيسير ،فش تسكير يعني فش تسكير ،البلد حتضل شغالة ،المهم انك تاخذ التطعيم.
■عنا في المستشفيات 150 حالة وضعها صعب عالاخر من الكو رونا.
■الشؤون الاجتماعية بدها توزع 888 شيكل ل6000 عيلة الشهر الجاي ولمدة تلت تشهر ورا بعض.
■وفي كمان 645 شيكل حيتوزعوا على 4000 تلاف عيلة تانيات.
■البنك الدولي بده يوزع 700 شيكل برضه على 12 ألف عيلة .
■طبعا الكلمة المشهورة ع قولة أبو عدنان بنشوفش حاجة الله ينكبهم 🙂
■التفاح الصغير نازل الخمسة بمية والمانجا تبعت العصير برضه الخمسة بمية .
■الجو بلش يسلك شوية شوية ،والشوب حيكون الأيام الجاية أقل ان شاء الله.

لسة في أخبار كثيرة ،بس هذه أهم شغلات قلت نصبح فيها عليكم ،وربنا يجبر خاطركم ويوسع رزقكم وتتصبحوا ان شاء الله بخبر حلو يخليكم طول اليوم مبسوطين ..

#صباح_الخير لكل واحد نام مهموم ومكروب وملوش نفس يعمل أي حاجة ، ان شاء الله اليوم بتتبدل الأمور ربنا بيسهلها معاكم .

#صباح_الخير واحنا بنودع شهر آخر يوم بشهر 8 وبنستقبل شهر جديد متأملين من ربنا انه يكون أحسن من إللي راح ،لانه الناس أكلت هوا والحمد لله

#يسعد_صباحكم 🌹
الثلاثاء 31-8-2021


باايي