قلوبنا وبيوتنا حزينة .. يا رب تفرجها علينا 🙏🏻

كميّة الحزن و الغصّة بهلأيام مخيفة !
وفاة ورا وفاة و مرض و مستشفيات و أجهزة و أدوية ..
بتهرب من الدنيا وبتفتح الفيسبوك لتنسى شوي بتلاقي اللي بنعي بوفاة أخوه أو أبوه أو حتى الناس تنعي وفاته ..
حوادث .. ومرض .. وجلطات .. وسكتات قلبيّة ..💔
شباب صغار و نساء و أطفال قاعدين يروحو وإحنا ما بنعرف شو يلي بصير !
المرض فات تقريباً على بيوتنا كلنا ..

بطلنا نفكر بكورونا قد ما إحنا بنفكر بشو بده يصير فينا بكرا ..
الناس جاعت .. والهم ذبحها ..
إذا قررنا نتجمّع ما بنقدر نحكي إلّا بأعداد الحالات أو إذا انصبنا بالمرض بنعطي معلومات لغيرنا !!
تعبنا ..
بطّل بدنا أجهزة أكسجين ولا أدوية مسكّنة صار بدنا أدوية نفسيّة ..

بتمشى بالشارع كل الناس الهم ماكل عيونها وقلوبها.. كلهم بفكرو كيف بدهم يدبرو أكل .. كيف بدهم يتصرّفو لو سكرت البلد وبطّلو يشتغلو ..

نسينا شو يعني نقعد بدون ما نحكي عن المرض والموت..
احنا تقريباً نسينا كيف كانت شكل أيامنا و سهراتنا قبل سنة بالزبط !!
صرنا واحنا قاعدين نفكّر كم ساعة معنا لحتى نروّح قبل ما تبلّش صافرات الإنذار ..
واذا قررت تحكي مع أي شخص بتلاقيه خايف وقلقان والمشاكل مكفيته ..
الناس مش قادرة تحكي مع بعضها .. ولا حدا قادر يفتح قلبه لحدا .. لإنّه كل واحد اللي فيه مكفّيه ..

يا رب قلوبنا وبيوتنا حزينة .. يا رب تفرجها علينا يا رب .🙏🏻

﴿اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ﴾ .

والله صح مش بعرف ايه لسه هايحصل
فينا اللهم احسن خواتمنا
ميرسي للنقل

نسينا شو يعني نقعد بدون ما نحكي عن المرض والموت..

والله كلام واقعي ومؤلم
وم تنسي نشرات الاخبار
اللي كلها بس اعداد وفيات
ودمار وحروب
ي رب يصلح الاحوال وسنه جايه احلى ي رب
شكرا للنقل اسمى

نسال الله العفو و العافية و نساله ان يبدلنا حالا خيرا من هذا الحال

اللهم ارفع عنا هذا الوباء و شافي مرضانا و ارحم موتانا

سلمت يمناك على رقي عطاءك
لك مني اجمل تحيه وتقدير

و خمس نجمات لموضوعك القيم

*****

الحمدلله على كل حال
ما في شي بدوم ، ايام بتداول بينا ، ما بين السعاده و الشقاء
ربنا يبعتلنا طمأنينه وراحه بال و رضا لحتى نتجاوز الي احنا فيه

يعطيكي العافيه ...

	السلام عليكم ورحمة الله وبركاته ربنا يرحمنا برحمته ويرفع عنا البلاء والوباء وعن العالم اجمعين امين يارب يسلمووووا ع الطرح القيم والجميل يعطيك الف عافية بانتظار جديدك دائما تحيتي