البارحه ما طاب جفني بالكرى والناس حولي بالهنا ورقودي..غناء عُريب

البارحه ما طاب جفني بالكرى
والناس حولي بالهنا ورقودي
وانا صريع الحب في شفه ترا
وانوح واسجل شعر منضودي
من لاسع باقصى ضميري ما برى
يالين يرجع لي الظنا ويعودي
من ذا الذي بيثيبني في اللي جرا
بردود جيلن يشفي الميهودي
ميهود انا من يوم فارقته و سرا
والعي على شوفه بدون حدودي
يلومني الخالي وعني ما دري
وانا بجاشي لاظيِنٍ نمرودي
ما تشوف دمعي فوق خدي لي يرا
من زود ما بي ناحلٍِِِ كالعودي
البارحه ما طاب جفني بالكرى
والناس حولي بالهنا ورقودي