قالوا امدح شيخ والا امدح اميـر لجل تكسب مـن مديحـه فايـده !!

قالوا امدح شيخ والا امدح اميـر
لجل تكسب مـن مديحـه فايـده !!

قلت انا في خير واحوالي بخيـر
ليه ادوّر شـي مانـي رايـده .؟!

ادري ان مال الكبيـر الا الكبيـر
الـرجـال تـقـاد والا قـايـده

اكره اثنين : المنافـق والحقير
تستقل طيـب الرجـال الرايـده

ان مدحت امدح وانا وجهي سفير
مدحـتٍ للحـق ماهـي سايـده

وكانها ماجات من قلب وضميـر
مدحتـي ذمـه بحـقـه كـايـده

وش علي ان صاد له طيرٍ يطيـر
لاهـو بطيـري ولانـي صايـده

من خلقن الله احب اكـون غيـر
ما احـب اكـون حاجـه زايـده

الفقر ماعـذرب اخـلاق الفقيـر
في السنين الحاضـره والبايـده

في الزمن اشياء تعني لي كثيـر
التمـام الشمـل حـول المايـده

ومنظر البسمه على الطفل الصغير
فـي نهـار العيـد يـوم تعايـده

قلتها وعذري يصير اللي يصيـر
كـل راسٍ يرتخـي لوسـايـده

انتبـه ويـاي للبيـت الاخـيـر
اسمعـه منـي ولانـي عـايـده

تدري وش معناة الرجل الحقيـر
من يصاحب رجل لجـل الفايـده .!!

كلماتها قوية و واقعية
اشكرك للنقل و الإختيار
تحياتي

معبرة جداً
ذائقة جميلة
ود وورد

الكلمات قويه وكتير حلوه
ذلئقعه جميله كالعاده
يسلمو هالديات حبيبتي

	السلام عليكم ورحمة الله وبركاته يسلمووووا ع الكلمات الجميلة يعطيك الف عافية بانتظار جديدك دائما تحيتي