اخبار ع الريق..الاحد ٢/٧

#أخبار_عالريق
✅يكتبها/سعيد الطويل
■أخيرا مضوا العقد بشكل رسمي مع المقاول وان شاء الله حيبلشوا شغل بمستشفى رفح الأيام الجاية.
■واحد متخلف عقلي ، قتل راجل كبير بالعمر من دار قشطة مبارح برفح .
■في ست من دار حجازي عمرها 35 سنة برضه من رفح مسكتها الكهرب وهيا بتصلح بالسخان وماتت بمكانها .
■رواتب السلطة اليوم حتنصرف من البنوك.
■صالات الأفراح بيقولوا انها حتفتح يوم 21 بهذا الشهر بس المعلومة لسة مش أكيدة.
■سوق السبت اللي برفح حيصير يوم الاثنين يعني عادي بكرة احكي للسواق نزلي عند سوق السبت .
■وزارة الصحة بتقول انها بتتوقع موجة جديدة من الكو.رونا بغزة.
■راجل طيب اسمه رأفت مطير توفى مبارح وبعد خمس دقايق توفت أمه ولحقت فيه .
■أول مبارح كمان في طفلين توأم توفوا مع بعض بخانيونس أجو لأهلهم بعد تسع سنين انتظار.
■لحتى الآن فش تسجيل لموسم العمرة الجاي برمضان .
■لجنة الانتخابات بتقول انه الدعاية الانتخابية ممنوعة هذه الفترة.
■الوفود تبعت الفصا.يل بدت توصل القاهرة من مبارح .
■الوفود حتضل ليوم الأربع بمصر .
■أم سمير بتقول انه مش متفائلة من انهم حيروحوا متفقين بعد طشة مصر،معقول كلام أم سمير مزبوط؟
■الإمارات خلت الدعم مليون دولار بدل ال51 لفلسطين.
■لاول مرة من عشر سنين طيارة "اسرائيلية" نزلت عادي بتركيا وتجددت العلاقات.
■مبارح مكانش ولا حالة وفاة عنا بغزة من الكو.ورنا.
■7.ما.س بتقول انه الأجهزة الأمنية بتستدعي كوادرها بالضفة وبتحذرهم انهم يشاركوا بالانتخابات.
■الجو حيكون ربيعي من هان ليوم الخميس والدولار اليوم ب3.29 شيكل .

#صباح_الخير_والسعادة_والرزق 🌸
الأحد7/2/2021

	السلام عليكم ورحمة الله وبركاته يسلموووووا ع النشرة الاخبارية المنوعة يعطيك الف عافية بانتظار جديدك دائما تحيتي

الاخبار غالبيتها بتغم وبنفعش لاا ع ريق ولا عم مسا
يعطيك العافية لادراجك ..

■أم سمير بتقول انه مش متفائلة من انهم حيروحوا متفقين بعد طشة مصر،معقول كلام أم سمير مزبوط؟
يسلم تمها لام سمير
عوافي ع الادراج

تسلمي حبيبتي لنقل والمتابعه

يسلمو نقاء ع الموجز
طآب يومك

مشكورةعالنقل نقاء

سلمتي

فيها المفرح و فيها المحزن و إن شاءالله القادم أحلى و أحلى
على فكره يا ريت تكون هالنشرة الإخبارية فقرة قارة بالمنتدى
لأنو اللي يهمّ الفلسطينين يهمّنا
شكرا نقاء

شكرا لحضوركم جميعا
نورتوا واسعدني حضوركم
دمتم ب ود