أخبار_عالريق سنة و35 يوم

#أخبار_عالريق سنة و35 يوم
✅يكتبها/سعيد الطويل
■وصلنا الليلة منخفض جديد هذه المرة ، دمه خفيف شوية ،الجو كان شوب والمطرة والتلج بينزلوا علينا.
■المعبر فاتح لليوم الأخير هذا اليوم للمروحين اللي ضلوا لوجه الفجر ،يوصلوا ع غزة وللمسافرين اللي تسلهوا من النجمة.
■اليوم حيبدوا صرف بال100 دولار القطرية من البريد.
■العمادي مبارح افتتح سفارتهم اللي ع بحر غزة.
■الحجر بكرة زي الأسبوعين اللي فاتوا ،اتمشى زي ما بدك بس تفتحش محلك ولا تركب سيارتك.
■الجاج اليوم بعشرة شيكل ونص الكيلو.
■عاطف الحوت قال انه مستشفى رفح بدها تلت سنين لما تخلص وتتشطب.
■برشلونة غلب غرناطة بخمس قوان مرتبات مقابل تلاتة ،وتأهل لنص النهائي.
■زهقنا واحنا بنكتب كل فترة انه اليهو.د قصفوا سوريا ،وسوريا يتحتفظ بحق الرد زي كل مرة.
■جبريل الرجوب بيقول انه لهلحين فش مرشح لفتح للرئاسة ،وأهم حاجة عنا هالوقت التشريعي.
■ الحي.ة قال انه 7.ما.س حتزيح كل العقبات من قدام الانتخابات.
■فتح بتقول انه فش مِنّة لحد على شعبنا بأنه وافق على الانتخابات أو قدم تنازلات .
■ الكويت لغت كل احتفالاتها وتمنعت كل التجمعات عشان الكو.رونا.
■بيقولوا شكلها الأمور رايحة لوحدة فتح بقائمة مع بعض اذا مصارش جديد .
■شرطة البلديات برفح مسكت كمية كبيرة من الأفوكادو والموز الخربان بالبلد.
■200اصابة كور..ورنا جديدة بالقطاع حيعلنوا عنهم الصبحيات.

#صباح_الخير للناس اللي تمرمطت بطريق السفر لما وصلت لغزة وباتت تلت تيام بالطريق بعز البرد والسقعة والمطرة .

#صباح_الخير لكل واحد معرفش ينام وهو بيفكر بهمومه وديونه ومشاكله وضلوا صاحي لوجه الفجر والصداع قسم راسه نصين..الله يكون بعونه وبعون اللي زيه.

#صباح_الخير لكل خريج نفسه تطلعله أقل حاجة كم شهر بطالة ،عشان يورجي ابداعه قدام أهله اللي تعبوا وعلموه ،وياخذ فرصته ولو مرة وحدة.

#يسعد_صباحكم يا أطيب الناس
#هلا_بالخميس 4/2/2021

يسعد صباحك
يسلمو للنقل

	السلام عليكم ورحمة الله وبركاته يسلمووووا ع النشرة الاخبارية المنوعة والمتابعة يعطيك الف عافية بانتظار جديدك دائما تحيتي

صباحك اسعد
وعوافي لنقل

مشكور للمتابعة
تحياتي لك

صباح السعادة للجميع

شكرا جزيلا

شكراً ع الموجز
طآب يومك