اخبار_عالريق 563 يوم ✅يكتبها/سعيد الطويل

■الكورونا متغمرمغة تمرمغ بغزة،وطابة بالصغير قبل الكبير ،و الحالات الخطيرة قاعدة بتزيد مبتنقصش .
■فش حد مدور عالوقاية والكلام تبع زمان ،والغالبية مستهترة وبالصدفة لما صرنا نشوف حد لابس الكمامة.
■سكروا مبارح مدرسة اعدادية بالبريج عشان مليانة حالات كور ونا الكبشات
■فوق الخمسين حالة وفاة بغزة من يوم السبت إللي فات لهلحين من الكو رونا.
■الصحة بتقول انه الموجة الرابعة
خشت علينا بقوة .
■كل هذا الكلام وبتلاقيهم لليوم بالعزا بيطبوا تبويس وتحضين قال عشان يخفف عنه ويواسيه.
■وصل مبارح وفد مصري هندسي عشان يشرفوا ع قصة الاعمارو.
■بيقولوا انهم حيبلشوا بناء الشهر الجاي ومصر تكفلت بدفع كل تكاليف الأبراج ع حسابها.
■ممنوع صيد الفر بالشبك المحطوط عشط البحر.
■اليوم فاتح كرم أبو سالم عشان يدخل البترول القطري لمحطة الكهرب.
■اشتية بيطالب أبصر مين عشان يضغط ع اسرائيل تدفع كل مصارينا ومستحقاتنا.
■مبارح انغلب منتخب فلسطين للنسوان تبع كرة اليد قدام اليابان 56 واحنا جبنا قون واحد بس .
■ناووين يعملوا انتخابات بلديات بالضفة بدون بغزة الفترة الجاية.
■حترجع ترتفع درجة الحرارة كمان مرة الأيام الجاية.
■العزايم ناشفة وموسم الخطوبة فش فيه حركة والأعراس قاعدة بتشطب جاييكم الشتا وتلبدوا من الساعة سبعة وتتشعوا خمس مرات ومتشبعوش ..

#صباح_الخير من غزة لكل مغترب وواحد عايش برة البلد وبيتابعنا وبيحب نشرتنا وبيتواصل معنا عشان يسأل عن شوية كلمات عامية بيكون مش فاهمها ..

#صباح_الخير لكل ست ممرضة أو دكتورة شغالة شفت صباحي بتصحى ع شغلها حتى يوم الجمعة وبتكون طابخة لجوزها وأولادها من الصبح وبس تخلص دوامها بترجع تعمللهم عشا.

■كل يوم بدنا نصبح ست مرات صباح الخير عالشباب الستة كل واحد باسمه الكبير زكريا ومحمود ومحمد ويعقوب ؛وللأبطال اللي نشفوا ريق بينت وكل جيشه أيهم ومناضل ربنا يحميهم

#جمعة_مباركة وصلوا على حبيبنا وشفيعنا محمد صلى الله عليه وسلم 🌹

الله يفرجها
متابعه جيدة حبيبتي
ربي يسعدك

ربي يهونها
عوافي يا قلبي

منورات عسولاتي
كل الحب