أخبار_عالريق 526 يوم ✅يكتبها/سعيد الطويل

#أخبار_عالريق 526 يوم
✅يكتبها/سعيد الطويل
■من أول الأسبوع واحنا بننشر كل يوم خبر شـהــيد من الضفة ،وعريس اليوم شب عمره "عشرين" سنة اسمه شوكت عوض برضه من شمال الخليل أعدموه اليهو د بدم بارد .
■بيقلك يا أبو حاتم جاية كبشة تسهيلات من أول هذا الأسبوع عالمعابر .
■بالنسبة للخردة والرابش حيسمحوا لتصدروها ،وكمان الأجهزة تبعت الكهرب حتخش يوم الاثنين.
■و كمان سامحين للفلسطينينة اللي من غزة انهم يسافروا من معبر الكرامة عادي لو قدروا يدخلوا ايرز طبعا.
■بالنسبة لموضوع المنحة القطرية في اتفاق زي مقلتلكم انها تخش ،بس لسة كله طخ بالهوا طالما محددوش موعد.
■الاتحاد الاوروبي قاعد بيزبط الأمور عشان يرجع الأمور تصير تمام بين السلطة و"اسرائيل "
■اليوم بلشوا عند اليهو د بحملة تطعيم ثالثة ،لأنه الوضع عندهم زي الزفت.
■دكتور استشاري بيقلك انه السكتة القلبية ملهاش علاقة بأكل اللحمة ،القصة من اللقاح.
■السلطة طلعت قرار بتمنع فيه أي موظف انه يعبر عن رأيه ولا بأي قعدة ولا عالنت ولا حتى قدام مرته.
■حكومة غزة طلعت قرار أنهت فيه كل عقود شباب الشرطة الجداد اللي مضوا معاهم عقود أيام الكو رونا.
■الشباب مولعة معاهم ونصهم خطبوا بعد ما مضوا العقد بكم شهر ،وبيطالبوا
بتثبيتهم.
■وزارة الأوقاف بغزة: بدها تثبت دفعة جديدة من الموظفي تبعون العقود الأيام الجاية.
■موضوع مجدلاني وتعينيه وزير للأوقاف لسة مش رسمي بس شكله الكلام في منه،الراجل نفسه بالوزارة.
■توفى مبارح الطفل حامد خليل البحري عمره (سنتين) من سكان بيت لاهيا بعد ما اندعس ع باب دارهم.
■الامارات بتقول انه الخيار الوحيد عشان نتخطي الأوضاع اللي متدهورة بفلسطين هو حل الدولتين.
■في وفد حكومي من غزة حيزور مصر الأيام الجاية .
■بيقلك في 22 جريمة قتل وفوق ال2700 طوشة صارت من أول السنة بالضفة.

#صباح_الخير للناس اللي بالها رايق وهادي وحتاخذ عيلتها اليوم وطنجرة المقلوبة بلحمة العيد وتشتريلها بطيخة كبيرة من المحززة ،وكم عرنوس ذرة مسلوقة ،ويتلجوا كم قزازة كولا من الصندوق اللي جابوه نسايبهم ،ويخلوا كنتهم الجديدة تعمل قالب ككسة عشان هي الوحيدة اللي بتعرف تعمله ويروحوا اليوم ينبسطوا عالبحر .

#جمعة_مباركة
صلوا على حبيبنا النبي محمد صلي الله عليه وسلم 🌹
30-7-2021

ييسسلمموو اممييرر
+
ممتابعةة ممييزهةة ممنكك
+
وردهةة

يعطيك العافية
لادراجك ..

جبلنا اسعار التفاح الاخضر الصغير الزاكي
وسيبنا من باقي الدنيا يا زلمة

جبلنا اسعار التفاح الاخضر الصغير الزاكي
وسيبنا من باقي الدنيا يا زلمة

ربي يصلح الاحوال
يعطيك العافيه امير

يسلمو ع المتابعه الامير
عوافي ع جهودك

اسلوب
مضحك
في سرد
الأخبار
وفيه
سخرية
ربنا يصلح
الحال
شكرا
امير

متابعة جيدة
ربي يسعدك

السلام عليكم ورحمة الله وبركاته



يسلموووا ع النشرة الاخبارية المنوعة


يعطيك الف عافية


بانتظار جديدك دائما





تحيتي