النشره الاخباريه

#أخبار_عالريق 296
✅يكتبها/سعيد الطويل
■مبارح الفيس بوك صار ينعف نعف بالكتوبة والمنشورات عن المشاكل والطوش وهذا يهدد وهذا يطالب وهداك ينزل بيان ،لدرجة انهم صاروا ينزلوا خريطة "نكشة راس" للمناطق اللي صارت فيها المشاكل.
■الناس صارت تطالب الحكومة بشغلتين انهم يحسموا الأمور من أولها بالحوادث والطوش وانهم يعاقبوا بالقصاص اللي بيعلموا هذه الجرايم.
■في طوش مبارح ضلت شغالة لوجه الفجر وفيها طخ وشرطة واسعافات.
■الرئيس أبو مازن بخطابه مبارح حكى كلام محدش عارضه فيه من الفصائل وهنية أكد انه كلامه فش عليه غبار ومعبر.
■أكد برضه أبو مازن بخطابه انه مش حنستسلم ومش حنغير ثوابتنا.
■كل شوي طالعين الفصائل بتصريح انه الاسبوع الجاي حيطلع مرسوم عشان موعد الانتخابات والناس للأمانة بتفكرها نكتة ومش مصدقة حد فيهم.
■الله وكيلك بكل موسم للزتون بيفتحوا موضوع المصالحة والانتخابات وبيسكروه بعد موسم البلح على طول.
■توفى مبارح البروفسور محمد ابو هربيد من بيت حانون بمرض الكوورنا،وهو بيكون ابوها لزميلتنا نفين..الله يرحم روحه.
■سكروا بشكل كامل الشيخ رضوان، و تحديداً منطقة أبو الأمين وأبو اسكندر .
■اصابيتن لراجل وجوز بنته بحادث سير مبارح على مدخل خزاعة.
■أم نضال الزعروع بتطالب اخوانا بمصر انهم يساعدوا بمعرفة مصير أولادها التلاتة اللي انفقدوا مبارح بالبحر .
■صحفي فلسطيني من غزة اسمه أحمد الأسطل اختفى بتركيا من خمس تيام ومحدش عارف عن أخباره حاجة.
■الصحة العالمية بتقلك عدد وفيات الكوورنا بالعالم حيوصل اتنين مليون قبل ما يستخدموا اللقاح.
■لجنة الانتخابات بتقول انه احنا جاهزين للانتخابات باي وقت وبدها 110 تيام بتكون الانتخابات جاهزة مية بالمية.
■مبارح كان عنا خمس حالات وفاة بالضفة وغزة وستمية وشوية اصابات جديدة.
■الناس صارت متحطش الكمامة الا ع حاجز شرطة او لما تشرد من اللي بدهم منهم دين ،الا من رحم ربي.
■البندورة اليوم بتنباع بسعر أغلى من التفاح عالبسطات اللي بنص البلد.
■في خبر غايب عن الاعلام ومحدش فاضيله ولا جاب سيرته ،أسير اسمه ماهر عبد اللطيف الأخرس عمره خمسين سنة، اله مضرب عن الطعام اتنين وستين يوم عند اليهود.
■في مقترح انه يرجعوا الأولاد عالمدارس تلت تيام بالأسبوع ويكون بس خمسة وعشرين ولد بالصف .
■جيل التسعينات نزلوا بيان بصراحة في كلام مهم ومقتنع لحل مشكلتهم شوية شوية.
■الصحة أخذت عينات ببلاش من المسافرين العاديين وتعون التنسيقات وهيهم جهزوا شناتيهم لفتحة المعبر بكرة بس اللي بيطلع معه كوورنا مش حيسافر.
■أكثر عدد من العالقين اللي حيوصلوا عالبلد حيجوا من تركيا عددهم تقريبا فوق ال350 نفر.

الله يفرجها

الله يتلطف فيكن
يسلمو الامير

الله يبعتلك ايام حلوه
و
سنين احلى

ييسسلممو الامميير
وردهه