اخبار البوم

#أخبار_عالريق 434 يوم
✅يكتبها /سعيد الطويل
■وضع الكو.ورنا عنا بغزة مش تمام ،ماخذة راحتها عالآخر ..و الصحة أعلنت بشكل رسمي انه دخلنا بموجة جديدة.
■ديروا بالكم القصة هذه المرة مش بسيطة ارجعوا البسوا كماماتكم قبل ما تقع الفاس بالراس.
■احتمال وارد انه يرجعوا يشددوا الاجراءات من أول وجديد وخاصة تسكير صالات الأفراح بس فش أي قرار رسمي لهلحين.
■الجامعات شددت اجراءات السلامة ولبس الكمامات عندها تاني .
■مبارح أكثر من 27 حالة وفاة بالكو.رونا بالضفة لحالها.
■بيقلك الانتخابات بتكلفنا 23 مليون دولار بالجملة.. يعني يادوب جابت راس مالها، طيب شيلولكم كم ألف جوزوا فيهم ابن أم عماد الغلبان صار عمره 33 سنة ومش عارف يدبر المهم.
■اتفقوا ع ميثاق الشرف بين الفصائل بالقاهرة انه محدش يغلط عالتاني ولا يجيب سيرة التاني بالعاطل ومحدش يلزق صوره بالدعاية فوق صور التاني.
■أي عضو مجلس تشريعي جاي حيعتقلوه اليهود ،حيحطوا واحد بداله من نفس القائمة.
■خالد أبو هلا..ل بيقول انه حركته حتشارك بالانتخابات واحتمال كبير تجيب تلت كراسي.
■اشتيه بيقول انه العلاقات مع امريكا رجعت تاني و أحسن من قبل كمان.
■عائلة أبو شر إلي اندهس ابنها أول مبارح عفت وسامحت الشب سواق الكارة اللي دهسه بالغلط ومات.
■شباب 2005 والمتقاعدين غصب عنهم معتصمين لليوم بالسرايا ومحدش مدور عليهم لسة.
■موظفين غزة طلعوا مسيرة مبارح يطالبوا فيها بحقوقهم .
■بيقلك عنا عجز هذه السنة بالموازنة تقريبا مليار و200 مليون دولار #حلوين 😁.
■ولد صغير اسمه علاء الوادية من الشجاعية وقع من فوق عمارة وتوفى مبارح المسا.
■يا حلاوة ..مكتشفين بفرنسا سلالة طفر ة جديدة لنج.
■شباب الخليل صار بشكل رسمي بطل لدوري المحترفين هذا الموسم ..ومبرووك للخلايلة.
■جوز بنته لترامب.. كوشنير بيقول انه الطوشة بينا وبين اليهود خلاف عقاري.
■الفراولة والكلمنتينا لسة مسيطرات عالسوق .

#صباح_الخير للوجوه الصافية اللي زي قلوبها المليانة حب وصدق بمشاعرها وكلامها وأفعالها فش عندها لف ودوران بالعلاقات والصحبة ..المبدأ عندها زي الدستور مقدس لا بيتغير ولا بيتبدل
لا مع البعد ولا مع القرب ..
للناس الللي كل ما تقرب منها بتحس انها احسن منك ..
كمان هذه الناس ديروا بالكوا عليهم..

ويا #صباح_الرزق 🌹
الثلاثاء 17/3/2021

يسسلمموو الامميرر ^^
وردهه

يسعد صباحك
تحياتي

يعطيك العافية لادراجك ..

	السلام عليكم ورحمة الله وبركاته يسلمووووا ع النشرة الاخبارية المنوعة يعطيك الف عافية بانتظار جديدك دائما تحيتي

عوافي الامير

شكرا للمتابعه